BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوزىمبايەۆ: شكارۋپانى قىزمەتىنەن بوساتۋ ماسەلەسىن قاراستىرامىز

فوتو: ашық дереккөзден

استانا، baq.kz ٴتىلشىسى. اقوردادا وتكەن قاۋىپسىزدىك كەڭەسىندە قر باس پروكۋرورى قايرات قوجامجاروۆ ەنەرگەتيكا ۆيسە-مينيسترى اناتوليي شكارۋپانىڭ 215 ملن تەڭگە كولەمىندەگى مەملەكەت قارجىسىن جىمقىرۋ دەرەگىنە قاتىسى بار ەكەنىن مالىمدەگەن. بۇگىن ۇكىمەت وتىرىسىنان سوڭ قر ەنەرگەتيكا ٴمينيسترى قانات بوزىمبايەۆ اتالعان ماسەلەگە قاتىستى تۇسىنىكتەمە بەردى.

قانات بوزىمبايەۆ جۋرناليستەرگە شكارۋپانىڭ قوماقتى بيۋدجەت قاراجاتىن جىمقىرۋعا قاتىسى بار ەكەنىن تەك قاۋىپسىزدىك كەڭەسىندە عانا بىلگەنىن ايتتى.

«اناتوليي شكارۋپا (ەنەرگەتيكا ۆيسە-مينيسترى رەتىندە – اۆتور) بىزگە قازاننىڭ ورتاسىندا كەلدى. قاۋىپسىزدىك كەڭەسىندە قر باس پروكۋراتۋراسى مالىمەتىنە سايكەس، بىردەڭەنى بۇلدىرگەنىن ٴبىلدىم. وسى وتىرىستا ونى قاراعاندى وبلىسىنىڭ پروكۋراتۋراسىنا شاقىرىپتى. مەنىڭ بىلۋىمشە، ول كۋاگەر رەتىندە بارعان. قازىرگى تاڭدا ونىڭ ستاتۋسى كۋاگەر»، - دەدى مينيستر.

وسى ورايدا ۆەدومستۆو باسشىسى ەنەرگەتيكا ۆيسە-مينيسترى اناتوليي شكارۋپانىڭ قىزمەتىنەن بوساتۋ ماسەلەسى قارالىپ جاتقانىن جەتكىزدى.

«قازىرگى تاڭدا ٴبىز ونىڭ قىزمەتىنە بايلانىستى ماسەلەنى قاراستىرىپ جاتىرمىز. ياعني ۆيسە-مينيستردىڭ قىزمەتىن توقتاتا تۇرۋ نەمەسە ٴوز ەركىمەن قىزمەتىنەن كەتۋ ماسەلەسىنە قاتىستى. ول - بىلىكتى كادر. ول تاريف باعانا قاتىستى ماسەلەنى رەتتەۋگە كومەكتەسىپ، ونى تومەندەتۋگە ات سالىسا الار ەدى. ٴبىراق 2015 جىلى بولعان وقيعاعا قاتىستى تۇسىنىكتەمە بەرە المايمىن. سەبەبى، سول كەزدە مەن باسقا وڭىردە بولدىم»، - دەدى قانات بوزىمبايەۆ.

ايتا كەتەيىك، وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، ۇلتتىق ەكونوميكا ۆيسە-مينيسترىنە سوگىس جاريالاعانىن، باعانى نەگىزسىز وسىرۋگە جول بەرگەن مونوپوليستەردى جازالاۋدى تاپسىرعانىن، ۇلتتىق ەكونوميكا مينيسترىنە ارنايى تاپسىرما بەرگەنىن، كومىر مەن تاۋارلاردىڭ باعاسىن ەرەكشە باقىلاۋدا ۇستاۋدى تاپسىرعانىن، ٴارى حالىقتى تولعاندىرعان ماسەلەلەرگە نازار اۋدارۋعا شاقىرعانىن جازعانبىز.

سونداي-اق وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردىڭ جۇمىسى سىنعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي