BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل مەملەكەتتىك – جەكەمەنشىك ارىپتەستىك شارتتار سوماسى 1،1 ترلن تەڭگەگە جەتكەن

استانا، baq.kz ٴتىلشىسى. بيىل مەملەكەتتىك –جەكەمەنشىك ارىپتەستىك شارتتار سوماسى 1،1 ترلن تەڭگەگە جەتكەن. بارلىعى 443 شارت جاسالعان. بۇل تۋرالى قر ۇلتتىق ەكونوميكا ٴمينيسترى تيمۋر سۇلەيمەنوۆ ايتتى.

«قازاقستاندا مەملەكەتتىك-جەكەمەنشىك ارىپتەستىك جوبالارىن جۇزەگە اسىرۋ 2006 جىلدان باستالدى. 10 جىل ىشىندە بارلىعى 3 كونسەسسيالىق جوبا ىسكە اسىرىلدى. ٴبۇل تەمىرجول جەلىسى، ٴوڭىرارالىق ەلەكتر جەلىسى جانە اۋەجايدىڭ جولاۋشىلار تەرمينالى. ايتا كەتۋ كەرەك، ول كەزدە قولدانىستا تەك ٴىرى ينفراقۇرىلىمدىق جوبالارمەن شەكتەلەتىن «كونسەسسيالار تۋرالى» زاڭ بولعان. قازاقستاندا بۇل ارىپتەستىك سوڭعى 7 جىلداعى زاڭنامالىق جانە ينستيتۋسيونالدىق بازانىڭ ٴبىرشاما جەتىلۋىنە بايلانىستى جانداندى»، - دەدى سۇلەيمەنوۆ ۇكىمەت ساعاتىندا.

مينيستر سالىستىرۋ ٴۇشىن مەملەكەتتىك – جەكەمەنشىك ارىپتەستىك بويىنشا 2006-2016 جانە 2017-2018 جج. كەزەڭدەردەگى اقپاراتتى ۇسىندى.

«2003-2016 جىلدار ارالىعىندا 59،4 ملرد تەڭگە سومانى قۇرايتىن 21 شارت جاسالدى. 2017 جىلدان بيىلعى جىلدىڭ 15 قازانىنان دەيىن سوماسى 1 ترلن تەڭگەگە 422 شارت جاسالدى. بۇل وتكەن جىلدارمەن سالىستىرعاندا 21 ەسە ارتىق. بۇگىنگى كۇنى جالپى سوماسى 1،1 ترلن تەڭگەگە 443 شارت جاسالعان. ٴارتۇرلى دايىندىق كەزەڭدەرىندە 1،5 ترلن تەڭگە سوماسىنا 721 جوبا بار»، - دەدى تيمۋر سۇلەيمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي