BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركيادا تۇراتىن قازاق سكريپكاشى 101 جاسىندا ومىردەن ٴوتتى

فوتو: Baq.kz

قازاق سكريپكاشىسى رەتىندە تانىلعان ەتنيكالىق قازاق ٴالىم المات (عالىمجان ٴابسالاموۆ) ستامبۋلدا 2 اقپان كۇنى 101 جاسقا قاراعان شاعىندا دۇنيە سالدى، دەپ حابارلايدى baq.kz اقپارات اگەنتتىگى.

ازاتتىققا بۇل حاباردى مارقۇمنىڭ اقتوبەدە تۇراتىن تۋىسى رومان راحيەۆ جەتكىزدى.

- بىزگە حابار بۇگىن تاڭ الدىندا كەلدى. اقتوبەدەن ستامبۋلعا تىكەلەي رەيس بولماعاندىقتان، جانازاسىنا ۇلگەرە المايمىن. سوندىقتان ٴالىم الماتتىڭ ۇلى تورەگە قوڭىراۋ شالىپ، كوڭىل ايتتىم. مارقۇمدى اقتىق ساپارعا 3 اقپان كۇنى جونەلتەدى، - دەدى رومان راحيەۆ.

1917 جىلى اقتوبە وبلىسىنىڭ ىرعىز اۋدانىندا دۇنيەگە كەلگەن عالىمجان ٴابسالاموۆ ەكىنشى دۇنيەجۇزىلىك سوعىس كەزىندە تۇتقىنعا ٴتۇسىپ، ەۋروپا ەلدەرىن پانالادى. كەيىن تۇركياعا كەلىپ تۇراقتاعان. ەسىمى مەن تەگىن دە سوۆەت ۇكىمەتىنىڭ قۋدالاۋىنان سەسكەنىپ، سول كەزدە وزگەرتەدى.

ەستەرىڭىزدە بولسا، بۇعان دەيىن "ٴماريا شوقايدى اناسىنداي ارداق تۇتقان قازاقتىڭ كەيىنگى تاعدىرى قالاي بولدى؟" دەگەن تاقىرىپتا ٴالىم اماتتىڭ ٴومىرى تۋرالى جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي