BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ابايەۆ: وزىق ٴبىلىمدى ٴىت-ماماندارىمىزدى ۋىسىمىزدان شىعارىپ الماۋىمىز كەرەك

استانا، baq.kz ٴتىلشىسى. قر اقپارات جانە كوممۋنيكاسيالار ٴمينيسترى داۋرەن ابايەۆ شەتەلدىك جۇمىس بەرۋشىلەرگە جوعارى دەڭگەيلى كادرلار اۋاداي قاجەت ەكەنىن ايتتى. سوندىقتان ٴوزىمىزدىڭ وزىق ٴبىلىمى بار ازاماتتاردى ۋىسىمىزدان شىعارىپ الماۋ - باستى تالاپتاردىڭ ٴبىرى.

«بۇگىن سيفرلاندىرۋ سالاسى دۇنيەجۇزى بويىنشا وتە اۋقىمدى ترەندكە اينالىپ وتىر. قازىرگى كەزەڭدە الەم ەلدەرىنىڭ دامۋ كورسەتكىشتەرى دە وسى سالامەن باعالانادى. بۇگىنگى كۇنى دامىعان ەلدەر تەحنولوگيالىق جارىستى جانداندىرىپ، سيفرلىق ٴتارتىپتى بەلسەندى تۇردە قابىلداۋعا كوشتى. تەك ەۋرووداق ەلدەرىنىڭ وزىندە 2017 جىلى ونەركاسىپتىك سيفرلاندىرۋ باعىتى بويىنشا 30-عا جۋىق ۇلتتىق جانە ايماقتىق باستاما قولعا الىنعان»، - دەدى ابايەۆ ماجىلىستە ٴوتىپ جاتقان «سيفرلىق قازاقستان» مەملەكەتتىك باعدارلاماسىن ىسكە اسىرۋ بارىسى تۋرالى ۇكىمەت ساعاتىندا.

ٴمينيستردىڭ ايتۋىنشا، «يندۋستريا 4.0» ەلەمەنتتەرىن ٴساتتى ەنگىزۋ – بۇل ٴبىزدىڭ ەلىمىزدىڭ ۇلتتىق قاۋىپسىزدىگىنە دە وڭ اسەرىن تيگىزەتىن شارۋا.

«سيفرلىق قازاقستان» مەملەكەتتىك باعدارلاماسىنىڭ تامىرى تەرەڭدە جاتىر. باعدارلاما ٴبىزدىڭ ومىرىمىزگە اۋقىمدى وزگەرىس الىپ كەلەتىن، زامان تالابىنا ساي بولاشاققا ٴتۇرلى باعىتتار اشاتىن بازيسكە اينالماق. ونىڭ نەگىزگى اسپەكتىلەرىنە توقتالايىن: بىرىنشىدەن، كاسىپكەرلىك ورتادا باسەكەگە قابىلەتتىلىك ارتادى. سيفرلىق ەكونوميكانى اۋقىمى شەكتەۋلى، مەملەكەتتىڭ كومەگىنە عانا جۇگىنىپ وتىرعان كومپانيالار ارقىلى قارقىندى دامىتۋ مۇمكىن ەمەس. ەكونوميكاداعى باستى باسىمدىق جەكە بيزنەسكە بەرىلۋى ٴتيىس. ەكىنشىدەن، بۇلتتىق ەسەپتەۋ، جاساندى ينتەللەكت، ماشينالىق ٴبىلىم بەرۋ، ۇلكەن دەرەكتەر قورى، ينتەرنەت زاتتار مەن تاعى باسقا دا تەحنولوگيالاردى ەركىن يگەرۋدى قولعا الۋ ماڭىزدى. ساراپشىلاردىڭ ستاتيستيكاسى بويىنشا، جاساندى ينتەللەكتى ەنگىزۋ 2030 جىلى الەمدىك ىشكى جالپى ونىمگە 14% ٴوسىم بەرەدى. بۇل قىتاي مەن ٴۇندىستاننىڭ وندىرىستىك كاسىپورىندارىنىڭ قازىرگى جيىنتىق كولەمىنەن دە ارتىق كورسەتكىش. ۇشىنشىدەن، كادر دايىنداۋ ىسىنە باسا ٴمان بەرۋ قاجەت. ارينە، مەملەكەتتىك باعدارلامانىڭ اياسىندا ٴبىلىم بەرۋ ۇردىسىنە بارلىق ساتىلار بويىنشا ٴتيىستى ٴىس-شارالاردى قولدانىپ وتىرمىز»، - دەدى ۆەدومستۆو باسشىسى.

ٴمينيستردىڭ مالىمەتىنشە، الايدا مەملەكەتتىك باستاماعا، ٴبىلىم بەرۋ مەكەمەلەرى مەن جوعارى وقۋ ورىندارىنىڭ وزدەرى دە بەلسەندى ارالاسۋى كەرەك.

«ٴقازىر ٴىت-سالاسىنىڭ قىزمەتكەرلەرى الەم بويىنشا ەڭ قاجەتتى ماماندىقتار تىزىمىندە ەكىنشى ورىندا تۇر. وسى ورايدا، شەتەلدىك جۇمىس بەرۋشىلەرگە جوعارى دەڭگەيلى كادرلار اۋاداي قاجەت. سوندىقتان ٴوزىمىزدىڭ وزىق ٴبىلىمى بار ازاماتتاردى ۋىسىمىزدان شىعارىپ الماۋ باستى تالاپتاردىڭ ٴبىرى. الەمدىك تاجىريبە كورسەتىپ وتىرعانداي، ەكونوميكانى جان-جاقتى نىعايتۋ ٴۇشىن ەڭبەك نارىعىنداعى ٴىت مامانداردىڭ ۇلەسى ٴۇش پايىزدان تومەن بولماعانى دۇرىس. وسى ورايدا، قىتايدىڭ تاجىريبەسىن مىسالعا كەلتىرۋگە بولادى. ولار بيىل شەتەلدە قىزمەت ىستەپ، تابىس تاۋىپ جۇرگەن 432 مىڭ ٴىت-ماماندارىن ەلدەرىنە قايتارىپ العان. بۇل قازاقستاننىڭ اقتوبە نەمەسە قاراعاندى سياقتى وبلىس ورتالىقتارىنداعى حالىق سانىمەن بىردەي كورسەتكىش»، - دەدى داۋرەن ابايەۆ.

ۆەدومستۆو باسشىسى، تورتىنشىدەن، وسى سالاداعى زاڭ شىعارۋ جۇمىسىنىڭ جوعارى دەڭگەيدە قالۋى اسا ماڭىزدى ەكەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي