BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق تۋريستەر قار مەن جاڭبىردىڭ قۇرساۋىندا قالدى

شەتەلگە بارعان تۋريستەر تاعى تاۋقىمەت تارتۋدا! بۇل جولى جۇزدەگەن قازاقستاندىق ەلگە ورالا الماي، ستامبۇلداعى اتاتۇرىك اۋەجايىندا وتىر. اۋە رەيستەرىنىڭ كەيىنگە شەگەرىلۋىنە قولايسىز اۋا-رايى سەبەپ. ال تولاسسىز جاۋعان قار مەن قاتتى جەلدىڭ ٴالى توقتايتىن ٴتۇرى جوق. نوسەر جاۋىن تايلاندقا بارعان وتانداستارىمىزدىڭ دا دەمالىسىنىڭ شىرقىن بۇزدى. 10-عا تارتا قازاقستان ازاماتى جۇرگەن سامۋي ارالى سۋ استىندا قالعان. سوندىقتان مۇنداعى اۋەجاي دا جۇمىسىن توقتاتۋعا ٴماجبۇر بولدى.

اتاتۇرىك اۋەجايىنداعى رەيستەردىڭ كىدىرىپ جاتقانىنا بۇگىن ٴۇشىنشى كۇن. بۇعان سەبەپ - قار مەن دۇلەي جەل. ال ۇشاق كۇتكەندەردىڭ اراسىندا وتانداستارىمىز كوپ.

"كومەك بىردەن كەلگەن جوق. ٴبىرىنشى كۇنى اۋەجايدا تۇنەۋگە ٴماجبۇر بولدىق. كەلەسى كۇنى عانا قوناق ۇيگە جايعاستىق. قاسىمدا قازاقستان ازاماتتارى كوپ. ۇشاعىمىزدى تىم ۇزاق كۇتۋدەمىز. الماتىعا قاشان ۇشاتىنىمىزدى دا ەشكىم ايتار ەمەس" - دەيدى جەرلەسىمىز الەكساندر گابچەنكو.

كەش تە بولسا وتانداستارىمىز قوناقۇيلەرگە جايعاسقان. ونىڭ شىعىنىن اۋە كومپانيالارى كوتەرمەك. ال، ستامبۇلدا قالعانداردىڭ ٴبىر بولىگى كەشە ەلگە ارەڭ دەگەندە جەتكىزىلگەن ەكەن. ول ۇشاققا سىيماي قالعاندارى قاردان تازارتىلىپ جاتقان اتاتۇرىك اۋەجايىنان بۇگىن ۇشادى دەپ كۇتىلۋدە.

«atlas global» اۋە كومپانياسى شىمكەنتكە ۇشۋ كەرەك، 70 ادام ۇشۋ كەرەك ەدى. سوسىن دەگەن، باسقا «turkish airlines» 200-دەن استام ادام بار، قازاقستاندىق ازاماتتار. اقپارات بويىنشا، بۇگىن كەشكە ولار ۇشۋ كەرەك" - دەيدى قر ينۆەستيسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يعاليەۆ.

تايلاندقا اتتانعان وتانداستارىمىز دا اۋا-رايىنىڭ كەسىرىنەن كەشىگۋگە ٴماجبۇر. سامۋي ارالىنا دەمالۋعا 10-عا تارتا وتانداسىمىز بارعان ەكەن. مۇندا دا تولاسسىز جاڭبىر جاۋىپ، ارال تۇتاستاي سۋ استىندا قالعان. تابيعات اپاتىنان 20-عا تارتا ادام كوز جۇمىپ، 700 مىڭى زارداپ شەگىپتى.

مۇنداعى اۋەجاي دا جۇمىسىن توقتاتقان. ال، قازاقستاندىقتار ٴقازىر تۋروپەراتورلارمەن تىعىز بايلانىستا. سامۋيدا ٴقاۋىپتى جاعدايدا قالعان وتانداستارىمىزدىڭ ٴبىرى قانات اۋباكىروۆ. ول تايلاندقا وتباسىمەن بىرگە قىدىرۋعا بارعان ەكەن. تەك، دەمالىسىنىڭ شىرقىن نوسەر جاۋىن بۇزعان.

"جاعاجايدا دەمالعىمىز كەلگەن. مۇندا سۋعا ٴتۇسىپ، كۇنگە قىزدىرىنامىز دەپ كەلگەنىمىز راس. ەندى، ونىڭ ورنىنا ارالدىڭ باسقا بايلىقتارىن تاماشالايتىن شىعارمىز. مىنا جاڭبىر ىڭعايسىزدىق تۋعىزىپ وتىر. كونبەسكە امال جوق" - دەيدى دەمالۋشى جەرلەسىمىز قانات اۋباكىروۆ.

ال شەنەۋنىكتەر تايلاندتاعى وتانداستارىمىزدى اسا ساق بولۋعا شاقىرۋدا. سەبەبى، سامۋي ارالىنداعى نوسەر جاڭبىر ٴالى بىرنەشە كۇنگە سوزىلۋى مۇمكىن. سينوپتيكتەر تۇركياداعى قالىڭ قار دا ٴازىر توقتامايدى دەپ وتىر. دەگەنمەن، مينيسترلىك وكىلدەرى ستامبۇلدا تەنتىرەپ قالعان وتانداستارىمىز بۇگىننەن قالماي ەلگە ورالادى دەپ سەندىردى.

دەرەك كوزى: كتك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي