استانا: 
استانا، baq.kz ٴتىلشىسى. 2018 جىلدىڭ 6 قاڭتارىنداعى جاعداي بويىنشا جەتى بان 41 ملرد تەڭگە سوماسىندا 3400 ٴوتىنىمدى قابىلداعان. بۇل تۋرالى ۇلتتىق بانك ٴتوراعاسى دانيار اقىشەۆ ۇكىمەت وتىرىسىندا مالىمدەدى.
«7-20-25» باعدارلاماسى جەتى بانك ارقىلى جۇزەگە اسىرىلادى. 6 جەلتوقسانداعى جاعداي بويىنشا بانكتەر 41 ملرد تەڭگە سوماعا 3400 ٴوتىنىمدى قابىلدادى. ۇلتتىق بانك حالىقپەن بەلسەندى ٴتۇسىندىرۋ جۇمىستارىن جۇرگىزۋدە. باعدارلامانى ىسكە اسىرۋدىڭ بارىسى تۋرالى رەسپۋبليكالىق جانە ايماقتىق بۇقارالىق اقپارات قۇرالدارىندا، الەۋمەتتىك جەلىلەردە جاريا ەتىلەدى»، - دەدى ۇلتتىق بانك ٴتوراعاسى.
سونداي-اق، دانيار اقىشەۆ 4 جەلتوقساننان باستاپ قازاقستان قور بيرجاسى بۇكىل مەملەكەتتىك باعالى قاعازدار بويىنشا ساۋدا-ساتتىقتى ت+2 ەسەپ ايىرىسۋ سحەماسىنا اۋدارعانىن ەسكە سالدى. «بۇل فورمات حالىقارالىق ستاندارت بولىپ تابىلادى. بۇل نارىققا شەتەلدىك كاپيتال اعىنىن ۇلعايتۋ ٴۇشىن وڭتايلى جاعدايدى قامتاماسىز ەتەدى.
قازاقستان ۇلتتىق بانكىنىڭ باسشىسى 2018 جىلعى 27 قاراشادا ۇلتتىق بانك ورتالىق ازيا ەلدەرىنەن ٴبىرىنشى بولىپ iosco مۇشەسى اتانعانىن اتاپ ٴوتتى. ۇلتتىق بانك iosco-مەن كونسۋلتاسيالار، ىنتىماقتاستىق جانە اقپارات الماسۋ ماسەلەلەرى بويىنشا ٴوزارا تۇسىنىستىك تۋرالى كوپجاقتى مەموراندۋمعا قول قويدى.
«بۇل قازاقستانداعى باعالى قاعازدار نارىعىنا قاتىسۋشىلار ٴۇشىن كوپ باسەكەلەس باسىمدىقتار جاسايدى. قوسىمشا ەكىجاقتى كەلىسىمگە قول قويۋ قاجەتتىلىگى بولماي، شەتەلدىك رەتتەۋشىلەرمەن ٴوزارا ٴىس-قيمىل بويىنشا رەتتەۋشىنىڭ بارىنشا ٴتيىمدى جۇمىسىن قامتاماسىز ەتەدى»، - دەدى ٴسوزىن قورىتىندىلادى اقىشەۆ.
ەستەرىڭىزگە سالا كەتەيىك، بۇگىن ۇكىمەت وتىرىسىندا ۇلتتىق ەكونوميكا ٴمينيسترى ٴجىو-نىڭ تۇراقتى ەكەنىن ايتقان بولاتىن. سونىمەن قاتار، ەكونوميكالىق ٴوسىم بويىنشا ارتتا قالعان وڭىرلەر سانى ارتقانىن جانە ورتاشا جالاقى 159 مىڭ تەڭگەنى قۇراعانىن ايتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3254 
0
4917
0