BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تانىمال كاسىپكەر تابيعي قورىقتار قورىن قۇرماقشى

اسادەل كاپيتال spc حەدج-قورىنىڭ باسقارۋشى سەرىكتەسى، كاسىپكەر مارعۇلان سەيسەنبايەۆ «قوعامدىق تابيعي قورىقتار» قورىن قۇرادى. بۇل تۋرالى ول facebook-تەگى پاراقشاسىندا حابارلادى، دەپ جازادى baq.kz.

«مەن ۇزاق جىلدار بويى تابيعات قورعاۋ ىسىمەن اينالىسىپ كەلەمىن. كەزىندە سايعاقتار سانى 2 ملن-نان 15 مىڭعا دەيىن تومەندەپ كەتكەندە «sos saiga» دەگەن قوعامدىق قور قۇردىم. ٴبىز قازوحوتزووپروم-عا سايعاقتى براكونەرلەردەن قورعاۋعا كومەكتەستىك. ولارعا ونداعان ۋاز كولىكتەرىن، كاماز ٴاۆتوموبيلى بازاسىنداعى ٴموبيلدى ۇيلەر، سپۋتنيك تەلەفوندار جانە ماتەريالدى كومەك ۇسىندىق. مەنىڭ ويىمشا، وسىنىڭ بارلىعى سايعاقتاردى جاپپاي قىرىلىپ قالۋدان ساقتاپ، جالپى سانىن 220 مىڭعا دەيىن كوبەيتۋگە مۇمكىندىك بەردى. دەگەنمەن وتكەن جىلدارى بىزگە «بەلگىسىز سەبەپتەرمەن» 170 مىڭنان استام سايعاق جويىلىپ كەتتى. ەندى تاعى دا قۇرىپ كەتۋ الدىندا تۇر. براكونەرلىكپەن كۇرەسىمدى جانە تابيعاتتى قورعاۋ سالاسىنداعى تاجىريبەمدى ەسكەرە وتىرىپ «قوعامدىق تابيعي قورىقتار» قورىن قۇرۋدى ۇسىنامىن. ەگەر جان-جانۋارلار تەك زووباقتا قالماسىن دەسەك، قازاقستاندا جانۋارلار تىنىش تاۋىپ، ٴقاۋىپسىز جەردە كوبەيە الاتىنداي ورىندار قۇرايىق. تابيعاتقا جاناشىر ادامداردىڭ بارلىعىنان مەنى قولداۋلارىن وتىنەمىن. سونداي-اق قوردىڭ قامقورشىلىق كەڭەسىنىڭ قۇرامىنا ەنگىزۋ ٴۇشىن قوعامعا سىيلى، بەدەلدى ادامداردىڭ كانديداتۋراسىن جازۋلارىڭىزدى سۇرايمىن!»، — دەلىنگەن جازبادا.

«قوعامدىق تابيعي قورىقتار» قورى قوعام قايراتكەرلەرىنەن قۇرالعان قامقورشىلىق كەڭەسى ارقىلى باسقارىلاتىن، قوعامدىق كوممەرسيالىق ەمەس ۇيىم بولادى. ٴوز ارەكەتىن جەكە قايىرىمدىلىق قارجىلارى ارقىلى جۇزەگە اسىرادى، نەگىزگى ماقساتى جان-جانۋارلار مەن وسىمدىكتەر الەمىن ادامداردىڭ قيمىلىنان قورعاۋ.

«قوعامدىق تابيعي قورىقتار» قورىنىڭ نەگىزگى پرينسيپتەرى:

  • قورىق اۋماعىندا ەشقانداي اڭشىلىق بولمايدى
  • قورىق اۋماعىندا بالىق اۋلاۋعا تىيىم سالىنادى
  • قورىق اۋماعىندا انتي-ەكولوگيالىق ارەكەتتى جۇزەگە اسىرۋعا تىيىم سالىنادى
  • قورىق اۋماعىندا كوممەرسيالىق ارەكەتكە تىيىم سالىنادى

قىزمەت ەتۋ ٴتارتىبى: «قوعامدىق تابيعي قورىقتار» قورى مەملەكەتتەن شارۋاشىلىق جانە اڭ شارۋاشىلىعى قۇقىعىمەن 49 جىلعا جالعا جەر الادى. كەيىنىرەك قور وسى اۋماقتاعى بارلىق اڭشىلىق جانە بالىق اۋلاۋ تۇرىنە تىيىم سالۋدى قامتاماسىز ەتەدى. ول اۋماقتار ادامنىڭ شارۋاشىلىق ارەكەتىنەن تولىعىمەن بوساتىلادى. قوردا مەملەكەتتىك ۇيىمداردا جۇمىس ىستەمەيتىن ادامداردان ەگەرلىك قىزمەت قۇرىلادى. «قوعامدىق تابيعي قورىقتاردىڭ» بارلىق جۇمىسى قوعام الدىندا باقىلانىپ، مونيتورينگ جۇرگىزىلىپ وتىرىلادى. جۋرناليستەر، بلوگەرلەر، قوعام قايراتكەرلەرى باسقا دا كەز-كەلگەن ادام قور جۇمىسىنىڭ بارلىق اسپەكتىلەرى تۋرالى كەز كەلگەن مالىمەتتى الا الادى»، — دەپ جازىلعان پاراقشاداعى جازبادا.

دەرەك كوزى: 7 كۇن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي