BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ابدۋلكەرىم كەسكىن: قازاقستان لاتىنعا كوشسە، تۇركياداعى قازاق جاستارى انا تىلىنە قايتا ورالادى ەكسكليۋزيۆ

شەتتەگى قانداستارىمىز قازاق ەلى جايلى اقپاراتتى ٴالى كۇنگە دەركەزىندە الا الماي كەلەدى. وعان باستى كەدەرگى – ٴالىپبيدىڭ ارتۇرلىلىگى. تۇركيا مەن ەۋروپاداعى قازاق لاتىن ٴقارپىن قولدانسا، يران مەن قىتايداعى اعايىن احمەت بايتۇرسىنوۆ ٴالىپبيىن عانا بىلەدى. دەمەك، ٴبىز 5 ملن دەپ جۇرگەن شەتتەگى قازاقتىڭ تەڭ جارتىسى كيريلليسانىڭ قيىندىعىنا تاپ بولادى. اسىرەسە، اسسيميلياسيا قارقىندى ٴجۇرىپ جاتقان تۇركيا مەن ەۋروپا ەلدەرىندەگى قانداستارىمىز قازاقستاننىڭ لاتىنعا كوشۋىنە ەرەكشە ق ۇلىق تانىتىپ وتىر. ٴبىز لاتىنعا وتسەك ونداعى قازاق جاستارى انا تىلىنە قايتا ورالارى ٴسوزسىز. baq.kz اقپارات اگەنتتىگىنىڭ تىلشىسىنە سۇحبات بەرگەن تۇركيالىق قانداسىمىز ابدۋلكەرىم كەسكىن وسىعان بەك سەنىمدى.

قازاقستاننىڭ گرافيكالىق ديزاينىن دامىتۋعا ۇلەس قوسقىم كەلەدى

زەيتىنبۇرىن قالاسىندا تۋىپ وسكەن ابدۋلكەرىم كەسكىن ستامبۇلداعى ٴمارمار ۋنيۆەرسيتەتىنىڭ گرافيكالىق ديزاين ماماندىعىن وقىعان. ول وسى ماماندارى تاپشى سالادا 15 جىلدان بەرى جۇمىس ىستەپ كەلەدى. كەزىندە game boy (تەتريس) ويىندارىن جاساعان ديزاينەر، قازىرگى كەزدە ۇيالى تەلەفوندارعا ارنالعان 3d ويىندارىن جاساۋمەن اينالىسادى. «زامان» گازەتىندە 8 جىل قىزمەت ەتكەن ابدۋلكەرىم گازەتتەگى 3d ينفوگرافيكالاردى جاساپ، ٴبىرقاتار جۇلدەلەرگە قول جەتكىزىپتى. اقسا مەشىتىنىڭ 3d گرافيكاسىن سالعان دا قانداسىمىز بولىپ شىقتى.

«ەڭ العاش تۇرىكتىڭ game boy-عا ارنالعان ويىندارىن جاسادىم. ونىڭ ىشىندە قازاقتىڭ دا كەيىپكەرى بولدى. ويىندا ول قامشىسىمەن شابۋىلعا وتەتىن دە، جەڭىسكە جەتكەندە دومبىراسىن شەرتەتىن. كەيىن «زامان» گازەتىندە ديزاينەر بولىپ جۇمىس جاساپ، ەڭ العاش رەت گازەتتەگى 3d ينفوگرافيكالاردى جاسادىم. جالپى، 3d ينفوگرافيكا جاسايتىن ماماندار از. بۇل ماماندىق بويىنشا ۋنيۆەرسيتەتتە ەندى باستاپ اشىلىپ جاتىر. سوڭعى ۋاقىتتا ۇيالى تەلەفوندارعا ارنالعان ويىنداردى جاسايتىن كومپانيادا جۇمىس ىستەۋدەمىن. قازىرگى كەزدە android-قا ارنالعان قازاقتىڭ ساياتشىلىعىن بەينەلەيتىن ۇيالى تەلەفون ويىندارىن جاساپ جاتىرمىن. قازاقستان قاتتى ۇنادى. اتاجۇرتقا كەلىپ ىشكى ارحيتەكتۋرانىڭ دامۋىنا ۇلەس قوسسام دەگەن نيەتتەمىن»، - دەيدى ديزاينەر.

قازاق جەرىنىڭ توپىراعى مەن تاسى دا سالەم بەرىپ تۇرعانداي

قازاق توپىراعىن تۇڭعىش رەت باسىپ تۇرعان قانداسىمىز ەرەكشە سەزىمىمەن ٴبولىستى.

«تۇركيادا قازاقتىڭ مادەنيەتى مەن ٴداستۇرىن كورۋ قيىن. بۋرابايدا قازاقتىڭ ۇلتتىق كيمىن كيىپ، قولىما بۇركىت ۇستاعان ساتتە قاتتى تولقىدىم. بۇركىتتى قولىما العاندا ەرەكشە اسەرگە بولەندىم. ول ٴبىزدىڭ اتا-بابالارىمىزدىڭ ٴىزى قالعان جەرى عوي. بۇركىت سول اتا-بابامنىڭ سىرىن جەتكىزگەندەي، قازاق جەرىنىڭ حالقىنان تارتىپ، تاس، توپىراعىنا دەيىن ماعان «قوش كەلدىڭ!» دەپ ٴتىل قاتىپ تۇرعانداي كۇي كەشتىم. قازاقستاندى بىرنەشە كۇندە ارالاپ بولاتىن شىعارمىن دەپ ويلاعانمىن. 15 كۇن دەمالىسىمنىڭ 12 كۇنىندە تەك استانا، كوكشەتاۋ، الماتى، تۇركىستان، شىمكەنتكە بارۋعا مۇمكىندىك بولدى. قالادا وسكەننەن بولار، استانا كوبىرەك ۇنادى»، - دەيدى قانداسىمىز.

انا ٴتىلىمىزدى ٴبىلىپ ٴوسۋ ٴۇشىن بىزگە «qazaqstan» تەلەارناسى كەرەك!

قازاق ٴتىلىن جەتىك سويلەي بىلمەيتىن ابدۋلكەرىم وزىنەن كەيىنگى قازاق جاستارىنا ٴتىپتى دە الاڭدايدى. ويتكەنى، تەك تۇرىك مەكتەپتەرىنەن ٴبىلىم الىپ، سول ورتادا ٴوسىپ كەلە جاتقان قازاق جاستارى انا تىلىنەن ايىرىلعان.

«تۇركياداعى قازاق بالالار انا تىلىنەن ايىرىلىپ بارادى. تەك تۇرىكشە سويلەسەدى. قازاقشا تەلەارنالاردى كورە المايمىز. «kazakh tv» اعىلشىن جانە ورىس تىلدەرىندە كوبىرەك اقپارات تاراتادى، قازاق تىلىنە تاپ بولعان كۇننىڭ وزىندە ول جاڭالىقتار عانا. سوندىقتان تەك قانا قازاق تىلىندە تارالاتىن «qazaqstan» تەلەارناسىن تۇركيادا كورۋگە مۇمكىندىك بولسا دەگەن ٴوتىنىشىم بار. بۇل ٴبىزدىڭ جاستاردىڭ انا ٴتىلىن ٴبىلىپ وسۋىنە كوپ سەپتىگىن تيگىزەر ەدى. ونى قازاقتار عانا ەمەس، تۇرىكتەر دە كورەر ەدى. ويتكەنى ولار كونە تۇركى جۇرتشىلىعى رەتىندە قازاقستان جايلى كوبىرەك بىلگىسى كەلەدى»، - دەيدى ول.

قازاقستان لاتىنعا كوشسە، تۇركياداعى قازاق جاستارى انا تىلىنە قايتا ورالارى ٴسوزسىز

اسسيميلياسيا قارقىندى ٴجۇرىپ جاتقان تۇركيا، ەۋروپا قازاقتارى ٴۇشىن قازاقستاننان انا تىلىندە اقپارات الۋ وتە ماڭىزدى. ال اقپارات الۋدىڭ وڭاي جولى – ينتەرنەت. الايدا ٴالىپبيدىڭ ٴارالۋاندىعى الىستاعى اعايىننىڭ قازاق ەلىنە ونلاين قاتىناۋىنا توسقاۋىل بولىپ كەلەدى. ەلىمىزدىڭ لاتىنعا كوشەتىنىن ەستىگەندە بوركىن اسپانعا اتقان شەتتەگى قازاقتىڭ ٴبىرى – وسى ابدۋلكەرىم كەسكىن بولىپ شىقتى.

«ٴبىزدى بىردەن-بىر قۇتقاراتىن ول – ينتەرنەتتەگى ٴقازاقتىلدى اقپارات. ٴبىراق قازاقستان كيريلليسانى قولداناتىندىقتان، ول جاعىنان تاعى دا قيىندىققا تاپ بولامىز. ەندى سىزدەر لاتىنعا كوشسەڭىزدەر، بىزدەگى قازاق جاستارىنىڭ انا تىلىنە قايتا ورالۋىنا ۇلكەن مۇمكىندىكتەر بولارى ٴسوزسىز. ٴبىز سول ٴۇشىن دە قر پرەزيدەنتى نۇرسۇلتان نازاربايەۆتىڭ بۇل رەفورماسىن قۋانا قولدايمىز»، - دەيدى ا.كەسكىن.

ابدۋلكەرىمنىڭ ايتۋىنشا، سوڭعى كەزدەرى تۇركياداعى قازاق جاستارى ٴجيى باس قوسىپ، قايىرىمدىلىق شارالارىن كوبىرەك ۇيىمداستىرىپ ٴجۇرىپتى. بۇعان دەيىن بايان-ولگەيدەگى قولى قىسقا اعايىندار ٴۇشىن ٴۇي سالىپ، مەدىرەسەلەر مەن مەشىتتەر تۇرعىزعان ٴمارت كاسىپكەر اعالارىنىڭ جولىن قۋعان قازاق جاستارى بيىل قۇربان ايت مەرەكەسىن پايدالانىپ سونداعى قيىنشىلىعى بار قانداستارىمىزعا كومەكتەسۋگە اتتانعان كورىنەدى.

سۋرەتتەر ابدۋلكەرىم كەسكىننىڭ جەكە مۇراعاتىنان الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي