استانا، baq.kz. تۇركىستان قالاسىنىڭ جاڭا الەۋمەتتىك جانە مادەني نىساندارىنىڭ كونسەپت-ەسكيزدەرىن دايىنداۋعا باعىتتالعان «turkistan architect awards» حالىقارالىق ساۋلەت كونكۋرسى باستالدى.
3055
0 
استانا: 
2279 
0
استانا، baq.kz. تۇركىستان قالاسىنىڭ جاڭا الەۋمەتتىك جانە مادەني نىساندارىنىڭ كونسەپت-ەسكيزدەرىن دايىنداۋعا باعىتتالعان «turkistan architect awards» حالىقارالىق ساۋلەت كونكۋرسى باستالدى.
كونكۋرس قازاقستان رەسپۋبليكاسى پرەمەر-مينيستىرىنىڭ ٴبىرىنشى ورىنباسارى ا.ماميننىڭ تاپسىرماسى بويىنشا قازاقستاننىڭ رۋحاني-مادەني ورتالىعىنىڭ دامۋىنا يمپۋلس بەرەتىن بىرەگەي ساۋلەتتىك شەشىمدەر ازىرلەيتىن حالىقارالىق جانە وتاندىق ساۋلەتشىلەردى قاتىستىرۋ ماقساتىمەن ۇيىمداستىرىلدى.
كونكۋرس قاتىسۋشىلارىنىڭ الدىندا ٴبىر اي كولەمىندە 15 جوبا بويىنشا تولىققاندى ساۋلەتتىك ەسكيزدەر ازىرلەۋ مىندەتى تۇر. قاتىسۋشىلار وسى جوبالار اياسىندا ساۋلەتتىك يدەيالارىن نەگىزدەۋمەن بىرگە نىسانداردىڭ تاعايىندالۋ ماقساتىن انىقتاۋى ٴتيىس. دەمەك، ەجەلگى تۇركىستاننىڭ مادەنيەتىن بويىنا سىڭىرگەن بىرەگەي ساۋلەتتىك يدەياسى بار، سونداي-اق الەۋمەتتىك جانە مادەني نىساندارعا كەلۋشىلەر ٴۇشىن قولايلى جاعدايلار جاساۋعا باعىتتالعان ەڭ زاماناۋي ٴتيىمدى شەشىمدەرى مەن تەحنولوگيالارى بار جۇمىستار ۇزدىك دەپ تانىلادى. جاڭا نىسانداردى تۋريستىك تارتىمدىلىقپەن قامتامسىز ەتۋ وتە ماڭىزدى بولىپ سانالادى جانە وسى نىساندار ارقىلى تۇركىستان بۇكىل ورتالىق ازيا بويىنشا تۋريستەر ەڭ كوپ كەلەتىن قالالاردىڭ ٴبىرى بولۋى ٴتيىس.
«turkistan architect awards» حالىقارالىق ساۋلەت كونكۋرسى 2018 جىلدىڭ 26 قازانىنان باستاپ 2018 جىلدىڭ 26 قاراشاسىنا دەيىن ٴبىر كەزەڭدە وتەدى. قاتىسۋشىلار كونكۋرستىق نىساننىڭ ٴار ساناتىنا ارنالعان تەحنيكالىق تاپسىرمانىڭ بارلىق تالاپتارىنا سايكەس كونسەپت-جوبا دايىنداۋى ٴتيىس. كونكۋرس قاتىسۋشىلارىنا جوبالانۋشى نىساندار بويىنشا ايرىقشا شارتتار جانە تالاپتارمەن شەكتەۋ كورسەتىلمەيدى، دەمەك ٴاربىر قاتىسۋشىنىڭ ٴوز شىعارماشىلىق يدەيالارىن جۇزەگە اسىرۋعا جانە نەگىزدەۋگە تولىق ەركىندىك بەرىلەدى.
ايتا كەتۋ كەرەك، ٴاربىر جەڭىمپاز ٴوز نوميناسياسىندا اقشالاي سىيلىق يەگەرى بولادى جانە جەڭىسكە جەتكەن جوباسىن جوبالاۋعا ەكسكليۋزيۆتى كەلىسىمشارت جاساسۋ مۇمكىندىگىنە يە بولادى.
كونكۋرس تاجىريبەلى ساۋلەتشىلەرگە دە، جاس ساۋلەتشىلەرگە دە قاتىسۋ ٴۇشىن تەڭ مۇمكىندىكتەر ۇسىنادى، سونداي-اق ساۋلەتشىلەر بيۋرولارىنىڭ قاتىسۋى قۇپتالادى. كونكۋرسقا قاتىسۋدىڭ تەحنيكالىق تاپسىرماسى مەن شارتتارى https://turkistan-
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
