BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل 8 893 ميكرونەسيە بەرىلدى – ٴمادينا ٴابىلقاسىموۆا

فوتو: gtrk-vyatka.ru

الماتى، baq.kz ٴتىلشىسى. مەملەكەت باسشىسىنىڭ تاپسىرماسى بويىنشا ميكرونەسيە بەرۋدى قارجىلاندىرۋ 20 ملرد تەڭگەگە: ونىڭ ىشىندە قالالاردا 6 ملرد تەڭگە، اۋىلداردا 14 ملرد تەڭگەگە ۇلعايدى. بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ايتتى.

جيىن بارىسىندا ول مەملەكەت باسشىسىنىڭ ٴ4-شى الەۋمەتتىك باستاماسى ٴوزىن-وزى جۇمىسپەن قامتىعان جانە جۇمىسسىز حالىق اراسىندا جاپپاي كاسىپكەرلىكتى دامىتۋ ٴۇشىن ميكرونەسيە بەرۋدى كەڭەيتۋگە باعىتتالعاندىعىن ايتىپ ٴوتتى.

«مەملەكەت باسشىسىنىڭ تاپسىرماسى بويىنشا، ميكرونەسيە بەرۋدى قارجىلاندىرۋ 20 ملرد تەڭگەگە ۇلعايدى، ونىڭ ىشىندە قالالاردا 6 ملرد، اۋىلداردا 14 ملرد تەڭگەگە. قوسىمشا بولىنگەن قاراجات بويىنشا ميكرونەسيەلەۋدىڭ جالپى سوماسى 62 ملرد تەڭگە، ونىڭ ىشىندە 17 ملرد قالادا جانە 45 ملدر اۋىلدى جەرلەرگە كوزدەلگەن. وسى جىلى 14 مىڭ ادامعا ميكرونەسيە بەرۋ جوسپارلانىپ وتىر. جىل باسىنان بەرى ميكرونەسيە بويىنشا بارلىعى 38 ملرد تەڭگە يگەرىلدى، ونىڭ ىشىندە قالالىق جەردە 10،5 ملرد تەڭگە، اۋىلداردا 28 ملرد تەڭگە. بۇل جوسپاردىڭ 60 پايىزىن قۇرايدى»، - دەيدى مينيستر.

سونىمەن قاتار ول، وڭىرلەر بولىنىسىندە قاراجاتتى يگەرۋ بويىنشا جاقسى كورسەتكىشتەر الماتى قالاسىندا، الماتى وبلىسىندا، بقو، جامبىل وبلىسى، شقو جانە سولتۇستىك قازاقستان وبلىستارىندا بايقالاتىندىعىن ايتتى. ال قاراجاتتى يگەرۋ بويىنشا ارتتا قالىپ كەلە جاتقان وڭىرلەر ماڭعىستاۋ، اتىراۋ، اقتوبە وبلىستارى جانە استانا قالاسى ەكەن.

«جىل باسىنان بەرى بارلىعى 8 893 ميكرونەسيە بەرىلدى. بۇل جىلدىق جوسپاردىڭ 63 پايىزىن قۇرايدى، ونىڭ ىشىندە اۋىلداردا 7901 (72%)، قالادا 992 (33%). اۋىلداردا ميكرونەسيە بەرۋدىڭ ورتاشا مولشەرلەرى 3،5 ملن تەڭگە، قالالاردا 10،6 ملن تەڭگەنى قۇرايدى. وڭىرلەر بولىنىسىندە ميكرونەسيە بەرۋ بويىنشا جوعارى كورسەتكىشتەر قىزىلوردا، سولتۇستىك جانە باتىس قازاقستان وبلىستارىندا بايقالادى. ارتتا قالىپ كەلە جاتقان وڭىرلەر اتىراۋ، ماڭعىستاۋ وبلىستارى جانە استانا قالاسى»، - دەدى م. ٴابىلقاسىموۆا.

سونداي-اق ول، ستارتاپ جولبالاردى قولداۋعا 6087 ميكرونەسيە بەرىلگەندىگىن ايتىپ ٴوتتى. ماسەلەن، ياكورلىق وپەراسيا باعىتىن دامىتۋعا 527 نەمەسە 6 پايىز ميكرونەسە بەرىلگەن جانە جەكە ٴىستى كەڭەيتۋگە 2279 ميكرونەسيە بەرىلىپتى.

«ميكرونەسيە بەرۋ اياسىندا ٴوزىن-وزى جۇمىسپەن قامتىعانداردىڭ قاتارىنان 7914 ادام جانە 979 جۇمىسسىز ادام كاسىپكەرلىكپەن اينالىسۋعا جانە ٴوز ٴىسىن زاڭداستىرۋعا مۇمكىندىك الدى. جالپى ميكرونەسيە العان ادامدار قوسىمشا 8256 جۇمىس ورنىن قۇردى. ەكونوميكا سالالارى بويىنشا، اۋىل، ورمان جانە بالىق شارۋاشىلىعىن دامىتۋعا 81%، كولىك سالاسىنا 6%، تۇرۋ جانە تاماقتانۋ بويىنشا كورسەتىلەتىن قىزمەتتەرگە 3،2%، وڭدەۋشى ونەركاسىپ سالاسىنا 2%، كوتەرمە جانە بولشەك ساۋدا سالاسىنا 1%، باسقا دا قىزمەت تۇرلەرى بويىنشا 6،4%، قۇرىلىس سالاسىندا 0،4 % ميكرونەسيە ٴبولىندى»، - دەيدى مينيستر.

بۇعان قوسا، باعدارلاما اياسىندا كاسىپكەرلىكتىڭ سانىن كوبەيتۋدىڭ ٴتيىمدى شارالارىنىڭ ٴبىرى «باستاۋ-بيزنەس» جوباسى بويىنشا بيزنەس نەگىزدەرىنە وقىتۋ جۇرگىزىلىپ جاتىر ەكەن. وسى جىلدىڭ 9 ايى ىشىندە 24 مىڭ ادام وقىتىلعان، ونىڭ ىشىندە 14 300 ادام بيزنەس جوبالارىن قورعاپ شىعىپتى. ال 4،1 مىڭ ادام ميكرونەسيە العان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي