BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندا «zhetysutravel» تۋريستىك فورۋمى ٴوتىپ جاتىر

بۇگىن تالدىقورعانداعى كورمە كەشەنىندە «zhetysutravel» حالىقارالىق تۋريستىك فورۋمى باستالدى. ەلباسى جولداۋىنداعى مىندەتتەردى جانە سيفرلاندىرۋ باعدارلاماسىن جۇزەگە اسىرۋ ماقساتىندا ۇيىمداستىرىلعان شاراعا تۋريزم سالاسىنداعى وتاندىق جانە حالىقارالىق، اتاپ ايتقاندا قىتاي، يسپانيا سياقتى ەلدەردەن كەلگەن ساراپشىلار جانە وڭىرلەردەگى تۋريزم باسقارمالارىنىڭ وكىلدەرى قاتىستى. بۇل تۋرالى الماتى وبلىسى اكىمىنىڭ ٴباسپاسوز قىزمەتى حابارلادى.

فورۋمدا مودەراتور بولعان وبلىستىق تۋريزم باسقارماسىنىڭ باسشىسى جانار الچيمبايەۆانىڭ شارانىڭ ماقسات-مىندەتتەرى تۋرالى قىسقاشا حابارلاماسىنان كەيىن ٴسوز العان وبلىس اكىمىنىڭ ٴبىرىنشى ورىنباسارى لاززات تۇرلاشوۆ «zhetysutravel» حالىقارالىق تۋريستىك فورۋمىنىڭ تالدىقورعاندا العاش رەت ٴوتىپ وتىرعانىن اتاپ ٴوتىپ، وبلىستىڭ تۋريستىك تارتىمدىلىعى، تاماشا تابيعاتى جايىنا قىسقاشا توقتالىپ ٴوتتى.

«بۇگىنگى شارا ەلىمىزدىڭ، سونىڭ ىشىندە وبلىسىمىزدىڭ تۋريستىك الەۋەتىن ارتتىرۋعا، ينفراقۇرىلىمىن دامىتۋعا ٴوزىنىڭ زور ىقپالىن تيگىزەدى دەپ ويلايمىن. مەملەكەت باسشىسى جاقىندا جاريالانعان جولداۋىندا سىرتتان كەلەتىن جانە ىشكى ٴتۋريزمدى دامىتۋعا ەرەكشە كوڭىل ٴبولۋدى جانە سالالىق مەملەكەتتىك باعدارلاما قابىلداۋدى تاپسىرعان بولاتىن. وسى رەتتە مەملەكەتتىك باعدارلاما جوباسىنا الاكول كولىنىڭ جاعالاۋى، ىلە الاتاۋىنىڭ تاۋ كلاستەرى، شارىن شاتقالى سياقتى وبلىستىڭ ٴىرى تۋريستىك رەكرەاسيالىق اۋماقتارىن دامىتۋ باعىتىنداعى ۇسىنىستار ەنگىزىلىپ، جوسپارلارى ازىرلەنىپ جاتىر»، - دەپ اتاپ ٴوتتى ل. تۇرلاشوۆ.

ول ٴسوزىن قورىتىندىلاي كەلە وسى فورۋم قىزىقتى كەزدەسۋ، مازمۇندى پىكىرالماسۋ تۇرىندە ٴوربىپ، پەرسپەكتيۆالى يدەيالار مەن باستامالاردىڭ تۋىنداۋىنا ىقپال ەتەتىن ايتۋلى شارا بولاتىندىعىنا سەنىم ٴبىلدىردى.

مۇنان سوڭ قىتاي حالىق رەسپۋبليكاسى مادەنيەت جانە تۋريزم مينيسترلىگىنىڭ ورتا ازياداعى وكىلى ۆان شۋلين اتالعان شاراعا شاقىرعان ۇيىمداستىرۋشىلارعا ريزاشىلىعىن ٴبىلدىرىپ، قازاقستان-قىتاي اراسىنداعى مادەني-تۋريستىك بايلانىستاردى نىعايتۋ جايىنا توقتالدى.

قازاقستان تۋريستىك قاۋىمداستىعىنىڭ اتقارۋشى ديرەكتورى، قازاقستاندىق قوناق ۇيلەر مەن مەيرامحانالار قاۋىمداستىعىنىڭ پرەزيدەنتى راشيدا شايكەنوۆا وتاندىق ٴتۋريزمنىڭ الدىندا تۇرعان بىرنەشە ماسەلەنى اتاپ بەردى.

«حالىقارالىق تۋريزم نارىعىندا باسەكە قابىلەتتى بولۋ ٴۇشىن ٴبىز ەڭ الدىمەن بۇل سالادا باي تاريحىمىزدى، ياعني ۇلى تۇرىك وركەنيەتىن، مادەنيەتىمىز بەن سالتىمىزدى پاش ەتە ٴبىلۋىمىز كەرەك»، - دەدى ر. شايكەنوۆا.

سونىمەن قاتار بىلىكتى كادرلار دايارلاۋ، تۋريستىك نىسانداردى سيفرلاندىرۋعا جەتە ٴمان بەرۋدى دە الدىڭعى قاتارداعى ماسەلەلەرگە جاتقىزدى. ونىڭ ايتۋىنشا، بۇگىنگى كۇنى وتاندىق تۋريستىك نىسانداردىڭ تەك 17 % عانا ٴوز قىزمەتتەرىن جارنامالاۋ مەن ساتۋ كانالى رەتىندە ينتەرنەت پەن الەۋمەتتىك جەلىنى پايدالانىپ وتىر. ياعني سيفرلاندىرۋعا كىرىسۋ ٴتۋريزمدى دامىتۋدىڭ نەگىزگى باعىتتارىنىڭ ٴبىرى بولۋى ٴتيىس.

فورۋمنىڭ پلەنارلىق وتىرىسىنان كەيىن شارا پانەلدىك سەسسيالارمەن جالعاسۋدا. وندا تۋريستىك ۇيىمدار مەن سالا ماماندارى «تۋريستىك ونىمدەردى ىلگەرىلەتۋ قۇرالدارى»، «تۋريستىك ٴونىمدى سيفرلاندىرۋ: كوممۋنيكاسيالار» تاقىرىپتارىن تالقىلاپ جاتىر.

سونداي-اق فورۋم اياسىندا ەرتەڭ، 20 قازاندا تالدىقورعانداعى «جاستار» سپورت سارايىندا قازاقستان حالىقتارى ۇلتتىق اسحانالارىنىڭ «توي قازان» vi فەستيۆالى ۇيىمداستىرىلادى. وعان قوسا zhetysu travel ورتالىعىنىڭ اشىلۋ سالتاناتى وتەدى.

جالپى، الماتى وبلىسىنا كەلەتىن تۋريستەر لەگى جىل سايىن 20-30 % وسۋدە. بيىلعى جىلى جەتىسۋ وڭىرىنە تابان تىرەيتىن تۋريستەر سانى 2 ميلليونعا جەتەدى دەپ كۇتىلىپ وتىر. بۇل - وتكەن جىلمەن سالىستىرعاندا 31،3 % ٴوسىم بولادى دەگەن ٴسوز. 2018 جىلدىڭ قورىتىندىسى بويىنشا كورسەتىلگەن تۋريستىك قىزمەت 10،0 ملرد. تەڭگە شاماسىندا بولماق. سوڭعى ٴۇش جىلدا تۋريستىك ينفراقۇرىلىمدى دامىتۋعا 15،7 ملرد. تەڭگە مەملەكەتتىك ينۆەستيسيا باعىتتالعان. سونىمەن قاتار جالپى قۇنى 15،6 ملرد. تەڭگە جەكە ينۆەستيسياعا سالىنعان 102 تۋريستەردى ورنالاستىرۋ نىسانى پايدالانۋعا بەرىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي