BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسەم ٴسامميتى اياسىندا قر پرەمەر-مينيسترى ك.ٴماسىموۆ ٴبىرقاتار ەكى جاقتى كەزدەسۋلەر وتكىزدى

ۇلان-باتىردا ٴوتىپ جاتقان xi اسەم ٴسامميتى اياسىندا قازاقستان پرەمەر-مينيسترى كارىم ٴماسىموۆ ٴبىرقاتار ەكى جاقتى كەزدەسۋلەر وتكىزدى، دەپ حابارلايدى pm.kz.

اتاپ ايتقاندا، چەحيا رەسپۋبليكاسىنىڭ پرەزيدەنتى ميلوش زەمانمەن اڭگىمەلەسۋ بارىسىندا كارىم ٴماسىموۆ ماشينا جاساۋ جانە اۋىل شارۋاشىلىعى سالالارىنداعى قازاقستاندىق-چەح ىنتىماقتاستىعىن دامىتۋعا الەۋەتتى ايتىپ ٴوتىپ، قازاقستان چەحيانى ماڭىزدى ەكونوميكالىق سەرىكتەستەرىنىڭ ٴبىرى رەتىندە قاراستىراتىنىن ايتتى.

سامميت الاڭدارىندا ك. ٴماسىموۆ موڭعوليا پرەمەر-مينيسترى جارگالتۋلگا ەردەنەباتپەن كەزدەسىپ، اسەم ٴسامميتىنىڭ ٴساتتى وتۋىمەن قۇتتىقتادى.

قر پرەمەر-مينيسترىنىڭ پىكىرىنشە، ۇلان-باتىردا اسا جوعارى دەڭگەيدە فورۋم وتكىزۋ ەلدىڭ الداعى دامۋىنا سەپتىگىن تيگىزەدى.

تاراپتار ەكى جاقتى ساۋدا-ەكونوميكالىق بايلانىستاردى دامىتۋ جانە ەكى ەلدىڭ بيزنەس قاۋىمداستىقتارىنىڭ بايلانىستارىن نىعايتۋ ماسەلەلەرىن تالقىلادى.

ك.ٴماسىموۆ ٴبىزدىڭ ەلدەردىڭ اراسىنداعى ساۋدا اينالىمىن ارتتىرۋعا زور الەۋەتتى ايتىپ ٴوتىپ، ىنتىماقتاستىقتى ودان ٴارى كەڭەيتۋگە جانە ساۋدا-ەكونوميكالىق قاتىناستاردى جانداندىرۋعا دايىندىعىن ٴبىلدىردى.

ونىڭ پىكىرىنشە، ٴوزارا ٴتيىمدى سەرىكتەستىكتى رەتتەۋ ٴۇشىن اسا پەرسپەكتيۆالى سالالار ەنەرگەتيكا، تاۋ-كەن ونەركاسىبى، اۋىل شارۋاشىلىعى، كولىك ينفراقۇرىلىمى، تۇرعىن ٴۇي قۇرىلىسى، التىن جانە ۋران ٴوندىرۋ جانە وڭدەۋ بولىپ تابىلادى.

فينليانديا پرەمەر-مينيسترى يۋحوي سيپيليامەن اڭگىمەلەسۋ بارىسىندا ك. ٴماسىموۆ جان-جاقتى ەكونوميكالىق ىنتىماقتاستىققا قىزىعۋشىلىعىن ٴبىلدىرىپ، فيندىك سەرىكتەستەردى قازاقستان اۋماعىندا بىرلەسكەن جوبالارعا قاتىسۋعا شاقىردى.

سونداي-اق، ك.ٴماسىموۆتىڭ نيدەرلاندى پرەمەر-مينيسترى مارك ريۋتتەمەن كەزدەسۋى ٴوتتى. كەلىسسوزدەر بارىسىندا تاراپتار اۋىل شارۋاشىلىعى سالاسىندا ىنتىماقتاستىقتى دامىتۋ پەرسپەكتيۆالارىن قاراپ، ساۋدا-ينۆەستيسيالىق بايلانىستاردى ودان ٴارى نىعايتۋعا مۇددەلىلىكتەرىن قۇپتادى.

قازاقستان پرەمەر-مينيسترى مەن رۋمىنيا پرەمەر-مينيسترى داچيان چولوشتىڭ كەزدەسۋىندە ٴوزارا ساۋدا جانە ينۆەستيسيالاردى ارتتىرۋعا جانە كەڭەيتۋگە مۇمكىندىكتەرى، سونداي-اق بۇۇ، وبسە جانە باسقا حالىقارالىق ۇيىمدار اياسىندا بىرلەسكەن كۇش-جىگەردى ۇيلەستىرۋ تالقىلاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي