BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋريستىك برەند تۇجىرىمداماسى تۇڭعىش رەت قوعامعا ۇسىنىلادى

استانا، baq.kz. استانادا وتەتىن travel media talks فورۋمى بارىسىندا قازاقستاننىڭ تۋريستىك برەند تۇجىرىمداماسى تۇڭعىش رەت قوعامعا تانىستىرىلادى.

2018 جىلدىڭ 7 جەلتوقسانىندا قازاقستان استاناسىندا العاشقى تۇجىرىمدامالىق فورۋم وتەدى. بۇل شارادا travel media talks، ياعني وتاندىق تۋريزم يندۋسترياسىن دامىتۋ تەتىكتەرى قاراستىرىلادى.

جوبانىڭ ماقساتى – قازاقستاندا تۋريزم سالاسىنىڭ قالىپتاسۋىنا اسەر ەتەتىن ەرەكشەلىكتەرىن تالقىلاۋ. سونداي-اق سيفرلانۋ باعىتىندا دامىپ جاتقان الەم كوشىنەن قالماۋ ٴۇشىن قانداي قادامدار قاجەت ەكەنىن انىقتاۋ.

شارا بارىسىندا تۇڭعىش رەت ەلىمىزدىڭ تۋريستىك برەندىنىڭ تۇجىرىمداماسى تانىستىرىلادى. سونىمەن قاتار بۇل قۇجاتتى مەديا-يندۋستريا جانە ماركەتينگ سالاسىندا پايدالانۋ مۇمكىندىكتەرى ٴسوز بولادى.

ٴبىر كۇن ىشىندە تۋريزم جانە مەديا سالاسىنداعى 6 ەلدىڭ ساراپشىلارى ٴوز يدەيالارىمەن بولىسەدى. بۇل فورۋمعا قازاقستاندىق ساراپشىلارى مەن ٴۇندىستان، رەسەي، ۋكراينا، بەلارۋس، قىرعىزستاننان كەلگەن قوناقتارى قاتىسادى.

شاراعا سالالىق مەملەكەتتىك ۆەدومستۆولاردىڭ قىزمەتكەرلەرى، كاسىپكەرلەر، تۋروپەراتورلار، قاۋىمداستىقتار مەن اگەنتتىكتەردىڭ جانە باق وكىلدەرى، بلوگەرلەر، قوعام بەلسەندىلەرى مەن ت.ب. قاتىساتىنىن دا اتاپ وتكەن ٴجون.

بۇل جوبا بارىسىندا پىكىرتالاستار جانە ted talks سىندى الەمدىك تاجىريبەدە ٴجيى قولدانىلاتىن فورمات ساحناعا شىعىپ سويلەۋگە دە مۇمكىندىك بەرىلەدى. ياعني، ٴار سپيكەرگە بەلگىلى ۋاقىت بەرىلىپ، ول ٴوزىنىڭ يدەياسىن، نە بايانداماسىن ۇسىنادى. شەبەرلىك ساعاتتارى دا وتەدى.

فورۋمنىڭ تاقىرىبى – «جاھاندىق سيفرلاندىرۋ داۋىرىندەگى تۋريزم: جاڭا ۇرپاققا باعدار». شارا باعدارلاماسىن بويىنشا پانەلدىك پىكىرتالاستار مەن شەبەرلىك ساعاتتارى ٴوتىپ، سونداي-اق جاھاندىق ترەندتەر مەن بولاشاقتا ٴتۋريزمنىڭ قالاي داميتىنىنا قاتىستى بولجامدار جايلى ەكسكليۋزيۆ بەينەماتەريالدار تانىستىرىلادى.

قازىرگى زاماننىڭ ساياحاتشىسى قانداي جانە جاڭا تەحنولوگيالار ونى قالاي وزگەرتەدى؟ قازاقستان وزىندىك تۋريستىك برەندىن قالىپتاستىرا الدى ما؟ بۇل سالانى دامىتۋعا كەدەرگى بولىپ تۇرعان باستى سەبەپ نە؟ تۋريستىك ماركەتينگتە نەلىكتەن ستوريتەللينگ، كونتەنت-ماركەتينگ جانە يۆەنت-مەنەدجمەنت سىندى قۇرالدار باسقالارىنا قاراعاندا تيىمدىرەك؟ تۋريزم يندۋسترياسى اۋديوريامەن بايلانىس ورناتار كەزدە قانداي كەدەرگىلەردى ەڭسەرۋى ٴتيىس؟ وسى جانە باسقا دا سۇراقتارعا travel media talks سپيكەرلەرى جاۋاپ بەرەدى.

شارادا ٴسوز سويلەيتىندەر:

ديكشيت مۋندرا –nat geo جيھانكەزى، فوتوگراف (ٴۇندىستان)
ولگا چەرەدنيچەنكو - «ەكسمو» باسپا ٴۇيىنىڭ 25 ساياxات نۇسقاۋلىقتارىنىڭ اۆتورى، مەديا مەكتەپتەگى ساياحات جۋرناليستيكاسىنىڭ وقىتۋشىسى، www.che-che.ru بلوگەرى، ەڭ كونە "ۆوياد" ورىس ساياحات جۋرنالىنىڭ باس رەداكتورى(رەسەي);
اندرەي پۋگاچ – ساۋلەت پەن پەيزاجدى سۋرەتكە ٴتۇسىرۋشى (بەلورۋس رەسپۋبليكاسى)
تاتيانا ليۋلكا – community ىسكەرلىك باسىلىمىنىڭ اعا رەداكتورى (ۋكراينا)
ماكسات چاكيەۆ – theworld nomad games ۇيىمداستىرۋشىسى (قىرعىزستان)
قايرات ٴسادۋاقاسوۆ - «kazakh tourism» ۇك باسقارماسى ٴتوراعاسىنىڭ ورىنباسارى
سانيار ايتەكەنوۆ - «astana convention bureau» جشس ديرەكتورى
زاۋرە روزمات – مەديا-مەنەدجەر، steppe.asia جوباسىنىڭ نەگىزىن قالاۋشى
رۋسلان جەمكوۆ – ەۋرازيالىق مەديا فورۋمىنىڭ باس ديرەكتورى

فورۋمدى قازاقستان رەسپۋبليكاسى مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ قولداۋىمەن «kazakh tourism» ۇك اق ۇيىمداستىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي