BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋريزم سالاسىندا جۇمىس ىستەيتىندەردىڭ سانىن 1 ملن ادامعا جەتكىزۋ كوزدەلىپ وتىر

استانا، baq.kz ٴتىلشىسى. مادەنيەت جانە سپورت ۆيسە-مينيسترى ەرلان قوجاعاپانوۆ استانادا ٴوتىپ جاتقان viii ازاماتتىق فورۋمى اياسىندا قوتكەن سالالىق كەزدەسۋدە قازاقستاننىڭ ىشكى جانە سىرتقى ٴتۋريزمىن دامىتۋ مەملەكەتتىك باعدارلاماسى تۋرالى باياندادى.

ونىڭ ايتۋىنشا بۇگىنگى تاڭدا قازاقستاندا تۋريزم سالاسىندا 450 مىڭ ادام جۇمىس ىستەپ جاتىر. ولار اۋە كومپانيالارى، تەمىر جول، قوناق ۇيلەر، تۋر قاۋىمداستىقتاردا قىزمەت ىستەيدى. بۇگىندە باعدارلاما تۋريزم سالاسىندا جۇمىس ىستەيتىن 450 مىڭ ادامنىڭ سانىن1 ملن دەيىن ارتتىرۋ ٴۇشىن ازىرلەنىپ وتىر.

«ەكسكۋرسسيا جەتەكشىسى تۋرالى وسى باعدارلامامىزدا دا، تۋريزم زاڭىندا دا تولىق اتاپ كەتتىك. بىزدە تۋريزم بويىنشا ٴبىلىم بەرەتىن 60 وقۋ ورىن بار. ٴبىراق وكىنىشكە قاراي، ەلباسى ايتىپ كەتكەندەي ۋنيۆەرسيتەت بىتىرگەننەن كەيىن بالا جۇمىس تابا الماسا، بۇل ينستيتۋت دۇرىس ٴبىلىم بەرمەگەن دەگەن ٴسوز. ٴبىز بۇل ماسەلەنى دە كوتەرىپ وتىرمىز، گيد ماسەلەسى دە وتە ماڭىزدى. 2025 جىلعا دەيىن وسى باعدارلامانى جۇزەگە اسىرامىز. ول باعدارلامادا مۇنداي كەمشىلىك بولمايدى. «رۋحاني جاڭعىرۋدى» بىلەتىن، تاريحي جەرلەردى، باتىرلارىمىزدى، جالپى تاريحتى بىلەتىن گيدتەر كوبەيەدى. ٴبىلىم ساپاسى جوعارى بولادى دەپ سەنەمىز»، - دەدى ۆيسە-مينيستر.

قوجاعاپانوۆتىڭ ايتۋىنشا، باعدارلاما تۋريستىك قاۋىمداستىقتارمەن تىعىز جۇمىس ىستەۋدىڭ ناتيجەسىندە ازىرلەنگەن. سونداي-اق ول باعدارلامانى جۇزەگە اسىرۋعا قاجەتتى قارجى قايدان بولىنەتىنىن اتاپ ٴوتتى.

«تۋريستىك قاۋىمداستىقتارمەن جۇمىس ىستەۋگە ەشقانداي اقشا بولىنبەدى. ٴبىراق باعدارلامادا بيۋدجەتتەن ينفراقۇرىلىمعا بولىنەتىن قاراجات بار. ەكىنشى جاعىنان بيزنەس قوسادى. 20 پايىز بيۋدجەتتەن، 80 پايىز بيزنەستەن بولىنەدى. سوندىقتان تۋريستىك ٴونىم پايدالى دا، جەمىستى بولادى»، - دەدى مادەنيەت جانە سپورت ۆيسە-مينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي