BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا  «التىن التاي» تۋريستىك باعدارى اشىلدى

فوتو: inform.kz

شقو قاتونقاراعاي اۋدانىندا ەۋروپالىق وداقتىڭ «التىن التاي – ٴبىزدىڭ ٴوڭىرىمىزدىڭ بايلىعى» جوباسى اياسىندا «التىن التاي» بىرەگەي باعدارى اشىلدى. بۇل باعدار تۋريستەرگە، تۋريستىك وپەراتورلارعا جانە ساياحاتتى جانى سۇيەتىندەرگە ارنالىپ جاسالعان جانە پايدالانۋعا دايىن.

اقپاراتتىق ورتالىقتىڭ ەرەجەسى بويىنشا، ٴبىر قوناق ۇيدەن ەكىنشى قوناق ۇيگە، ٴبىر اۋىلدان ەكىنشى اۋىلعا اۋىسىپ، جولاي تابيعي، مادەني جانە تاريحي جادىگەرلەرمەن تانىسۋ مۇمكىندىگى بار. كورشىلەس ورنالاسقان «ساماي» (وسكەمەننەن 390 شاقىرىم) نەمەسە «ياسنايا پوليانا» قوناق ۇيلەرىنەن ٴورىل اۋىلىنداعى «يساتاي» نەمەسە «شاكارىم» قوناق ۇيلەرىنە كەلۋگە بولادى، ارى قاراي ۆەرا كليموۆانىڭ ومارتاسىنا نەمەسە قايىڭدى اۋىلىنداعى قوناق ۇيلەر كورىنىپ تۇر.

ٴار قوناق ٴۇيدىڭ وزىندىك ەرەكشەلىگى بار جانە تۋريستەرگە ۇسىناتىن ٴارتۇرلى قىزمەتتەر جيىنتىعىنا يە. ودان بولەك، قوناق ٴۇي يەلەرى اتپەن نەمەسە جاياۋ سەرۋەن، بەرەل قورعاندارىنا، يازەۆوە كولىنە نەمەسە راحمانوۆ بۇلاقتارىنا راديالدى ەكسكۋرسيالار ۇيىمداستىرا الادى. ايتپاقشى، جۋرناليستەر مەن تۋريستىك فيرما وكىلدەرى وسى باعىتتىڭ العاشقى تۋريستەر توبى بولدى.

قوناق ۇيلەر تۋريستەرگە قوناق ٴۇي كەشەندەرىنە بالاما بيۋدجەتتىك باعا ۇسىنادى. سونداي-اق، وسى باعىت ارقىلى قاتونقاراعاي جەرىندە جىلدان-جىلعا دامىپ كەلە جاتقان مارال شارۋاشىلىعىمەن، اۋىل شارۋاشىلىعىمەن، اتا-بابالاردىڭ ٴومىر سالتىمەن تانىسۋعا مۇمكىندىك بەرەدى. مۇنداي ۇسىنىستى ەشقانداي «جۇلدىزدى» قوناق ٴۇي بەرە المايدى.

جەرگىلىكتى شەبەرلەرمەن تانىسۋ اۋىل ٴتۋريزمىن دامىتۋدىڭ باستى العىشارتى جانە مۇنداي شىعارماشىل شەبەرلەر قاتونقاراعاي اۋدانىندا بار.

وسكەمەننەن ۇلكەن نارىن اۋىلىنا كەلە جاتىپ، قاينىش مانكەيقىزىنا، ال ەڭبەك اۋىلىندا گۇلنار قوجامجاروۆاعا قوناققا بارۋعا بولادى. شەبەرلەر ەجەلگى قازاق ونەرى «كەستە»، شيدەن جاسالعان ساندىك كىلەمشەلەر، كيىز بەن جۇننەن بۇيىم جاساۋ بويىنشا شەبەرلىك ساعاتتارىن وتكىزەدى جانە قوناقتارعا كادەسىيلار تارتۋ ەتەدى.

«التىن التاي» باعدارى بويىنشا وتباسىمەن تابيعاتتا دەمالۋدى قۇپ كورەتىندەر، اۆتوكولىك، موتوسيكل، ۆەلوسيپەدپەن ساياحاتتاپ جۇرگەندەر ساياحاتتاي الادى جانە وقۋشىلار مەن زەينەتكەرلەرگە تانىمدىق تۋر وتكىزۋگە بولادى.

قازاقپارات


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي