BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا وتەتىن تۋريزم فورۋمىنا 10 مەملەكەتتىڭ وكىلدەرى قاتىسپاق

وڭتۇستىك قازاقستان وبلاسىندا وتەتىن تۋريزم فورۋمىنا 10 مەملەكەتتىڭ وكىلدەرى قاتىسپاق. بۇل تۋرالى بۇگىن وقو ايماقتىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا «شىمكەنت» اكك» ۇق» اق باسقارما ٴتوراعاسىنىڭ ورىنباسارى مالىك جۇيرىكتايەۆ ايتتى، دەپ حابارلايدى وقو اكىمدىگىنىڭ ٴباسپاسوز قىزمەتى.

ونىڭ ايتۋىنشا، وسىناۋ شاراعا 250 شەتەلدىك جانە قازاقستاندىق قوناقتار كەلمەك. اتاپ ايتقاندا، فورۋمعا قر ينۆەستيسيالار جانە دامۋ مينيسترلىگىنىڭ، قر ۇلتتىق ەكونوميكا مينيسترلىگىنىڭ، وبلىستار، استانا جانە الماتى قالالارى اكىمدىكتەرىنىڭ، قازاقستاننىڭ شەت ەلدەگى ەلشىلىكتەرى مەن شەت ەلدىڭ قازاقستانداعى ەلشىلىكتەرىنىڭ، قر ۇلتتىق كومپانيالارىنىڭ، تۇركىتىلدەس مەملەكەتتەر ىنتىماقتاستىعى كەڭەسى، شەت ەلدەردەگى تۋريزم مينيستر وكىلدەرى قاتىسۋى جوسپارلانۋدا.

حالىقارالىق شارانىڭ ۇيىمداستىرىلۋ بارىسى تۋرالى جيىنعا «وقو تۋريزم يندۋسترياسىنىڭ دامىتۋ» ورتالىعى قاۋىمداستىعىنىڭ جەتەكشىسى گۇلميرا اقبەرديەۆا جانە "ontustik tourism center" تۋريستىك-اقپاراتتىق ورتالىعى ديرەكتورىنىڭ ورىنباسارى ولجاس شىنتايەۆ قاتىستى.

جۋرناليستەرمەن بولعان باسقوسۋدا سپيكەرلەر اتالعان فورۋم اياسىندا «وڭتۇستىك قازاقستان وبلىسى - جىبەك جولىنىڭ جۇرەگى» تاقىرىبىنداعى بيزنەس-كونفەرەنسيا مەن «silk way tourism fair» تۋريستىك كورمەسى، سونىمەن قاتار، وبلىس بويىنشا اقپاراتتىق تۋرلار ۇيىمداستىرىلاتىنىن جەتكىزدى.

«تۋريزم سالاسىنداعى ٴوڭىرارالىق جانە حالىقارالىق سەرىكتەستىكتەردى قارقىنداتىپ، تۋريزم مەن قوناقجايلىق قىزمەت سالاسىندا ىسكەرلىك قاتىناستار ورناتۋ جانە دامىتۋ ماقساتىندا ۇيىمداستىرىلىپ جاتقان فورۋمدا قاتىسۋشىلار ٴۇشىن الەۋەتتى بيزنەس-سەرىكتەستەرمەن b2b كەزدەسۋلەر وتكىزىلىپ، مەموراندۋمدار تۇزىلەدى دەپ كۇتىلۋدە. سونىمەن بىرگە، «ontustiktourism-2016» تۋريزم شاراسىندا تۋريستىك جانە ٴقوناقۇي بيزنەسى سالاسىنداعى وتاندىق جانە حالىقارالىق ساراپشىلاردان قاجەتتى كەڭەستەر الۋعا مۇمكىندىك تۋادى»، - دەدى و.شىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي