BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيسە-مينيستر: ٴتۋريزمدى دامىتۋ باعدارلاماسى سورەدە جاتاتىن قۇجات بولماۋى ٴتيىس

فوتو: 7232.kz

استانا، baq.kz ٴتىلشىسى. بۇگىن «اتامەكەن» ۇكپ الاڭىندا قر كىرۋ جانە ىشكى ٴتۋريزمىن دامىتۋدىڭ 2019-2023 جىلدارعا ارنالعان مەملەكەتتىك باعدارلاماسىنىڭ جوباسى تانىستىرىلدى. وسى ورايدا مادەنيەت جانە سپورت ۆيسە-مينيسترى قۇجاتتىڭ ٴبىرقاتار نورمالارى قايتارىلىپ، بولماسا سورەدە جاتاتىن قۇجاتقا اينالۋى مۇمكىن دەپ الاڭداۋشىلىق ٴبىلدىردى.

«مەملەكەتتىك باعدارلامانىڭ نەگىزگى مىندەتتەرى تۋريستىك رەسۋرستاردى دامىتۋ، كولىكتىڭ قولجەتىمدىلىگى، تۋريستىك قىزمەتتەر مەن جوبالاردىڭ ساپاسىن جاقسارتۋ، ەلىمىزدە جاعىمدى كليماتتى قۇرۋ، ماركەتينگ تيىمدىلىگىن ارتتىرۋ بولىپ وتىر. ۆيزا، كوشى-قوندى باقىلاۋ، بالالار مەن جاسوسپىرىمدەر ٴتۋريزمىن دامىتۋ دا شەت قالماۋى ٴتيىس. ٴبىز قۇجاتقا وسى شارالار تۋرالى ارتىعىمەن جازۋعا تىرىستىق. نە ىستەۋ كەرەك؟ مەملەكەتتىك باعدارلامانى مەملەكەتتىك ورگاندارعا تاراتتىق. ٴارى قاراي نە ىستەۋىمىز كەرەك؟ مەملەكەتتىك باعدارلامانىڭ بارلىق نورماسى ساقتالۋى ٴۇشىن كۇرەسەمىز. سەبەبى ٴبىز كورسەتكەن كوپتەگەن مىندەتتەر قاتەردىڭ استىندا تۇر دەپ ايتا الامىن. سورەدە عانا تۇراتىن كەزەكتى قۇجات بولۋى ابدەن مۇمكىن»، - دەدى ۆيسە-مينيستر مەملەكەتتىك باعدارلامانىڭ تانىستىرىلىمىندا.

ول 27 جىلدىڭ ىشىندە ازىرلەنگەن 4 مەمباعدارلامانىڭ ەشقايسىسى ىسكە اسپاعانىن ايتتى.

«تۋريزم ەكونوميكانىڭ باسقا سالالارىمەن سالىستىرعاندا اپاتتى تۇردە، ياعني جۇيەسىز، مەملەكەت قولداۋىنسىز وزىمەن-وزى باياۋ قارقىنمەن دامىپ جاتىر. جاقىن شەت مەملەكەتتەر بارلىق كومپونەنت بويىنشا ٴبىزدىڭ شاڭ قاپتىرىپ كەتتى. ستراتەگيالىق قۇجاتتار ازىرلەپ، ٴبىر سوزگە كەلمەي قول قويىپ، جۇزەگە اسىپ جاتىر. سوعان ساي ولار 5-6 جىلمەن سالىستىرعاندا كورسەتكىشتەردىڭ بىرنەشە ەسە وسكەنىن بايقاپ وتىر. بارلىعى بۇل سالاعا ەكونوميكانىڭ قوزعاۋشى كۇشى دەپ قارايدى. ٴبىز، وكىنىشكە قاراي، قۇجاتتاردى دەكلاراسيالايمىز دا، ونى قۇپتامايمىز»، - دەدى ۆيسە-مينيستر.

ول باعدارلاما جوباسىن تانىستىرۋ بارىسىندا ٴتۋريزمدى دامىتۋعا مەملەكەت قولداۋى اسا قاجەت ەكەنىن اتاپ ٴوتتى.

«قارجى مينيسترلىگى وتە از قارجى بولەدى، ٴتىپتى بەرمەۋى دە مۇمكىن. ەكونوميكا مينيسترلىگى ۇنەمدەۋگە تىرىسادى. سول سەبەپتى تۋريزمگە مەملەكەتتەن مىقتى قولداۋ قاجەت ەكەنىن، ونىڭ ەل ەكونوميكاسىنىڭ ۇلكەن ٴبىر بولىگىنە اينالۋ ٴتيىس ەكەنىن باسقالارعا جەتكىزە ٴبىلۋ قاجەت. (...) تۋريزمگە ٴقاۋىپ ٴتونىپ تۇر. ٴبىز ونى بىرىگىپ قانا كوتەرە الامىز»، - دەدى ول.

ەسكە سالا كەتسەك، مەملەكەت باسشىسى مادەنيەت جانە سپورت مينيسترلىگىنە قر تۋريستىك قىزمەتىن دامىتۋدىڭ 2023 جىلعا دەيىنگى باعدارالماسىن ازىرلەۋدى تاپسىرعان بولاتىن.

مەملەكەتتىك باعدارلامادا رەسپۋبليكا دەڭگەيىندە نەگىزگى 10 تۋريستىك دەستيناسيا مەن ايماقتىق دەڭگەيدە نەگىزگى 50 دەستيناسيانى دامىتۋ كوزدەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي