BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتكەن جىلى ەلىمىزگە 3 ملن رەسەيلىك تۋريست كەلگەن

وتكەن جىلى قازاقستانعا 3 ميلليون رەسەيلىك تۋريست كەلگەن. بۇل تۋرالى بۇگىن استانادا ٴوتىپ جاتقان قازاقستان مەن رەسەي ىنتىماقتاستىعىنىڭ xiii ٴوڭىرالارىق فورۋمىندا قر ينۆەستيسيالار جانە دامۋ ۆيسە-مينيسترى تيمۋر توقتابايەۆ ايتتى، دەپ حابارلايدى baq.kz ٴتىلشىسى.

بۇگىن استاناداعى فورۋمدا قازاقستان مەن رەسەي اراسىنداعى ٴتۋريزمدى دامىتۋدىڭ جاڭا مۇمكىندىكتەرى تالقىلاندى. پانەلدىك سەسسيادا ٴسوز العان تيمۋر توقتابايەۆ رەسەيدەن قازاقستانعا كەلەتىن تۋريستەر سانى جىل سايىن كوبەيىپ كەلە جاتقاندىعىنا نازار اۋداردى.

«2015 جىلى ەلىمىز رەسەيلىك ازاماتتار ٴۇشىن تۋريزم بويىنشا تانىمالدىلىعى جاعىنان ٴتورتىنشى ورىن الدى. قازاقستاندا 3 ميلليون رەسەيلىك تۋريست بولىپ قايتتى. قوناقتاردىڭ ەڭ كوپ دەمالاتىن ايماعى بۋراباي شيپاجايى بولىپ وتىر. سونداي-اق پاۆلودار وبلىسىنداعى باياناۋىل ۇلتتىق ساياباعى، بالقاش جانە الاكول كولدەرى، شىمبۇلاق تاۋ-شاڭعى شيپاجايى سۇرانىسقا يە بولدى»،- دەيدى تيمۋر توقتابايەۆ.

ايتا كەتەيىك، بۇگىن استانادا «ەۋرازيالىق كەڭىستىكتىڭ كولىكتىك-لوگيستيكالىق الەۋەتىن دامىتۋ» تاقىرىبىندا ەكى ەل باسشىلارىنىڭ قاتىسۋىمەن قازاقستان مەن رەسەي ىنتىماقتاستىعىنىڭ ٴحىىى ٴوڭىرارالىق فورۋمى وتەدى.

فورۋمنىڭ ماقساتى – قازاقستان مەن رەسەيدىڭ ٴىرى كاسىپكەرلەرى جانە كاسىپورىندارى اراسىندا ىسكەرلىك بايلانىس ورناتۋ، جاڭا تەحنولوگيالاردى قولدانۋ ارقىلى كولىكتىك-لوگيستيكالىق كەشەندە جاڭا بايلانىستاردى قالىپتاستىرۋ، ەكونوميكالىق ٴوسىمدى، ەكونوميكانىڭ باسەكەگە قابىلەتتىلىگىن، حالىقتىڭ الەۋمەتتىك ٴال-اۋقاتىن قامتاماسىز ەتۋ بويىنشا بيزنەس پەن بيلىكتىڭ كونسترۋكتيۆتى ٴوزارا ٴىس-قيمىل ماسەلەلەرىن شەشۋ. سونداي-اق ٴحىىى فورۋم اياسىندا ٴتورت پانەلدى سەسسيا وتەدى. سونىمەن بىرگە، قازاقستان مەن رەسەيدىڭ بايلانىستار بيرجاسىن ۇيىمداستىرۋ جوسپارلانعان. فورۋم اياسىندا ەكى ەلدىڭ ەكسپورتتىق الەۋەتىن ٴارتاراپتاندىرۋعا، جاڭا كاسىپورىندار مەن جۇمىس ورىندارىن قۇرۋعا باعىتتالعان ەكونوميكالىق سيپاتتاعى 50-دەن استام قۇجاتقا قول قويىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي