BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار قۇل-مۇحاممەد تۋريستىك ورىندار تۋرالى جارنامانى ٴجيى كورسەتۋدى ۇسىندى 

استانا، baq.kz ٴتىلشىسى. بۇگىن قر پارلامەنتى سەناتىندا «قر كەيبىر زاڭنامالىق اكتىلەرىنە جارناما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. وسى ورايدا سەناتور مۇحتار قۇل-مۇحاممەد تەلەارنااردا قازاقستان اۋماعىندا تىيىم سالىنعان شەتەلدىك جارنامالارعا بەرىلگەن ۋاقىتتى ەلىمىزدىڭ تۋريستىك ورىندارى تۋرالى جارنامالارمەن تولتىرۋدى ۇسىندى.

«قازاقستاننىڭ كابەلدى تەلەارنالار جارناماسىندا، اسىرەسە رەسەي، ەۋروپا تەلەارنالارىنىڭ قازاقستاندا كورسەتىلەتىن جارنامالارى ٴبىزدىڭ اۋماقتان الىنىپ تاستالادى. بۇل دۇرىس. ويتكەنى جارناماعا سول جاقتا تولەيدى. بىزدە ول باسقا كونتەنتپەن تولىقتىرىلۋى كەرەك. ول دۇرىس نارسە. ٴبىراق «ەۋرونيۋس» بولسىن، رەسەي ارنالارى بولسىن سول ەكى ارالىقتا تولتىراتىن جارنامالارىمىز ساپاسى جاعىنان سىن كوتەرمەيدى نەمەسە ەكى مينۋتتىق ارالىقتا ٴبىر جارناما 3-4 رەت كورسەتىلەدى»، - دەدى سەناتور.

مۇحتار قۇل-مۇحاممەد سول ۋاقىت ارالىعىندا قازاقستاننىڭ تۋريستىك ورىندارى تۋرالى جارنامالاردى كورسەتۋدى ۇسىندى.

«عاجاپ جەرلەرىمىز جونىندە جارنامالاردى سول ارالىققا سالاتىن بولساق ٴبىز ٴبىر جاعىنان تۋريستىك ورىندارىمىزدى ناسيحاتتايمىز. ەكىنشىدەن، كورەرمەندەردىڭ ۋاقىتىن سىيلايمىز. ۇشىنشىدەن، قازاقستان جايلى جاعىمدى اقپارات تاراتامىز. كابەلدى تەلەارنالارعا جارناما ورنالاستىرۋدى كىم قاداعالايدى؟» - دەپ سۇرادى سەنات دەپۋتاتى ۇلتتىق ەكونوميكا ٴبىرىنشى ۆيسە-مينيسترىنەن.

رۋسلان دالەنوۆتىڭ ايتۋىنشا، زاڭ جوباسىنى تەلەراديو حابار تاراتاتىن وپەراتورلار شەتەلدىك تەلەراديو باعدارلامالارىن رەترانسلياسيالاعان كەزدە پرايم-تايمدا شەتەلدىك جارنامانى جىبەرمەۋ ماسەلەسى قاراستىرىلعان.

«دەگەنمەن الەۋمەتتىك جارناما، بولماسا تىكەلەي ەفيردەگى جارناما بولسا ەرەكشەلىك ساقتالادى. كابەلدى ارنالارعا بۇل تىيىم سالىنعان. شەتەلدىك جارنامانىڭ ورنىن وتاندىق ونىممەن تولتىرۋ تۋرالى ايتار بولساق، بۇل مادەنيەت جانە سپورت مينيسترلىگىنىڭ قۇزىرەتىندە. وسى ماسەلەنى اقپارات جانە كوممۋنيكاسيالار مينيسترلىگى قاداعالايدى. مادەنيەت جانە سپورت مينيسترلىگىمەن بىرگە وسى ماسەلەنى تالقىلاپ جاتىرمىز. ولار ٴتۋريزمدى دامىتۋ جاڭا مەملەكەتتىك باعدارلاماسىن ازىرلەپ جاتىر. سونىڭ ىشىندە قالاي جانە قانداي كولەمدە قارجىلاندىرىلادى، تۋريستىك ورىندار تۋرالى جارنامانى قازاقستاندىق جانە وتاندىق ارنالاردان كورسەتۋ تۋرالى جازىلعان»، - دەدى ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي