BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دارحان كالەتايەۆ جانە نۇرتاي ابىقايەۆ تۇركياداعى وتانداستارىمىزبەن كەزدەستى

استانا، baq.kz. قازاقستان رەسپۋبليكاسىنىڭ قوعامدىق دامۋ ٴمينيسترى دارحان كالەتايەۆ جانە «وتاناستار» قورىنىڭ پرەزيدەنتى نۇرتاي ابىقايەۆ ىستامبۇلدا تۇركيا مەن ەۋروپا ەلدەرىندە تۇرىپ جاتقان قازاق دياسپورالارىنىڭ جەتەكشىلەرىمەن كەزدەسۋ وتكىزدى.

ولاردىڭ ىشىندە مانسۇر ٴتايجى، ياكۋپ جان، فازىل توپلۋ جانە ٴابدۋاقاپ قارا سياقتى بەلسەندى قايراتكەرلەر بار.

كەزدەسۋ بارىسىندا دارحان كالەتايەۆ قازاقستان رەسپۋبليكاسىنىڭ پرەزيدەنتى شەتەلدە تۇرىپ جاتقان وتانداستارىمىزعا ايرىقشا قولداۋ تانىتاتىنىن اتاپ ٴوتتى. اتاپ ايتقاندا، مەملەكەت باسشىسىنىڭ تاپسىرماسىنا سايكەس قر ۇكىمەتى 2018-2022 جىلدارعا ارنالعان ەتنيكالىق قازاقتاردى قولداۋ جونىندەگى ٴىس-شارالار جوسپارىن بەكىتكەن بولاتىن.

اتالعان ٴىس-شارالار جوسپارىندا شەت ەلدەردە ەتنيكالىق قازاقتاردىڭ انا تىلىندە ٴبىلىم الۋعا جانە ونى ساقتاۋعا، شەت ەلدەردە تۇراتىن قازاق دياسپوراسىمەن مادەني-گۋمانيتارلىق بايلانىستار ورناتۋعا، سونداي-اق ٴوز ەلدەرىنە قايتىپ ورالعان قازاقتارعا قولداۋ كورسەتۋگە باعىتتالعان شارالار قامتىلعان.

وتاندارىمىزدىڭ الدىندا سويلەگەن سوزىندە نۇرتاي ابىقايەۆ مەملەكەت باسشىسىنىڭ باستاماسىمەن قۇرىلعان قوردىڭ ماقساتتارى مەن مىندەتتەرى تۋرالى ايتتى. ول ۇيىمنىڭ قىزمەتى شەتەلدە تۇراتىن وتانداستارىمىزعا، سونداي-اق قازاقستانعا كەلگەن ەتنيكالىق قازاقتارعا قولداۋ كورسەتۋگە باعىتتالعانىن اتاپ ٴوتتى. بۇل رەتتە، قوردىڭ نەگىزگى مىندەتى تاريحي وتانىنا ورالعان وتانداستاردىڭ بەيىمدەلۋىنە، سونداي-اق ولاردىڭ قۇقىقتارى مەن زاڭدى مۇددەلەرىنە قولداۋ كورسەتۋدە اقپاراتتىق، ۇيىمداستىرۋشىلىق جانە كونسۋلتاتيۆتىك كومەك كورسەتۋ بولىپ تابىلادى.

قازاق دياسپوراسىنىڭ وكىلدەرى وزدەرىنىڭ تۋعان جەرىنەن جىراقتا بولسا دا، تاريحي وتانىمەن ۇنەمى بايلانىستا ەكەندىگىن، قازاقستانداعى بارلىق ماڭىزدى وقيعالار مەن جاڭالىقتاردان قۇلاعدار ەكەندىكتەرىن، سونداي-اق، جاس ۇرپاقتىڭ انا ٴتىلىن، مادەنيەتىن جانە داستۇرلەرىن ۇيرەنۋدە ايرىقشا قولداۋ كورىپ وتىرعاندارىن اتاپ ٴوتتى.

اتالعان كەزدەسۋ مەملەكەت باسشىسىنىڭ «رۋحاني جاڭعىرۋ» باعدارلامالىق ماقالاسىنداعى «ۇلتتىق بىرەگەيلىكتى ساقتاۋ» باعىتى اياسىندا ٴوتتى.

ەستەرىڭىزگە سالا كەتەيىك، اعىمداعى جىلدىڭ 8 قاراشاسىندا قازاقستان دەلەگاسياسى دياسپورا ماسەلەلەرى بويىنشا تۇركى كەڭەسىنىڭ وتىرىسىنا قاتىستى، وندا «تۇركى كەڭەسى تۇركىتىلدەس دياسپورالارىنىڭ قىزمەتىنىڭ جالپى ٴىس-قيمىل ستراتەگياسىنا» وزگەرىستەر ەنگىزۋ تۋرالى شەشىم قابىلداندى جانە وسى ستراتەگيانى جۇزەگە اسىرۋ بويىنشا بىرلەسكەن ٴىس-قيمىل جوسپارى قابىلداندى. سونداي-اق، «وتانداستار» قورى شەتەلدەردەگى تۇركى حالىقتارى باسقارماسىمەن جانە ولارعا قاراستى قاۋىمداستىقپەن، يۋنۋس ەمرە اتىنداعى قور اراسىندا ىنتىماقتاستىق جانە ٴوزارا تۇسىنىستىك تۋرالى مەموراندۋمدارعا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي