BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو اكىمى الاكول جاعاسىن دامىتۋدىڭ جوسپارىن دايىنداۋدى تاپسىردى

دەمالىس ۇيلەرى مەن بازالارى دەمالۋشىلارعا تولىق جاعداي جاساي الماسا، جۇمىستارىن توقتاتۋ قاجەت. بۇنداي شەشىم الاكول كولىنىڭ رەكرەاسيالىق ايماعىن زەرتتەگەن جۇمىس توبىنىڭ مۇشەلەرىمەن وتكەن كەڭەستە قابىلداندى. اتقارىلعان جۇمىس ناتيجەسى بويىنشا 147 دەمالىس بازاسى مەن ۇيلەردە جانە 80 نىساندا قاجەت قۇجاتتىڭ جوقتىعى انىقتالدى - دەپ حابارلايدى baq.kz.

شقو اقپاراتتىق ورتالىعىنىڭ مالىمەتىنشە، الاكول جاعاسىندا جۇمىس توبى جۇرگىزگەن جۇمىس بارىسىندا وسى جانە وزگە زاڭ بۇزۋشىلىق قازاقستان رەسپۋبليكاسىنىڭ زاڭناماسىنا سايكەس انىقتالدى. دەمالىس ۇيلەرىن تولىق تەكسەرۋ جۇمىسى ايماق باسشىسى دانيال احمەتوۆتىڭ باستاماسىمەن جۇرگىزىلدى. ٴتيىستى جاۋاپتى قۇزىرلى ورگاندار تەكسەرۋ جۇمىستارىن جۇرگىزىپ، زاڭ بۇزۋشىلىقتى انىقتادى. الاكول كولىندە جۇرگىزىلگەن كەشەندى ساراپتاما جۇمىستارى شىعىس قازاقستاننىڭ مارجانى – الاكولدە جوعارى دەڭگەيدە دەمالىس ۇيىمداستىرۋعا ٴبىراز ۋاقىت قاجەت ەتەتىندىكتى كورسەتتى.

سونىمەن، جۇمىس توبى الاكول جاعاسىندا 147 دەمالىس بازاسى مەن ۇيلەر بار ەكەنىن انىقتاپ، ونىڭ 80 نىسانىندا قاجەت قۇجاتتاردىڭ جوقتىعى انىقتالدى. ارحيتەكتۋرا، قۇرىلىس جانە قالا قۇرىلىسى بويىنشا 44 ەسكەرتۋ بەرىلدى.

جالپى، جۇمىس توبى 160-تان استام نىساندى تەكسەردى، ونىڭ ىشىندە دۇكەندەر، كافەلەر مەن ساۋدا نۇكتەلەرى بار. اباتتاندىرۋ جۇمىستارى ٴتورت نىساندا عانا جۇرگىزىلگەن. ٴبىرقاتار نىسانداردا سانيتارلىق قاۋىپسىزدىك بويىنشا زاڭ بۇزۋشىلىق بار ەكەنى انىقتالدى.

وت قاۋىپسىزدىگى شارالارى بويىنشا جاعداي ٴتىپتى ٴماز ەمەس. الاكول جاعاسىنداعى نىسانداردىڭ باسىم بولىگى اعاشتان تۇرعىزىلعانى ەشكىمگە جاسىرىن ەمەس. سوندىقتان ولار وتقا وتە ٴقاۋىپتى. 140 نىساندا وت قاۋىپسىزدىگىن ساقتاۋ شارالارىن بۇزۋ فاكتىلەرى انىقتالدى. سونىمەن قاتار اۆتوكولىك ٴۇشىن كەيبىر كوشەلەردە ٴتىپتى جول دا جوق.

- بىردە-بىر نىسان دەمالۋشىلارعا تولىق جاعداي جاساي المايتىن بولسا، ٴوز قىزمەتىن جالعاستىرا المايدى. بارلىق ەسكەرتۋلەردى كەلەسى دەمالىس ماۋسىمىنا دەيىن جويۋ ماقساتىندا كاسىپكەرلەرمەن مەموراندۋم جاساسۋ قاجەت. بارلىق ەسكەرتۋلەردى جويعاندا عانا ٴوز قىزمەتىن كول جاعاسىندا جالعاستىرا الادى، - دەدى ايماق باسشىسى دانيال احمەتوۆ. مەموراندۋم ٴبىر ايدىڭ ىشىندە جاسالۋ قاجەت.

سونىمەن قاتار وبلىس اكىمى ٴبىر ايدىڭ ىشىندە الاكول جاعاسىن دامىتۋ جوسپارىن دايىنداۋدى تاپسىردى. وندا جول قۇرىلىسى، تۇرعىن ۇي-كوممۋنالدىق ينفراقۇرىلىم قۇرىلىسى زاڭعا سايكەس جانە قاۋىپسىزدىك شارالارىن ساقتاۋ نەگىزىندە جۇزەگە اسىرىلۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي