ايدىن راقىمبايەۆ: بانكتەر يپوتەكا بەرۋگە مۇددەلى ەمەس - ۇكىمەت|12 جەلتوقسان 2016، 11:41
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايدىن راقىمبايەۆ: بانكتەر يپوتەكا بەرۋگە مۇددەلى ەمەس

فوتو: Ипотека - «МИЭЛЬ»

قازىرگى ۋاقىتتا بانكتەر يپوتەكا بەرۋگە مۇددەلى ەمەس. ال «نۇرلى جەر» باعدارلاماسىندا بانكتەردى ىنتالاندىراتىن تەتىكتەر الىنىپ تاستالعان. بۇل تۋرالى تۇرعىن ٴۇي قۇرىلىسى ٴبىرىڭعاي باعدارلاماسىنىڭ تۇجىرىمداماسى تالقىلانىپ جاتقان ۇكىمەت وتىرىسىنا قازاقستان قۇرىلىسشىلار قاۋىمداستىعىنىڭ ٴتوراعاسى ايدىن راقىمبايەۆ ايتتى، دەپ حابارلايدى baq.kz ٴتىلشىسى.

«بۇگىنگى كۇنى يپوتەكالىق قارىزدىڭ ۇلەسى بار بولعانى 8 پايىزدى قۇرايدى. ونىڭ ۇلكەن بولىگى «تۇرعىن ٴۇي قۇرىلىس جيناق بانكىنە» تيەسىلى. ال يپوتەكانى 1-2 ەكىنشى دەڭگەيدەگى بانك قانا بەرەدى. بۇل جەردە رەسەيدىڭ وڭ تاجىريبەسىن مىسالعا كەلتىرۋگە بولادى. كورشى ەلدە يپوتەكالىق كرەديت ۇلەسى ايتارلىقتاي جوعارى، ال يپوتەكانى وتەمەۋ مولشەرى 5 پايىزدان تومەن. باعدارلامانىڭ الدىڭعى رەداكسياسىندا ٴبىرىڭعاي جيناقتاۋشى زەينەتاقى قورىنداعى قاراجات ەسەبىنەن بانكتەردى قورلاندىرۋ تەتىكتەرى قاراستىرىلعان بولاتىن. ٴبىراق بۇل تەتىكتەر ۇلتتىق بانكتىڭ ەسكەرتۋلەرىنەن كەيىن الىنىپ تاستالدى. وكىنىشكە قاراي، قازىرگى ۋاقىتتا بانكتەر جاي دا يپوتەكا بەرۋگە مۇددەلى ەمەس»، - دەيدى ا.راقىمبايەۆ.

ونىڭ ايتۋىنشا، بانكتەردىڭ ۇزاق مەرزىمگە بەرىلەتىن ارزان اقشاسى بولماعاندىقتان، باعدارلامادا ۇسىنىلىپ وتىرعان شارالاردى جاپپاي قولدانىسقا ەنگىزۋ مۇمكىن بولمايدى.

«قاراستىرىلعان قاراجات ەسەبىنەن نارىقتا قانداي ٴبىر قوزعالىس بولادى، ٴبىراق ول جاپپاي مانگە يە بولمايدى»، - دەدى ول.

ايتا كەتەيىك، 2017 جىلدان باستاپ حالىققا 17 پايىزبەن بەرىلەتىن ەكىنشى دەڭگەيدەگى بانكتەردىڭ يپوتەكاسىن سۋبسيديالاۋ جوسپارلانىپ وتىر. ناتيجەسىندە قارىز الۋشى ٴۇشىن سىياقى مولشەرلەمەسى 10 پايىزدى قۇرايتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي