BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا تاريحي-مادەني ەسكەرتكىشتەردى قورعاۋ، ساقتاۋ، ناسيحاتتاۋ جۇمىستارى جالعاسۋدا

بيىلعى جىل تۇركىستان – تۇركى الەمىنىڭ مادەني استاناسى بولۋىنا وراي «ازىرەت سۇلتان» مەملەكەتتىك تاريحي-مادەني قورىق-مۇراجايى» تۇركىستان قالالىق اكىمشىلىگىمەن بىرلەسىپ 2017 جىلى مۋزەيگە قاراستى تۇركىستان اۋماعىنداعى 12 اۋىلدىق وكرۋگتەردە ورنالاسقان تاريحي-مادەني ەسكەرتكىشتەر بويىنشا ٴتانىسۋ-تۇسىندىرۋ جۇمىستارىنىڭ جوسپارى بەكىتىلگەن بولاتىن.

وسى جوسپار اياسىندا ياسسى اۋىلدىق وكرۋگىنىڭ تۇرعىندارىمەن كەزدەسۋ بولىپ ٴوتتى. كەزدەسۋگە تۇركىستان قالالىق مادەنيەت جانە تىلدەردى دامىتۋ ٴبولىمىنىڭ باسشىسى ج.يبراگيموۆ، «ازىرەت سۇلتان» مەملەكەتتىك تاريحي-مادەني قورىق-مۇراجايى» ديرەكتورىنىڭ مىندەتىن اتقارۋشى ە.ەسجان، تاريحي-مادەني ەسكەرتكىشتەردى قورعاۋ جانە ارحەولوگيا ٴبولىمىنىڭ مەڭگەرۋشىسى م.ق.تۇياقبايەۆ، تاريحي-مادەني ەسكەرتكىشتەردى قورعاۋ ٴبولىمىنىڭ ينسپەكتورى ج.ٴابسادىق، ارحەولوگ ق.مۇسابايەۆتار قاتىستى.

ٴىس-شارا بارىسىندا اۋىلدىق وكرۋگتە ورنالاسقان تاريحي-مادەني ەسكەرتكىشتەر پرەزەنتاسيا ارقىلى كورسەتىلىپ، ەسكەرتكىشتەردى قورعاۋ جانە ساقتاۋ بويىنشا ارنايى زاڭ مەن بۇيرىقتار تانىستىرىلدى. تاريحي-مادەني ەسكەرتكىشتەردى قورعاۋ، ساقتاۋ، ناسيحاتتاۋ باعىتىنداعى جۇمىستار ٴارى قاراي ٴوز جالعاسىن تابا بەرمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي