BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقسارايدا تۇركيا قازاقتارىنىڭ تاريحىنا ارنالعان مۋزەي مەن ساياباق سالىنۋدا

تۇركيانىڭ اقساراي قالاسىنا قاراستى سۇلتانحانى اۋدانىندا قازاق تاريحى مەن مادەنيەتىن تانىستىراتىن ساياباق پەن مۋزەي قۇرىلىسىن باستادى. سۇلتانحانى اۋدان اكىمدىگىنىڭ سونداعى قازاقتار ٴۇشىن ارنايى بولگەن 3500 شارشىمەترلىك ساياباقتا بەتوننان سالىناتىن كيىز ٴۇي پىشىنىندەگى قازاق مۋزەيىنىڭ ىرگەتاسى 15 قىركۇيەك كۇنى قالاندى، دەپ حابارلايدى baq.kz اقپاراتتىق اگەنتتىگى.

«ستامبۇلداعى قازاق ٴبىلىم جانە زەرتتەۋ قوعامىنىڭ ٴتوراعاسى سەرقان دىنىشتۇرىك پەن سۇلتانحانى اۋدان اكىمىنىڭ ورىنباسارلارى حاسان تەمەل جانە فاتيح اعىر دا قاتىسقان ىرگەتاسىن قالاۋ راسىمىنەن كەيىن قۇرىلىس ماشينالارى جۇمىسقا كىرىسىپ كەتتى»، - دەيدى تاريح عىلىمىنىڭ دوكتورى، ميمار سينان كوركەمونەر ۋنيۆەرسيتەتىنىڭ پروفەسسورى ٴابدىۋاقاپ قارا.

قازاق ٴبىلىم جانە زەرتتەۋ قوعامىنىڭ ٴتوراعاسى، قانداسىمىز سەرقان دىنىشتۇرىكتىڭ ايتۋىنشا، سۇلتانحانى اۋدان اكىمى فاحري سولاقتىڭ دەمەۋشى بولۋىمەن قازاق ساياباعى مەن مۋزەيىنىڭ قۇرىلىسى ٴبىر اي ىشىندە اياقتاپ تۇركيا رەسپۋبليكاسىنىڭ 94 جىلدىعى تويلاناتىن 29 قازان كۇنى تۇساۋكەسەرى جاسالماق. قانداستارىمىز تاريحي جىبەك جولى بويىنداعى اقساراي قالاسىنداعى سەلچۇق مەملەكەتى كەزىندە 1229 جىلى سالىنعان اتاقتى سۇلتان حان كەرۋەنسارايىنا 250 مەتر جاقىن ماڭداعى بۇل ساياباققا شەتەلدىك تۋريستتەر كوپ كەلەدى دەپ سەنىپ وتىر.

عالىم ٴابدىۋاقاپ قارا مۋزەيدە، اسىرەسە، تۇركيا قازاقتارىنىڭ كوش تاريحى مەن مادەنيەتىنە قاتىستى بۇيىمدار قويىلاتىنىن ايتادى.

«وسىدان 65 جىل بۇرىن، اتاپ ايتقاندا 1952 جىلى پاكىستاننان تۇركياعا قونىس اۋدارعان قازاقتاردان 60 وتباسى اقساراي سۇلتانحانىنا قونىستانعان بولاتىن. كۇن كورۋدىڭ قامىمەن قازاقتار كەيىن ستامبۇلعا جانە فرانسيانىڭ استاناسى پاريجگە كوشىپ كەتۋگە ٴماجبۇر بولعان. سۇلتانحانىندا 1968 جىلى سالىنعان «تۇركىستاندىقتار مەشىتىن» 1974 جىلى قازاقتار جان-جاقتى جوندەۋدەن وتكىزدى. ول قازىرگە دەيىن مۇسىلماندارعا قىزمەت كورسەتۋىن جالعاستىرۋدا»، - دەيدى تاريحشى.

ساياباق پەن مۋزەيدىڭ بۇكىل شىعىندارىن تۇركيا مەن فرانسياداعى قازاقتار كوتەرۋدە. 29 قازان كۇنگى تۇساۋكەسەر راسىمىنە قازاقستاننىڭ تۇركياداعى ەلشىسى ابزال ساپاربەك ۇلى جانە قازاقستاننان مادەني ورىنداردىڭ وكىلدەرى قاتىسادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي