BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىداعى بارلىق جەر ۇيگە گاز كەلىپ تۇر – بايبەك

فوتو: ашық дереккөзден

بۇل تۋرالى بۇگىن ۇكىمەت وتىرىسىندا الماتى اگلومەراسياسىنىڭ ىسكە اسىرىلۋ بارىسىن بايانداعان قالا اكىمى باۋىرجان بايبەك مالىمدەدى، دەپ حابارلايدى ۆaq.kz ٴتىلشىسى.

باۋىرجان بايبەك قالا اگلومەراسياسى قۇرىلعان جوسپارعا ساي ورىندالىپ جاتقانىن ايتتى.

«الماتى وبلىسى اكىمدىگىمەن بىرلەسىپ، نەعۇرلىم ماڭىزدى باعىتتا – ەكولوگيا، كولىك، تۋريزم جانە قاۋىپسىزدىك بويىنشا ناقتى جوبالار قامتىلعان الماتى اگلومەرسياسىنىڭ 2030 جىلعا دەيىنگى ۇزاقمەرزىمدى جاڭا جوسپارىن ازىرلەدىك. ونى ٴتيىستى مينيسترلىككە جولدادىق. ٴبىراق جوسپار جوباسىنىڭ سوڭعى ۇلگىسى ٴالى كەلىسىلمەدى. جوبانىڭ سوڭعى ۇلگىسىندەگى شارالاردى جەتكىلىكتى دارەجەدە قارجىلاي قامتاماسىز ەتۋ كەرەك. اگلومەراسيانىڭ جوسپارىنا سايكەس الماتى وبلىسىنىڭ اكىمدىگىمەن ٴتيىستى جۇمىستار ٴجۇرىپ جاتىر»، - دەدى اكىم.

سونداي-اق، ول الماتى اينالما جولىنىڭ قۇرىلىسى قر پرەزيدەنتى نۇرسۇلتان نازاربايەۆ بەلگىلەگەن مەرزىمگە دەيىن اياقتالاتانىن جەتكىزدى.

«ۇلكەن الماتى اينالما جولىنا 6 راديالدى جول سالۋعا قارجى قاراستىرىپ، ونى 2024 جىلعا دەيىنگى بەلگىلەنگەن مەرزىمىن قىسقارتىپ، ەلباسىنىڭ بەلگىلەگەن 2020 جىلعا دەيىن اياقتاۋدى ۇسىنامىز»، - دەدى اكىم.

وسى ورايدا، پرەمەر-مينيستر باقىتجان ساعىنتايەۆ 100 پروسەنتپەن گازبەن قامتاماسىز ەتۋدە ٴبىرىنشى الماتىنى گازداندىرۋ ماسەلەسىن سۇرادى.

«بىزدە جالپى گازدى جەر ۇيلەرگە دەيىن جەتكىزەمىز. گاز باعاسى قىمبات بولعان سوڭ، ول ۇيلەر قابىلداماي جاتىر. ٴقازىر 4 كومپانيامەن وسى ماسەلەنى شەشىپ جاتىرمىز. جەر ۇيلەرگە گاز تۇگەل جەتىپ تۇر»، دەپ جاۋاپ بەردى بايبەك جەكە ۇيلەردەگى جىلۋ جۇيەسى گازبەن يا بولماسا كومىرمەن جىلىتىلادى ما دەگەن ساعىنتايەۆتىڭ سۇراعىنا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي