BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

national geographic ەلوردانىڭ ىرگەسىندەگى بوزوق قالاشىعى تۋرالى ۆيدەو جاريالادى

فوتو: kazakhstan.travel

national geographic رەسەي جۋرنالى بوزوق قالاشىعى تۇسىرىلگەن ۆيدەو جاريالادى. بۇل ۆيدەونى وسىدان ٴبىر جىل بۇرىن بەلگىلى بلوگەر ۆيتاليي پەروۆ تۇسىرگەن بولاتىن، دەپ حابارلايدى baq.kz.

بوزوق قالاسى ەسىل وزەنىنىڭ سول جاعالاۋىنداعى بوزوقتى كولىنىڭ شىعىس جاعىندا، ەسىل وزەنىنەن وتەتىن ٴداستۇرلى وتكەل - قاراوتكەلدەن وڭتۇستىك-شىعىس باعىتقا قاراي 5 شاقىرىم قاشىقتىقتا ورنالاسقان. قازىرگى كەزدە بۇل ارحەولوگيالىق نىساننىڭ اۋماعى استانا قالاسىنىڭ شەڭبەرىندە قالعان. بۇل ارحەولوگيالىق ەسكەرتكىش ٴۇش بولىكتەن – ورتالىق جانە شەت جاعىنداعى ەكى بولىكتەن تۇرادى. ولاردىڭ ٴارقايسىسى ورلارمەن، بوگەتتەرمەن قورشالعان. وسى ورتالىقتان 70 مەتر سولتۇستىككە قاراي جەر ٴۇي كەيپىندەگى تۇراقتار، قۇدىقتار جانە وزەننەن تارتىلعان ەگىن سۋاراتىن ارىقتار ورنالاسقان. ورتالىقتان 40 مەتر وڭتۇستىككە قاراي قىش كىرپىشتەن قۇيىلعان مازارلار مەن كەسەنەلەردىڭ قالدىقتارى ساقتالعان. ارحەولوگيالىق ەسكەرتكىشتىڭ ٴتورتىنشى قۇرىلىمى قالانى شىعىستان سولتۇستىككە قاراي قورشاعان قورعاندار مەن ورلاردان تۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي