BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴتۋريزمدى دامىتۋ باعدارلاماسى: اۋە بيلەتتەرىنىڭ باعاسى ارزانداي ما؟

فوتو: lbcgroup.tv

استانا، baq.kz ٴتىلشىسى. بۇگىن «اتامەكەن» ۇكپ الاڭىندا قر كىرۋ جانە ىشكى ٴتۋريزمىن دامىتۋدىڭ 2019-2023 جىلدارعا ارنالعان مەملەكەتتىك باعدارلاماسىنىڭ جوباسى تالقىلاندى.

«ٴبىرىنشى شارا ول – تۋريستىك ينفراقۇرىلىمدى، تۋريستىك رەسۋرستاردى دامىتۋ. ەلىمىزدە تابيعاتى كوركەم، باي ورىندار جەتەرلىك. مەملەكەتتىك باعدارلامانىڭ ماقساتى – ولاردى حالىقارالىق ستاندارتتارعا سايكەستەندىرۋ. مەملەكەت بارلىق تۋريستىك دەستيناسياعا ٴبىر مەرزىمدە قارجى بولە المايدى. سول سەبەپتى ٴبىز حالىق كوپ باراتىن 10 دەستيناسيانى تاڭداپ الدىق»، - دەدى باعدارلامانى ازىرلەگەن جۇمىس توبىنىڭ ۇيلەستىرۋشىسى ەركەبۇلان حاسەنوۆ.

باعدارلامانىڭ ەكىنشى مىندەتىندە تۋريستىك نىسانداردى بارىپ كورۋ ٴۇشىن كولىكتىڭ قولجەتىمدىلىكتى بولۋىن قامتاماسىز ەتۋ. بۇل مىندەتكە جول سالۋ، جوندەۋ، اۋە باعىتتارىن سۋبسيديالاۋ، اۋە جانە تەمىر جول بيلەتتەرىنىڭ باعاسىن ارزانداتۋ شارالارى كىرەدى.

«حالىقارالىق تاسىمالداۋشىلار بىزگە كەلۋى ٴۇشىن اۋە كەڭىستىگىمىزدى ليبەريلازاسيالاۋىمىز قاجەت. وسىنىڭ ارقاسىندا بيلەت قۇنى ارزانداۋى مۇمكىن. اۋە كەروسينى بيلەت باعاسىنىڭ 30-40 پروسەنتىن قۇرايدى. سول سەبەپتى باعانى مەملەكەتتىك رەتتەۋ بولۋى ٴتيىس. قازاقستاندا اۋە كەروسينىنىڭ ٴبىر تونناسى – 900 دوللار. بۇل فرانكفۋرتتاعى باعادان 1،5 ەسە قىمبات. باعا تومەندەمەسە بىزگە ەشقانداي حالىقارالىق تاسىمالداۋشى كەلمەيدى. سول سەبەپتى ٴبىز باسقا دا مەملەكەتتىك ورگاندارعا، اسىرەسە ەنەرگەتيكا مينيسترلىگىنە وسى ماسەلەنى قاراستىرىپ، مەملەكەتتىك دارەجەدە باعا رەتتەلسە دەيمىز. بۇل باعانى تومەندەتۋدىڭ ٴبىر عانا شاراسى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي