BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋەجايلاردا قاۋىپسىزدىكتى كۇشەيتۋ قاجەت - ك.ٴماسىموۆ

فوتو: Бауыржан ЖУАСБАЕВ

ۇكىمەتتىڭ بۇگىنگى وتىرىسىندا پرەمەر-مينيستر كارىم ٴماسىموۆ رەسپۋبليكا بويىنشا ورنالاسقان اەروپورتتاردا قاۋىپسىزدىك شارالارىن كۇشەيتۋدى تاپسىردى. نەگىزگى سەبەپ - تۇركيا اۋەجايىندا بولعان جارىلىستار، دەپ xابارلايدى baq.kz ٴتىلشىسى.

ينۆەستيسيالار جانە دامۋ ٴمينيسترى جەڭىس قاسىمبەكتىڭ ايتۋىنشا، بۇگىندە بارلىق اۋەجايلاردا تەكسەرىس پەن كۇزەت شارالارى كۇشەيتىلدى.

"وسى ۋاقىتقا دەيىن ٴبىز قۇقىق قورعاۋ ورگاندارىمەن بىرلەسىپ، ارنايى كەڭەستەردى وتكىزدىك. بۇگىندە رەيستەردى ٴجيى قابىلدايتىن 20 اۋەجاي انىقتالدى. جاقىن ارادا تەكسەرىس پەن بەينەباقىلاۋ قۇرىلعىلارىن الۋ بويىنشا ٴتيىستى ۇسىنىستاردى ەنگىزەتىن بولامىز. بۇل ماسەلەنى ٴجىتى باقىلاۋدا ۇستاپ وتىرمىز"، - دەپ اتاپ كورسەتتى مينيستر.

بۇدان بولەك، وتىرىس بارىسىندا ۇلتتىق ەكونوميكا ٴمينيسترى قۋاندىق بيشىمبايەۆ بايانداما جاساپ، مەملەكەتتىك باعدارلامالار بويىنشا بەرىلەتىن ميكروكرەديتتەردىڭ ەسەبىن رەتكە كەلتىرۋ كەرەكتىگىن جەتكىزدى. سونداي-اق ول جاڭا تۇرعىن ٴۇي باعدارلاماسىنىڭ ازىرلەنىپ جاتقانى جايىندا مالىمدەدى. ال اۋىل شارۋاشىلىعى ۆيسە-مينيسترى گۇلميرا يسايەۆا ٴسىبىر جاراسى بار مال قورىمدارى بويىنشا ەسەپ بەردى. ونىڭ مالىمەتىنە سايكەس، رەسپۋبليكا بويىنشا ٴسىبىر جاراسى بار مال قورىمدارىنىڭ جالپى سانى 2 ٴ604-تى قۇراپ وتىر. 1 890 قورىمنىڭ ناقتى جەرى بەلگىلى، سونىڭ ىشىندە 702 قورىم قورشالماعان، يا بولماسا، ارنايى بەلگىلەرى قويىلماعان. ال ٴسىبىر جاراسى بار 714 مال قورىمىنىڭ ناقتى جەرى انىقتالماي وتىر. ۇكىمەت باسشىسىنىڭ ورىنباسارى - اۋىل شارۋاشىلىعى ٴمينيسترى اسقار مىرزاحمەتوۆ بولسا،اۋسىلدان ارام قاتقان مالدى ورتتەيتىن جىلجىمالى ماشينالاردى ساتىپ الۋدى كوزدەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي