BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا ونەركاسىپتىك تۋريزم داميدى

فوتو: автор

پاۆلودار، baq.kz ٴتىلشىسى. ەلىمىزدىڭ يندۋستريالىق ايماعى – ەرتىس وڭىرىندە ونەركاسىپتىك تۋريزم دامىماق. بۇل تۋرالى جەرگىلىكتى كاسىپكەرلىك، ساۋدا جانە تۋريزم باسقارماسىنىڭ وكىلدەرى حابارلادى.

سالالىق ۆەدومستۆو وكىلدەرىنىڭ مالىمەتىنشە، جىل سايىن پاۆلودار وبلىسىنا 10 مىڭ شەتەلدىك تۋريست كەلەدى. ناقتىراق ايتقاندا، كورشىلەس رەسەيدەن كەلەتىن تىنىعۋشىلار وتە كوپ. بۇل ايماققا بەت بۇراتىن تۋريستەردىڭ - 7%-ى. الداعى ۋاقىتتا كورسەتكىشتى ارتتىرۋ باعىتىندا ٴتيىستى جۇمىستار قولعا الىنباق. تۋريستىك ينفراقۇرىلىمدى ارتتىرۋ جۇمىستارى اتقارىلعاننان كەيىن ەكى جىلدىڭ ىشىندە شەتەلدىك مەيمانداردىڭ قاتارىن 20 مىڭ ادامعا دەيىن جەتكىزۋ كوزدەلگەن.

فوتو: اۆتور

«رەسەيلىك ازاماتتاردى جەر ٴجانناتى اتانعان باياناۋىل ولكەسى، تۇزدى كولدەرىمىز بەن قاراعايلى ورماندارىمىز قىزىقتىرادى. بيىلعى جىلى باياناۋىل اۋدانىندا مىرزاشوقى تاۋ-شاڭعى بازاسى اشىلدى. قىسقى ٴتۋريزمدى دامىتۋداعى العاشقى قادامدار جاسالىپ جاتىر. ەندىگى ماقسات – ونەركاسىپتىك ٴتۋريزمدى دامىتۋ. بۇگىندە وزگە ەل ازاماتتارى يندۋستريالدى ٴوڭىرىمىزدىڭ ٴوندىرىس وشاقتارىن كورگىسى كەلەدى. ەكىباستۇز قالاسىندا جىلدىق قۋاتتىلىعى 50 ملن توننانى قۇرايتىن «بوگاتىر» كەنىشى بار. كومىر قازۋشى كاسىپورىندا 1985 جىلى 56،8 ملن توننا قاتتى وتىن الىندى. ٴدال وسى كورسەتكىش بويىنشا كەن ورنى گيننەستىڭ رەكوردتار كىتابىنا ەنگىزىلدى. الەمدەگى ەڭ ۇلكەن كەنىش. بۇگىندە كەنىشتىڭ تىرشىلىگىمەن تانىسۋعا بار مۇمكىندىكتەر بار. بۇل ٴىستى دامىتۋ – كەلەشەكتىڭ ەنشىسىندە»، - دەيدى وبلىستىق كاسىپكەرلىك، ساۋدا جانە تۋريزم باسقارماسىنىڭ ٴبولىم باسشىسى سالتانات نۇرماعامبەتوۆا.

فوتو: اۆتور

شارباقتى اۋدانىنداعى قاراعايلى ورمانداردا دەمالعانداردىڭ سانى دا ارتقان. بيىلعى جازدا شالداي ورمانشىلىعىنىڭ كەرەمەتتەرىن كورۋگە 4 مىڭعا جۋىق تۋريست كەلگەن.

ايتا كەتەيىك، بيىلعى تۋريستىك ماۋسىمدا باياناۋىل ايماعىنا 200 مىڭنان استام تىنىعۋشى كەلگەن. بىلتىردىڭ سوڭىندا باياناۋىل وڭىرىنە العاشقى ۇشاق قوندى. ال وسى جازدا شاعىن اەرودرومنىڭ قۇرىلىسى اياقتالدى. ولكەنىڭ تۋريستىك الەۋەتىن ارتتىرۋ ماقساتىندا «پاۆلودار-باياناۋىل» اۋە قاتىناسى اراعا 25 جىل سالىپ جانداندى. ەندى جولاۋشىلار 16 ورىندىق ۇشاقپەن بايان وڭىرىنە 40 مينۋتتىڭ ىشىندە جەتە الادى. العاشقى رەيستى ازىرگە تاجىريبەسى مول «جەزقازعان ەير» كومپانياسى جۇزەگە اسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي