BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇلكىباسقا 13 مىڭعا جۋىق تۋريست كەلدى – تۇركىستان وبلىسى

فوتو: Автор

استانا، baq.kz. تۇركىستان وبلىسىنىڭ تۇلكىباس اۋدانىنا اعىمداعى جىلدىڭ 10 ايىندا 13 مىڭعا جۋىق تۋريست كەلگەن. ونىڭ ىشىندە 700 ادام شەتەلدىڭ ازاماتتارى. بۇل تۋرالى ايماق اكىمدىگىنىڭ ٴباسپاسوز قىزمەتى حابارلادى.

جالپى ٴوڭىر - ەتنوتۋريزمدى دامىتۋعا قولايلى ايماق. الداعى ۋاقىتتا ايماققا كەلۋشىلەردىڭ سانى ارتا تۇسەدى دەپ جوسپارلانۋدا.

بۇدان وزگە، اۋدان بويىنشا ەكونوميكالىق بەلسەندى حالىق سانى - 57،2 مىڭ ادامدى قۇراسا، جۇمىسپەن قامتىلعاندار - 54،2 مىڭ ادام.

«تەحنيكالىق جانە كاسىپتىك ٴبىلىمى بار كادرلاردى دايارلاۋ بويىنشا بەس وقۋ ورنىمەن كەلىسىم-شارت ٴتۇزىلىپ، 195 ازامات قىسقا مەرزىمدى كاسىپتىك وقۋ كۋرستارىنا جولداندى. ال جاپپاي كاسىپكەرلىكتى دامىتۋ «باستاۋ-بيزنەس» جوباسى نەگىزىندە 166 ازامات كاسىپكەرلىك نەگىزدەرىنە وقۋعا جولدانىپ، 157 ادام سەرتيفيكات الىپ، 52 ازاماتقا 207،8 ملن. تەڭگە نەسيە بەرىلدى. الەۋمەتتىك جۇمىس ورىندارىن ۇيىمداستىرۋ بويىنشا 142 ازامات جىبەرىلدى»، - دەلىنگەن حابارلامادا.

سونىمەن قاتار، اۋداندا 18 مەملەكەتتىك جانە جەكەمەنشىك ارىپتەستىك شەڭبەرىندەگى 26 بالاباقشادا جالپى 6560 بالا تاربيەلەنۋدە. بالالاردى قامتۋ كورسەتكىشى جىل قورىتىندىسىمەن 97،8 پايىزدى قۇراعان.

ينفراقۇرىلىم بويىنشا اۋدانداعى 62 ەلدى مەكەننىڭ 59-ى ورتالىقتاندىرىلعان اۋىز سۋ قۇبىرىمەن قامتاماسىز ەتىلگەن. كوگىلدىر وتىنمەن قامتۋدا اۋدانداعى 62 ەلدى مەكەننىڭ 60-ى گازبەن قامتىلعان. اۆتوجول سالاسى اۋدانداعى 5 ەلدى مەكەننىڭ كوشەلەرىن ورتاشا جوندەۋ جۇمىستارىنا 149،8 ملن. تەڭگە ٴبولىنىپ، ونىڭ 145،5 ملن. تەڭگەسى يگەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي