BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قۇسبەگىلەر سايىسىندا سلوۆاكيالىق بۇركىتشىلەر جارتىلاي فينالعا شىقتى

الماتى، baq.kz. ٴىى اشىق ازيا چەمپيوناتىنىڭ ەكىنشى كۇنگى جارىسى قورىتىلاندى. جەتپىستەن استام بۇركىتشى اراسىنان ون قۇسبەگى جارتىلاي فينالعا جولداما الدى.

بۇگىن سەگىز قازاقستاندىق، قوس شەتەلدىك سپورتشىلار بۇركىتتى قويانعا جانە تۇلكىگە سالۋ باسەكەلەرى بويىنشا سىنعا تۇسەدى. ودان سوڭ سۇڭقار تەكتەس اۋشى قۇستاردىڭ ونەرى تاماشالانادى.

جارتىلاي فينالعا بۇركىتتى قولعا شاقىرۋ مەن شىرعاعا ٴتۇسىرۋ جارىستارىندا قىرىقتان جوعارى ۇپاي جيناعان قۇسبەگىلەر ٴوتتى. ەلىمىزدىڭ ۇزدىك بۇركىتشىلەرىمەن ازىرگە سلوۆاكيانىڭ قۇسبەگىسى كانات ياروسلاۆ پەن قىرعىزستاندىق قۇسبەگى يسمايلوۆ امان ۇزەڭگىلەس كەلەدى.

ال، قاتارى ەڭ قالىڭ بولعان ٴبىزدىڭ قۇسبەگىلەر ىشىنەن جارتىلاي فينالعا 8 ۇزدىك بۇركىتشى سۋىرىلىپ شىقتى. اتاپ ايتقاندا، ابەن دۋلات (الماتى وبل)، ارشاباي داۋرەن (تۇركىستان وبل)، قۇرمانعاليەۆ اقبەرەن (الماتى ق)، تاستانبەك بايراق (الماتى وبل)، قوشقاروۆ ارمان (اتىراۋ وبل)، سەيتجان ايان (الماتى وبل)، نۇمان ومىربەك (شقو)، بايەتباي ٴومىرحان (الماتى وبل) جارتىلاي فينالعا جولداما الدى.

بۇگىن وسى بۇركىتشىلەردىڭ قۇستارىن قويانعا، تۇلكىگە تۇسىرگەنى، ال، قارشىعا، يتەلگى باپتاعان قۇسبەگىلەردىڭ اۋشى قۇستارىنا قويان، كەپتەر ۇستاتقانى تاماشالانادى. ساعات 12.20-دا ٴىى اشىق ازيا چەمپيوناتىنىڭ سالتاناتتى اشىلۋى وتەدى. سالتاناتتى اشىلۋدان سوڭ چەمپيونات باسەكەسى جالعاسىپ، سوڭىنان جەڭىمپازداردى ماراپاتتاۋ ٴراسىمى بولادى.

ەستەرىڭىزدە بولسا، بۇعان دەيىن الماتىدا قۇسبەگىلەردىڭ ٴىى اشىق ازيا چەمپيوناتى باستالعانى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي