BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ الماتىداعى ٴبىلىم بەرۋ نىساندارىن ارالادى

استانا، baq.kz. الماتىعا جۇمىس ساپارى اياسىندا قر پرەمەر-مينيسترى باقىتجان ساعىنتايەۆ ٴبىلىم بەرۋ سالاسىنىڭ قىزمەتكەرلەرىمەن پرەزيدەنت جولداۋىن ىسكە اسىرۋ اياسىندا تەحنيكالىق جانە كاسىپتىك ٴبىلىم بەرۋ ساپاسىن ارتتىرۋ ماسەلەسى بويىنشا كەزدەسۋ وتكىزىپ، وقىتۋ جۇيەسىمەن جانە ٴبىلىم الۋشىلارعا جاسالعان جاعدايلارمەن تانىسۋ ماقساتىندا ٴبىرقاتار ٴبىلىم بەرۋ مەكەمەسىن ارالادى.

الماتى قالالىق تجكبب وقۋ مەكەمەلەرىنىڭ باسشىلارىمەن كەزدەسۋدە بىلىكتىلىك ورتالىقتارى ارقىلى مامانداردى دايىنداۋدىڭ جاڭا مودەلدەرى، سونداي-اق كوللەدج ستۋدەنتتەرىنە ٴبىلىم الۋ جاعدايلارىن جاقسارتۋ ماسەلەلەرى تالقىلاندى.

پرەمەر-مينيستر ٴتورتىنشى ونەركاسىپتىك رەۆوليۋسيا جاعدايلارىندا مامانداردى دايارلاۋ ساپاسىن ارتتىرۋ قاجەتتىگىنە نازار اۋداردى. مەملەكەت باسشىسى قازاقستان ەكونوميكاسىن جىلدامداتىپ جاڭعىرتۋ تۋرالى مىندەت قويدى. سونىمەن قاتار، جاڭا تەحنولوگيالاردى ەنگىزۋدى ەسكەرە وتىرىپ، بۇرىننان جۇمىس ىستەپ كەلە جاتقان مامانداردى قايتا وقىتۋ ماسەلەسى وزەكتى بولىپ وتىر. ٴبىلىم سالاسى داعدىلاردى ۇنەمى جەتىلدىرىپ وتىرۋمەن قاتار، ەڭبەك نارىعىندا سۇرانىسقا يە تۇبەگەيلى جاڭا ماماندىقتى مەڭگەرۋدى تالاپ ەتەتىن ۇزدىكسىز پروسەسكە اينالۋدا.

ادام كاپيتالى ٴبىرىنشى ورىنعا قويىلعان. وسىعان وراي، بارلىق وڭىرلەردە قاجەتتى داعدىلاردى ۇيرەتەتىن بىلىكتىلىك ورتالىقتارىن قۇرۋ قاجەت. سونىمەن قاتار، اتالعان ورتالىقتاردى جاراقتاندىرۋ ماسەلەسىنە ۇلكەن نازار اۋدارۋ كەرەك. بۇل قازىرگى تاڭنىڭ شىنايىلىقتارىنا بارىنشا جاقىن مامانداردى شىعارۋعا جول اشادى. بۇعان قوسا، ازاماتتاردىڭ ىڭعايلىلىقتارى مەن قايتا وقىتۋ جۇيەسىنىڭ تيىمدىلىگىن ارتىرۋ ٴۇشىن وڭىردەگى سۇرانىسقا يە قىزمەت سالالارى، ماماندىقتار، ٴىرى كاسىپورىنداردىڭ قانداي دا ٴبىر مامانعا دەگەن قاجەتتىلىكتەرى تۋرالى اقپارات بارشاعا قولجەتىمدى بولۋى ٴتيىس.

بۇگىنگى كۇنى ۇكىمەت جۇمىسشى كادرلاردى دايىنداۋ بويىنشا كەشەندى جۇمىس جۇرگىزۋدە. قر ٴبىلىم جانە عىلىم مينيسترلىگىنىڭ مالىمەتى بويىنشا، قازاقستاندا 821 تجكبب وقۋ ورنى بار، 213 ماماندىق جانە 693 بىلىكتىلىك بويىنشا ماماندار وقىتىلادى. 486 كوللەدجدە دۋالدى وقىتۋ ەنگىزىلىپ جاتىر، جۇيەدە 40 مىڭنان اسا ٴبىلىم الۋشىنى قامتيتىن 3993 كاسىپورىن بار. تۇلەكتەر اراسىندا جۇمىسپەن قامتىلۋ دەڭگەيى 92%-دان اسادى. سونىمەن قاتار، دۋالدى ٴبىلىم بەرۋ اياسىندا گەرمانيانىڭ ەڭبەك مينيسترلىگىمەن كاسىپتىك ٴبىلىم بەرۋدى جاڭعىرتۋ سالاسىنداعى ىنتىماقتاستىق تۋرالى كەلىسىمگە قول قويىلدى.

ب. ساعىنتايەۆ قاتىسۋشىلارعا بىلىكتى مامانداردى دايارلاۋدا حالىقارالىق ستاندارتتارعا نازار اۋدارۋ ماڭىزدى ەكەنىن ايتتى، بۇل تۇلەكتەردىڭ باسەكەگە قابىلەتتىلىگىن ارتتىرادى. ماسەلەن، استانا قالاسىندا وتكەن worldskills رەسپۋبليكالىق چەمپيوناتىندا قازاقستاندىق جاستاردىڭ ۇلكەن الەۋەتى، ەڭ وزىق تەحنولوگيالار مەن داعدىلاردى يگەرۋگە دەگەن ىنتاسى سەزىلدى. دەگەنمەن، ەلدەگى كادرلىق ماسەلەلەردى جۇيەلى تۇردە شەشۋ ٴۇشىن ٴبىلىم بەرۋ مەكەمەلەرى مەن جۇمىس بەرۋشىلەر اراسىنداعى قارىم-قاتىناسقا ەرەكشە نازار اۋدارۋ كەرەك.

تالقىلاۋ بارىسىندا ٴبىلىم بەرۋ جۇيەسىنىڭ وكىلدەرى ماماندار دايارلاۋ سالاسىنداعى وزەكتى ماسەلەلەرگە توقتالدى. «كاسىپقور» حولدينگى» اق-نىڭ باسقارما ٴتوراعاسى ە. كۇزەنبايەۆ كەزدەسۋگە قاتىسۋشىلارعا تجكبب مامندارىن دايارلاۋداعى وزگەرىستەردىڭ تۇجىرىمدامالىق تاسىلدەرى تۋرالى ايتىپ بەردى. ونىڭ پىكىرىنشە، تەحنيكالىق جانە كاسىپتىك ٴبىلىم بەرۋ جۇيەسىن جاڭعىرتۋدىڭ باستى شارالاردىڭ ٴبىرى — قۇزىرەتتىلىك ورتالىقتارىن قۇرۋ. اتالمىش شارا تجكبب-نى جاڭعىرتۋدىڭ بىرنەشە نەگىزگى باعىتتارىن كەشەندى شەشۋگە مۇمكىندىك بەرەدى: بۇل ۇيىمداردىڭ موبيلدىگى جانە جەكە دامۋ باعدارلامالارىنىڭ ساپاسىن جاقسارتۋ. knauf وقۋ ورتالىعىنىڭ جەتەكشىسى و. سوتنيكوۆتىڭ ايتۋىنشا، كومپانيا ٴوز قىزمەتىندە قۇرىلىس سالاسىنا جاڭا تەحنولوگيالاردى مەڭگەرگەن مامانداردى دايارلاۋعا ەرەكشە كوڭىل بولەدى. ماسەلەن، زاۋىتتىڭ وندىرىستىك بازاسىندا قۇرىلعان ورتالىقتا 14 مىڭنان استام تىڭداۋشى ٴبىلىمىن جەتىلدىرگەن.

الماتى قالالىق قۇرىلىس جانە حالىق قولونەرىنىڭ كوللەدجى ديرەكتورى ق. جامانگوزوۆتىڭ ٴوز سوزىندە ٴمۇعالىم مارتەبەسى مەن ەڭبەك اقىسىن تولەۋ ماسەلەسىنىڭ ماڭىزدىلىعىن اتاپ ٴوتتى. نەگىزىندە ٴبىلىم بەرۋ سالاسىنىڭ قىزمەتكەرلەرىنىڭ، ونىڭ ىشىندە وقىتۋشىلار مەن وندىرىستىك وقىتۋ شەبەرلەرىنىڭ جالاقىسى تىكەلەي لاۋازىمدىق قىزمەتاقىعا بايلانىستى. وسى باعىتتا حالىقتىڭ تابىسىنىڭ دەڭگەيىن كوتەرۋ جونىندەگى ەلباسىنىڭ جولداۋىن ورىنداۋ اياسىندا اتقارىلىپ جاتقان جۇمىستار وتە ماڭىزدى. الماتى مەملەكەتتىك ەنەرگەتيكا جانە ەلەكتروندى تەحنولوگيالار كوللەدجىنىڭ وندىرىستىك وقىتۋ شەبەرى ق. ابەلدينوۆ worldskills kazakhstan قوزعالىسى حالىقارالىق دەڭگەيدەگى بىلىكتى مامانداردى قالىپتاستىرۋداعى ماڭىزدى ٴرول اتقاراتىندىعىن اتاپ ٴوتتى. شەبەردىڭ پىكىرىنشە، قازاقستاندا اتالعان باعىتتى ودان ٴارى دامىتۋ قاجەت، جاس مامانداردى بارىنشا تەرەڭىنەن دايىنداپ، حالىقارالىق دەڭگەيگە شىعۋ كەرەك.

جان باسىنا قارجىلاندىرۋ اياسىندا بيزنەستى ىنتالاندىرۋ جانە تاجىريبەگە باعدارلانعان ٴبىلىم بەرۋدى جەتىلدىرۋ ماسەلەلەرىن الماتى تۋريزم دانە قوناقجايلىق كوللەدجىنىڭ وقۋ-ادىستەمەلىك جۇمىس جونىندەگى ديرەكتورىنىڭ ورىنباسارى ي. اناياتوۆا كوتەردى. ونىڭ ايتۋىنشا، جان باسىنا قارجىلاندىرۋ جۇيەسى ارقىلى تجكبب ماماندارىن دايىنداۋدى قارجىلاندىرۋ مامانداردى تەوريالىق جانە پراكتيكالىق وقىتۋدى ۇيىمداستىرۋدىڭ جانە جۇزەگە اسىرۋدىڭ، سونداي-اق، ٴتيىستى ٴبىلىم بەرۋ ورتاسىن قۇرۋدىڭ بارلىق شىعىندارىن ەسكەرەدى.

بۇدان وزگە، كەزدەسۋ قاتىسۋشىلارى تجكبب ۇيىمدارىن اككرەديتاسيالاۋ، ستۋدەنتتەردى قولداۋ شارالارىن دامىتۋ، سونىڭ ىشىندە ينجەنەرلىك باعىت بويىنشا گرانتتار سانىن ۇلعايتۋ جانە جاتاقحانالارمەن قامتاماسىز ەتۋ ماسەلەلەرىن قوزعادى.

سونداي-اق، ماسەلەنى تالقىلاۋعا ٴبىلىم جانە عىلىم ٴمينيسترى ە. ساعاديەۆ پەن «اتامەكەن» ۇلتتىق كاسىپكەرلەر پالاتاسىنىڭ باسقارما ٴتوراعاسىنىڭ ورىنباسارى ە. جۇماعازيەۆ قاتىستى.

كەزدەسۋدىڭ قورىتىندىسىن شىعارا وتىرىپ، پرەمەر-مينيستر ب. ساعىنتايەۆ ۇكىمەتتە مامانداردى تەحنيكالىق دايارلاۋ ماسەلەسى تۇراقتى نەگىزدە قارالاتىنىن اتاپ ٴوتتى. سونىمەن قاتار، مەملەكەت پەن بيزنەستىڭ بىرلەسكەەن كۇش-جىگەرىمەن جوعارى بىلىكتى مامانداردى دايارلاۋ جانە ەلىمىزدىڭ كاسىپورىندارىندا شەتەلدىك جۇمىس كۇشىنىڭ ۇلەسىن تومەندەتۋ ماقساتىندا كاسىبي-تەحنيكالىق ٴبىلىم بەرۋ جۇيەسىن قايتا قۇرۋ قاجەت. سونىمەن قاتار، قازاقستاندا worldskills قوزعالىسىن ودان ٴارى دامىتۋ ماسەلەسىنە ەرەكشە كوڭىل ٴبولىندى. قازاقستان كومانداسىنىڭ حالىقارالىق چەمپيوناتتارعا ٴساتتى قاتىسۋى ەلىمىز تۋرالى كۇللى الەمگە جاريا ەتۋگە، وسىلايشا شەتەلدىك ينۆەستورلاردى تارتۋعا جول اشادى.

قالادا بولاشاق مامانداردى دايارلاۋ ساپاسىن ارتتىرۋ بويىنشا قابىلدانىپ جاتقان شارالارمەن تانىسۋ جۇمىستارى ٴبىرقاتار ٴبىلىم بەرۋ ينفراقۇرىلىمىنىڭ نىساندارىن ارالاۋ بارىسىندا جالعاسىن تاپتى، اتاپ ايتساق: قازاقستاننىڭ ينتەللەكت مەكتەبى، الماتى قۇرىلىس-تەحنيكا كوللەدجى، حالىقارالىق اقپاراتتىق تەحنولوگيالار ۋنيۆەرسيتەتى.

ب. ساعىنتايەۆ قازاقستاننىڭ ينتەللەكت مەكتەبىندە وقۋ سىنىپتارىن، كىتاپ وقۋ ايماقتارىن، سپورت جانە اكت زالدارىن ارالادى. قالا اكىمىنىڭ ورىنباسارى ا. قىرىقبايەۆ مەكتەپ ٴىۆ (حالىقارالىق باكالاۆريات) باعدارلاماسى بويىنشا جۇمىس ىستەيتىنىن ايتتى. وسىلايشا، اتالعان وقۋ ورنىنىڭ تۇلەكتەرى الەمنىڭ ۇزدىك ۋنيۆەرسيتەتتەرىنە وقۋعا تۇسكەن كەزدە 15% ارتىقشىلىققا يە بولىپ، بىردەن ٴىى كۋرسقا قابىلدانا الادى. قۇرىلتايشى — gateway كومپانياسى ەكەنىن ايتا كەتكەن ٴجون. ونىڭ شتاب-پاتەرى سينگاپۋردا ورنالاسقان، الەمنىڭ 5 قۇرلىعىندا 15 ەلدە ايماقتىق كەڭسەلەرى بار. كومپانيا مەكتەپپەن قاتار، الماتىدا بالالاردى ٴسابي شاقتا دامىتۋ ورتالىعى مەن جالپى ٴبىلىم بەرەتىن مەكتەپ اشقان. قالا اكىمدىگىنىڭ دەرەكتەرىنە سايكەس، قۇرىلىس مەملەكەت باسشىسىنىڭ جولداۋىن ىسكە اسىرۋ اياسىندا الماتىنى دامىتۋدىڭ 50 درايۆەر جوبالارىنىڭ قاتارىنا كىرەدى.

سونىمەن قاتار، پرەمەر-مينيسترگە پرەزيدەنتتىڭ حالىقتىڭ، سونىڭ ىشىندە ٴبىلىم بەرۋ جۇيەسىنىڭ قىزمەتكەرلەرىنىڭ تابىس دەڭگەيىن ارتتىرۋ جونىندەگى تاپسىرمالارىن ورىنداۋ بارىسى تۋرالى باياندالدى. الماتى اكىمدىگىنىڭ دەرەكتەرىنە سايكەس، الماتىنىڭ ٴبىلىم بەرۋدىڭ جاڭارتىلعان مازمۇنىنا كوشكەن مۇعالىمدەرىنىڭ 70% جۋىعىنىڭ ەڭبەكاقىسى 30%-عا وسكەن. ٴوز كەزەگىندە، العاش رەت 1 قىركۇيەكتەن باستاپ ۇلتتىق بىلىكتىلىك تەستىلەۋىنەن وتكەن 1293 ٴمۇعالىم لاۋازىمدىق ەڭبەكاقىلارىنا 30-دان 50%-عا دەيىن قوسىمشا ۇستەمە اقى الا باستادى. بۇدان وزگە، اعىلشىن تىلىندە ساباق بەرەتىن مۇعالىمدەرگە قولداۋ شارالارى ۇسىنىلۋدا. وسىلايشا، ەكىنشى جىل فيزيكا، حيميا، بيولوگيا جانە ينفورماتيكا پاندەرىن اعىلشىن تىلىندە بەرەتىن مەكتەپتەردىڭ مۇعالىمدەرىنە لاۋازىمدىق ايلىقتىڭ 200% كولەمىندە اقى بەلگىلەنگەن.

پرەمەر-مينيستر الماتى قۇرىلىس-تەحنيكالىق كوللەدجى جۇمىسىنىڭ مىسالىندا جۇمىس ماماندىقتارى بويىنشا ٴبىلىم بەرۋ جانە داعدىلاردى ۇيرەتۋ ساپاسىمەن تانىستى. مۇندا عيماراتتى قۇرعاق قۇرىلىس، دانەكەرلەۋ ٴىسى، اۆتوكولىك قۇرالىنا تەحنيكالىق قىزمەت كورسەتۋ، جيھاز ٴوندىرىسى، ەلەكتر مونتاجدىق جانە سانتەحنيكالىق جۇمىستار جۇرگىزۋ، سونداي-اق، ەڭبەكتى قورعاۋ بويىنشا ارنايى تەحنولوگيالارمەن تەحنيكالىق جاراقتاندىرۋ ماسەلەسىنە كوڭىل ٴبولىندى. بۇگىنگى تاڭدا كوللەدج جەتى ماماندىق بويىنشا 1042 ستۋدەنتتى دايارلاپ جاتىر. كوللەدجدە قوسارلى ٴبىلىم بەرۋ جۇيەسى جانە وقىتۋدىڭ مودۋلدىك تەحنولوگياسى ەنگىزىلگەن. كوللەدج ديرەكتورى ي. نۇرمۇحانبەتوۆانىڭ ايتۋىنشا، 100-دەن استام ۇيىممەن جانە كاسىپورىندارمەن تىعىز قارىم-قاتىناس ورناتۋدىڭ ارقاسىندا تۇلەكتەردى جۇمىسقا ورنالاستىرۋ كورسەتكىشى 100% جەتىپ وتىر.

ايتا كەتۋ كەرەك، مامانداردى دايىنداۋ، قايتا دايارلاۋ جانە بىلىكتىلىكتەرىن ارتتىرۋ ماقساتىندا كوللەدج بازاسىندا ٴتورت رەسۋرستىق ورتالىقتان تۇراتىن سالالىق كلاستەر ۇيىمداستىرىلعان، اتاپ ايتقاندا: «استك – كناۋف گيپس قاپشاعاي»، «استك – bosch ەلەكتر قۇرالدارى»، سونداي-اق جيھاز وندىرىستەرى مەن دانەكەر ٴىسى ورتالىقتارى.

ب. ساعىنتايەۆ جوعارى ٴبىلىم بەرۋ ساپاسىمەن ەلباسى تاپسىرماسىمەن حالىقارالىق ات ماماندارىن دايىنداۋ ماقساتىندا قۇرىلعان حالىقارالىق اقپاراتتىق تەحنولوگيالار ۋنيۆەرسيتەتىن (حاتۋ) ارالاۋ كەزىندە تانىستى. بۇگىندە «ٴبىلىم بەرۋدەگى ساپانى قامتاماسىز ەتۋ جونىندەگى تاۋەلسىز اگەنتتىكتىڭ» ۇلتتىق رەيتينگىندە اتالعان جوو «ەسەپتەۋ تەحنيكاسى جانە باعدارلامالىق قامسىزداندىرۋ» جانە «اقپاراتتىق جۇيەلەر» ماماندىقتارى بويىنشا ٴى ورىندا تۇر.

حاتۋ رەكتورى د. شىنىبەكوۆ بار بولعانى 2009 جىلدان بەرى بارلىق دەڭگەيدە 4154 ستۋدەنت دايىندالعانىن، ونىڭ 70% جۋىعى — مەملەكەتتىك ٴبىلىم بەرۋ گرانتى نەگىزىندە وقىتىلعانىن اتاپ ٴوتتى. وقىتۋشىلار قۇرامى عىلىم دوكتورلارى مەن كانديداتتارىنان، phd جانە dba، «بولاشاق» باعدارلاماسىنىڭ تۇلەكتەرىنەن جانە شەتەلدىك وقىتۋشىلاردان قۇرالعان. بۇعان قوسا، ۋنيۆەرسيتەت ازيا، ەۋروپا جانە اقش-تاعى ٴبىلىم بەرۋ الىپتارىمەن بەلسەندى ىنتىماقتاستىق ورناتقان. قازىرگى تاڭدا حاتۋ ستۋدەنتتەرى حالىقارالىق كەيس-چەمپيوناتتاردىڭ جەڭىمپازدارى جانە zhastar innovation، tg fair، kazakhtelecom hackathon، nurintech جانە ت.ب. كوپتەگەن يننوۆاسيالىق جارىستار مەن بايقاۋلاردىڭ جۇلدەگەرلەرى.

سونىمەن قاتار، پرەمەر-مينيسترگە ٴبىلىم بەرۋگە قولايلى جاعدايلار جاساۋ ماقساتىندا 1000 ادامعا ارنالعان 2 جاتاقحانانىڭ قۇرىلىسى اياقتالىپ، 200 ورىنعا ارنالعان 1 جاتاقحانا جاڭعىرتىلعانى باياندالدى. بۇدان وزگە، اكىمدىك 2020 جىلدىڭ سوڭىنا دەيىن 27 جوو-دا 21 080 ورىنعا ارنالعان 40 جاتاقحانانى سالىپ، پايدالانۋعا بەرۋدى كوزدەپ وتىر.

الماتى قالاسىنىڭ تەحنيكالىق جانە كاسىپتىك ٴبىلىم بەرۋ جۇيەسىندە 66120 ادامدى قامتيتىن 81 كوللەدج بار، ونىڭ ىشىندە 23 459-ى مەملەكەتتىك، 42 ٴ661-ى جەكەمەنشىك كوللەدجدەردە وقيدى. ماماندار 98 ماماندىق جانە 163 بىلىكتىلىك بويىنشا دايىندالادى. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا تەحنيكالىق جانە كاسىپتىك ٴبىلىم بەرۋ جۇيەسىنىڭ 26 ٴبىلىم بەرۋ مەكەمەسىندە 4897 ادام وقيدى (قر بويىنشا 348 وقۋ ورنىندا 36 356 ادام وقيدى).

بۇگىنگى تاڭدا الماتىدا 145 مىڭ ادامى بار 39 جوو بار. ولاردىڭ ىشىندەگى 7 ۇلتتىق جانە 1 مەملەكەتتىك وقۋ ورنىندا 66،8 مىڭ ستۋدەنت ٴبىلىم الىپ ٴجۇر. باسقا 31 ۋنيۆەرسيتەت — 78،2 مىڭ ادامى بار جەكەمەنشىك وقۋ ورىندارى. قالادا 130 مىڭ ستۋدەنت باكالاۆرعا، 12،3 مىڭى ماگيسترانتقا وقىپ جۇرسە، 2،7 مىڭى بولاشاق دوكتورانتتار. الماتىنىڭ 2018-2019 وقۋ جىلىنا ٴبىلىم ٴبىلىم بەرۋ گرانتىنىڭ 40% -ى الماتىدا، ولار كوش باستاپ تۇر. بۇگىنگى تاڭدا مەملەكەتتىك گرانتپەن وقۋعا تۇسكەن ستيۋدەنتتەر سانى — 28 مىڭ (55% نەمەسە 10 مىڭ ادامعا وسكەن)، ونىڭ ىشىندە باكالاۆريات تا وقىپ جۇرگەن 22 مىڭ بالانىڭ گرانتى كەلەسى باعىتتارعا بولىنگەن: گۋمانيتارلىق عىلىمدار — 10 مىڭ جانە تەحنيكالىق ماماندىقتار — 12 مىڭ، ماگيستراتۋرا — 4،7 مىڭ جانە دوكتورانتۋرا — 1،2 مىڭ.

تاۋەلسىزدىك جىلدارىندا الماتىدا 117 ٴبىلىم بەرۋ مەكەمەسى سالىندى. سوڭعى بەس جىلدا قالادا ٴبىلىم بەرۋدى قارجىلاندىرۋ دەڭگەيى 37%-عا نەمەسە شامامەن 27 ملرد تەڭگەگە ارتتى. بۇل ورايدا ٴبىلىم بەرۋ ينفراقۇرىلىمىن دامىتۋعا ەرەكشە نازار اۋدارىلۋدا. تەك بيىلعى جىلدىڭ وزىندە قۇرىلىس جانە كۇردەلى جوندەۋ جۇمىستارىنا 17 ملرد تەڭگەدەن استام قارجى ٴبولىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي