BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورالبەك وتاندىق ٴتۋريزمنىڭ دامۋىنا مۇددەلى

قازاقستاننىڭ ىشكى ٴتۋريزمىن دامىتۋ كەرەك. ول ٴۇشىن ەڭ ٴبىرىنشى كەزەكتە ينفراقۇرىلىم مەن قىزمەت كورسەتۋ ساپاسىنا كوڭىل ٴبولىنۋى ٴتيىس، - دەيدى بەلگىلى كاسىپكەر ورالبەك بوتباي. مەسەنات ٴوزىنىڭ بۇل مالىمدەمەسىنە، بۇگىندە تۋريزم ارقىلى مەملەكەت قازىناسىنىڭ ٴبىر بولىگىن جاۋىپ وتىرعان مىسىر، تۇركيا سەكىلدى ەلدەردى مىسال رەتىندە كەلتىرىپ وتىر، دەپ حابارلايدى baq.kz. ٴتىلشىسى.

تاۋىق جىلىن وتباسىمەن بىرگە جىلى جاقتا قارسى العان كاسىپكەر ورالبەك بوتباي، ەگەر ٴبىزدىڭ ەلدە دە تۋريزم، قىزمەت كورسەتۋ ساپاسى ٴدال وسىلاي دامىعان بولسا، مەن اقشامدى ٴوز ەلىمنىڭ ەكونوميكاسىنا قۇيعان بولار ەدىم. وكىنىشكە قاراي، بىزدە ٴالى اتقارىلۋى ٴتيىس ٴبىرقاتار شارۋالار بار دەيدى، ول. ٴقازىر مەسەنات مىسىر ەلىندە دەمالىستا ٴجۇر.

«ٴتۇرلى ساياسي تۇراقسىزدىقتى باسىنان وتكەرگەن مىسىر ەلىندە تۋريزم تۇراقتى دامىپ جاتىر. قىزمەت كورسەتۋ ساپاسى وتە جوعارى دەڭگەيدە. شەتەلدەردەن كەلگەن تۋريستەرگە بارلىق جاعداي جاسالعان. ٴبىزدىڭ ەلدە دە مىسىردان كەم ەمەس جەرلەر وتە كوپ. مىسالى، وڭتۇستىك ٴوڭىردىڭ الەۋەتى وتە جوعارى. ەلباسىنىڭ ٴوزى ىشكى ٴتۋريزمدى باستى نازاردا ۇستاپ وتىر. سوندىقتان، بىزگە دە ەل ىشىندەگى كۋرورتتىق ايماقتاردى دامىتساق وتە جاقسى بولار ەدى»، - دەيدى ورالبەك قوجامجار ۇلى.

«قۇرمەت» وردەنىنىڭ يەگەرى، بەلگىلى مەسەنات ٴتۋريزمدى تامىتۋدىڭ جولدارىن بۇعان دەيىن دە ايتقان بولاتىن. و.بوتباي ۆەتنام، تۇركيا، ٴباا سەكىلدى ٴتۋريزمى دامىعان، ينفراقۇرىلىمى مەن قىزمەت كورسەتۋ ساپاسى جوعارى ەلدەردەن ينۆەستيسيا تارتىپ، ٴبىرقاتار شارالار اتقارعان بولاتىن. ٴالى دە وسى باعىتتا جۇمىس ىستەيتىنىن ايتا كەلىپ، بۇل ەڭ ٴبىرىنشى كەزەكتە مەملەكەتكە ٴتيىمدى ەكەنىنە توقتالدى.

«ول ٴۇشىن كەلىسسوزدەر جۇرگىزۋ كەرەك. ينۆەستيسيالار تارتۋ كەرەك، تۋريزمگە مەملەكەتتىك قولداۋ كەرەك، سوندا كەلگەن ينۆەستيسيانىڭ ۋاقىتىلى قايتۋىنا كەپىلدىك بولادى. ەڭ باستىسى، تۋريستەردىڭ ەلگە كەلگەنىنەن مەملەكەت ۇتادى. بۇل ٴبىرىنشى كەزەكتە - الەم الدىندا ٴبىزدىڭ ەلدىڭ جاعىمدى ٴيميدجىن قالىپتاستىرادى، ەكىنشىدەن – ەكونوميكالىق پايداسى ارتادى. قازىناعا قوسىمشا قارجى تۇسەدى»، - دەيدى كاسىپكەر.

ال بيىلعى ٴوزىنىڭ مىسىرداعى دەمالىسىنا قاتىستى ايتا كەلە، جالپى ٴوزىن سىيلايتىن ازامات، قارجىلىق مۇمكىندىگى بولسا، ەل ارالاپ، جەر كورىپ قايتقانى ٴجون. بۇل ٴار ازاماتتىڭ ٴبىلىم كوكجيەگىن كەڭەيتىپ، كوزىن اشادى دەيدى ول. وسى جولى جومارت مەسەنات، بەلگىلى كاسىپكەر ورالبەك بوتبايدى جاڭا قىرىنان، ياعني ۇلگىلى اكە، قامقور وتاعاسى رەتىندە دە تانىدىق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي