BAQ.kz - Қазақстан жаңалықтары USD 379.19 BAQ.kz - Қазақстан жаңалықтары EUR 426.63 BAQ.kz - Қазақстан жаңалықтары RUB 5.92
استانا:

ٴتۋريزمنىڭ دامۋى اكىمدەردىڭ رەيتينگىنە اسەر ەتەدى

فوتو: TR-KAZAKHSTAN.KZ

قازاقستاننىڭ سپورت جانە مادەنيەت مينيسترلىگى جۇمىسقا قاتىستى جاڭا كورسەتكىش ەنگىزۋدى جوسپارلاپ وتىر. بۇل تۋرالى ۆيسە-مينيستر ەرلان قوجاعاپانوۆ مالىمدەدى، دەپ حابارلايدى baq.kz ٴتىلشىسى.

«العاش رەت تۋريزم سەكتورى ۇلتتىق ەكونوميكا درايۆەرلەرىنىڭ قاتارىنا قوسىلىپ وتىر. وسىعان وراي ىشكى جانە سىرتقى ٴتۋريزمدى بەس كريتەريي بويىنشا باعالاپ، اكىمدەردىڭ رەيتينگىن وسىعان سايكەس جاساپ وتىرماقپىز. اتالعان كريتەرييلەر كەلەسىدەگىدەي: ايماقتاعى تۋريستىك لەكتىڭ ديناميكاسى، قوناقۇيلەردىڭ جۇمىسباستىلىعى، ٴتۋريزمدى دامىتۋعا ارنالعان بيۋدجەت، وسى بيۋدجەتتىڭ يگەرىلۋى جانە تۋريزم سالاسىنان سالىق اۋدارىپ وتىرۋ»، — دەيدى ەرلان قوجاعاپانوۆ.

مۇنىمەن قاتار، ۆيسە-مينيستر مەملەكەت باسشىسىنىڭ ٴوزىنىڭ جولداۋىندا ايماقتاردا ٴتۋريزمدى دامىتۋدىڭ ماڭىزدى ەكەنىن ايتقانىن ەسكە سالدى.

«ۆەدومستۆو ٴتۋريزمنىڭ ساكرالدى، ەكولوگيالىق، مادەني-تانىمدىق، مەديسينالىق جانە سپورتتىق سىندى جاڭا تۇرلەرىن دامىتۋ جوسپارلانىپ وتىر»، — دەيدى سپيكەر.

سونداي-اق، ەرلان قوجاعاپانوۆ قازاقستانعا جىل سايىن كەلەتىن تۋريستەر سانىنىڭ ٴوسىپ كەلە جاتقانىن ايتىپ ٴوتتى. وسىلايشا 2016 جىلمەن سالىستىرعاندا، 2017 جىلى كەلگەن شەتەلدىك قوناقتاردىڭ سانى 18% كوپ بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي