BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باعانى نەگىزگىز وسىرگەن مونوپوليستەر زاڭ الدىندا جاۋاپ بەرۋى ٴتيىس – ساعىنتايەۆ

فوتو: ашық дереккөзден

استانا، baq.kz ٴتىلشىسى. ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەلىمىزدەگى تاريف باعاسىن نەگىزسىز وسىرگەن مونوپوليستەر زاڭ الدىندا جاۋاپ بەرەتىنىن ٴمالىم ەتتى.

الدىمەن ۇكىمەت باسشىسى ولارعا قارسى تەرگەۋ اشىق جۇرگىزىلۋى ٴتيىس ەكەنىن اتاپ ٴوتتى.

«تابيعي مونوپوليستەردىڭ تاريفتىك سمەتالارى مەن ينۆەستيسيالىق مىندەتتەمەلەرىن ورىنداماۋ جانە وندىرىستىك ەمەس شىعىندارىن قىزمەت قۇنىنا زاڭسىز قوسۋ بويىنشا انىقتالعان بارلىق فاكتىلەردىڭ باسىن اشىپ الۋ كەرەك. تاريفتەردى جاساندى تۇردە كوتەرۋ ەسەبىنەن پايدا تاپقان جوسىقسىز مونوپوليستەر ياعني قىزمەتىنە ادال ەمەس مونوپوليستەر مەن باسقارۋشى كومپانيالار زاڭ الدىندا جاۋاپ بەرۋى ٴتيىس. تەكسەرىس جۇمىستارى كوپشىلىكتىڭ الدىندا اشىق جۇرەتىن بولسىن»، - دەدى ول.

وسى ورايدا باقىتجان ساعىنتايەۆ 2 اپتادان سوڭ اتالعان ماسەلە ۇكىمەت وتىرىسىندا قايتا قارالاتىنىن ايتتى.

وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، ۇلتتىق ەكونوميكا ۆيسە-مينيسترىنە سوگىس جاريالاعانىن جازعانبىز.

ايتا كەتەيىك، وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردى جۇمىسى سىنعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي