BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا 5 شاتقالدا ساياباق سالىنادى

وڭتۇستىك قازاقستان وبلىسىندا «شاتقال» باعدارلاماسى قابىلداندى. ەلىمىزدە العاش رەت قولعا الىنعان باعدارلاما اياسىندا بيىل شىمكەنت ايماعىنداعى 100 گەكتارعا جۋىق ساي-سالالاردا 5 ساياباق كەشەنى سالىنادى. بۇل تۋرالى وبلىس اكىمىنىڭ ورىنباسارى جاقىپ بوكەنبايەۆ، تابيعي رەسۋرستار جانە تابيعاتتى قورعاۋ باسقارماسىنىڭ باسشىسى مۇحيت وتارشيەۆ پەن شىمكەنت قالاسى اكىمىنىڭ ورىنباسارى بەيسەنبەك جانبوسىنوۆ ايماقتىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا باياندادى.

– وبلىس اكىمى جانسەيىت تۇيمەبايەۆتىڭ تاپسىرماسىمەن ارنايى باعدارلاما قابىلدانىپ، وڭىردەگى تابيعي شاتقالداردا دەمالىس ورىندارىن قالىپتاستىرۋ جۇمىستارى باستالدى. ساياباق سالۋعا بوس جەرى جوق شىمكەنتتە مۇنداي ساي-سالالار مەن جاسىل بەلدەۋدىڭ جالپى كولەمى 16،8 مىڭ گەكتاردى قۇرايدى. قاراۋسىز قالعان شاتقالداردى كوگالداندىرىپ، ينفراقۇرىلىم جۇمىستارىن جۇرگىزىپ، سۋبۇرقاقتار، اياقجولدار، اشىق تەاترلاندىرىلعان ساحنالار، تاعى باسقا دا حالىققا قىزمەت كورسەتۋ ورىندارىن سالىپ، دەمالىس كەشەندەرىنە اينالدىرامىز. وسىنداي جوبالار جاساپ، جۇزەگە اسىرۋ وبلىستاعى باسقا اۋدان-قالا باسشىلارىنا مىندەتتەلدى، – دەدى وبلىس اكىمىنىڭ ورىنباسارى ج.بوكەنبايەۆ.

م.وتارشيەۆتىڭ ايتۋىنشا، قالانىڭ جاسىل بەلدەۋىن قالىپتاستىرۋ ماقساتىندا 5 مىڭنان استام گەكتاردا 4 ميلليون 200 مىڭ ٴتۇپ كوشەت ەگىلگەن. ونىڭ 52 مىڭى سوڭعى ٴۇش ايدا وتىرعىزىلعان. وعان شاتقالداردى قوسقاندا ناۋرىز ايىنا دەيىن تاعى 100 ٴتۇپتى ەگۋ جوسپاردا بار.

باسقارما باسشىسى وڭىردە ەڭ ۇلكەن «جاسىل جەلەك» تۇقىمباعىندا تالدىڭ 40-تان استام ٴتۇرى بار. بۇگىندە وندا 3،5 ميلليونعا جۋىق كوشەت وسىرىلۋدە. بۇدان باسقا ورمان شارۋاشىلىعىنىڭ تۇقىمباقتارىنان دا كوشەت الۋعا بولاتىنىن اتاپ ٴوتتى.

«شاتقال» باعدارلاماسى ٴبىرىنشى كەزەڭىندە سالىناتىن 5 شاتقالدى العاشقىسىنا 2017 جىلدىڭ 14 قاڭتارىندا 1718 ٴتۇپ كوشەت ەگىلىپ، «شىمسايا» دەگەن اتاۋ بەرىلدى. 25 گەكتارعا قاراعاي، ارشا، ەمەن، شاعان، تالشىن سەكىلدى بويشاڭ اعاشتار وتىرىعىزىلدى. سەنبىلىككە ستۋدەنتتەر، مەملەكەتتىك مەكەمە قىزمەتكەرلەرى مەن ورمان شارۋاشىلىعى قىزمەتكەرلەرى، جالپى سانى 600-دەن استام ادام مەن 20-دان استام تەحنيكا جۇمىلدىرىلدى.

«شىمكەنتتەگى 8 ساياباق، 30 سكۆەر، 1 دەندروساياباقتىڭ جالپى اۋماعى جاسىل جەلەكپەن قوسقاندا 300 گەكتاردى قۇرايدى. مۇنى ميلليون تۇرعىنعا شاقساڭىز، ادام باسىنا بار بولعانى 3-اق شارشى مەتردەن كەلەدى. بۇل ٴبىر ادامعا ٴبىر تالدان كەلەدى دەگەن ٴسوز. ال سانيتارلىق تالاپتار بويىنشا قالادا ٴاربىر ادامعا 16 شارشى مەتر جاسىل جەلەك بولۋ كەرەك. سوندىقتان وبلىس اكىمىنىڭ باستاماسىمەن قولعا الىنعان باعدارلاما وتە دۇرىس. ٴبىراق قالا اۋماعىنداعى ساي-سالالاردى كوگالداندىرۋ مەمەلەكەتتىك قىزمەتكەرلەردىڭ عانا مىندەتى بولىپ سانالمايدى. وعان بارشامىز اتسالىسۋىمىز كەرەك» – دەدى قالا اكىمىنىڭ ورىنباسارى.

شاتقالدارداعى ساياباقتاردا مادەني كەشتەر ۇيىمداستىرىلاتىن امفيتەاترلاردان بولەك بالالار الاڭشاسى، شاحمات پەن دويبى الاڭى، ۆەلوجولدار، سپورتتىق جاتتىعۋ الاڭدارى سالىنىپ ەل يگىلىگىنە بەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي