BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋريستەردەن تەگىن 500 تەڭگە تابۋدىڭ كىلتى

ونلاين-كونفەرەنسيا بارىسىندا قازاقستان رەسپۋبليكاسى ينۆەستيسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يعالي ٴوز دەپارتامەنتى تۋريستەردى ەل اۋماعىنا ورنالاستىرۋ سالىعىن ەنگىزۋ تۋرالى ۇسىنىس جاساعاندىعىن مالىمدەدى. ونىڭ ايتۋىنشا، شەتەلدىك تۋريست كۇنىنە 500 تەڭگە قالدىرا الادى، دەپ حابارلايدى bnews.kz.

«تۋريزم يندۋسترياسى دەپارتامەنتى bed tax – تۋريستەردى ورنالاستىرۋ سالىعىن ەنگىزۋدى العا تارتىپ وتىر. ٴبىزدىڭ ەسەپتەۋىمىزشە، ٴاربىر تۋريست كۇنىگە قوناق ۇيدە تۇرعان اقىسىنىڭ 3 %-ىن، ياعني 500 تەڭگەنى قالدىرىپ كەتۋ كەرەك. ەلىمىز ايتارلىقتاي مول اقشا تابادى»، – دەدى ونلاين-كونفەرەنسيادا مارات يعالي.

ول مۇنداي سالىق گرۋزيا، ەۋروپا، اراب امىرلىكتەرىندە بار ەكەندىگىن ايتتى.

2020 جىلعا دەيىن ٴتۋريزمدى دامىتۋدىڭ ارنايى تۇجىرىمداماسى ازىرلەنگەن. بۇدان باسقا، جاقىندا ەلىمىزدە شەتەلگە شىعاتىن قازاقستاندىقتاردى قولداۋ ماقساتىندا قور قۇرىلادى.

«سەيسەنبى كۇنى شەتەلگە شىعاتىن تۋريستەردى كەپىلدى ساقتانداندىرۋ جۇيەسى ماقۇلداندى. ول ٴۇشىن ارنايى قور قۇرىلادى. وعان تۋريستەردى شەتەلگە جىبەرەتىن تۋريزم وپەراتورلارى بەلگىلى ٴبىر سومانى سالادى. اياق استىنان بولاتىن ٴتۇرلى جاعداي بولىپ قالسا، سول قورداعى قارجىدان الىپ، تۋريستەرىمىزدى ەلگە قايتارا الامىز. بۇعان دەيىن مۇنداي وقيعالار كوپ بولدى»، – دەدى باسقارما باسشىسى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي