BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا ٴتۋريزمدى دامىتۋ باعدارلاماسى پايدا بولۋى مۇمكىن

ەلىمىزدە ٴتۋريزمدى دامىتۋ باعدارلاماسى دايىندالاتىن بولادى. بۇل تۋرالى قازاقستان-قىتاي تۋريستىك فورۋمىندا «اتامەكەن» ۇكپ-سىنىڭ باسقارما ٴتوراعاسى ابىلاي مىرزاحمەتوۆ مالىمدەدى.

«وسى جىلدىڭ تامىز ايىندا بۇرىڭعى پرەمەر-مينيستر كارىم ٴماسىموۆتىڭ الدىندا وسى سالاعا قاتىستى سۇراقتاردى كوتەرگەن بولاتىنبىز. كەشە جاڭا ۇكىمەت باسشىسى باقىتجان ساعىنتايەۆا وسى مالەگەن قاتىسى ۆەدومستۆو ارالىق ۇكىمەتتىك جۇمىس توبىن قۇرۋعا تاپسىرما بەردى. جۇمىس توبىن اسقار مامين (پرەمەر-مينيستردىڭ ٴبىرىنشى ورىنباسارى – رەد. )باسقاراتىن بولادى. كەلەسى اپتادا ٴبىز تۋريزم سالاسىن دامىتۋ باعدارلاماسىن تالقىلايتىن شىعارمىز. بۇل ماسەلەدى بارلىق جاعىن قاراستىرۋ كەرەك. مىسالى، ۆيزا، كەدەن، ميگراسيالىق قىزمەت جانە اۆتوموبيل جولدارى، قانداي جەڭىلدىكتەر بولۋى قاجەت دەگەن سۇراقتارعا جاۋاپ تابىلۋى شارت. تۋريزم مەملەكەت تاراپىنان بارلىق قولداۋعا يە بولۋى كەرەك»، - دەدى ٴتوراعا.

سونىمەن قاتار، «اتامەكەن» ۇلتتىق كاسىپكەرلەر پالاتاسىنىڭ باسشىسى وڭىرلەردە شاعىن جانە ورتا بيزنەستى دامىتۋدا ٴتۋريزمنىڭ دە قوسار ۇلەسى زور ەكەندىگىن ايتتى.

«جىل باسىندا وڭىرلىك پالاتارعا جەرگىلىكتى اكىمدىكتەرمەن بىرىگىپ، ٴتۋريزمدى دامىتۋ جول كارتاسىن جاساۋ تاپسىرىلعان بولاتىن. مۇنداي جۇمىس الماتىدا اتقارىلدى. بۇل جوباعا مەملەكەتتىك ورگاندارمەن قاتار تۋربيزنەس وكىلدەرىن: قوناق ٴۇي يەلەرى مەن مەنەدجەرلەرى، ساناتورييلەر، قىزمەت كورسەتۋ سالاسىنداعى ترانسپورتتىق كومپانيالاردى تارتۋعا بولادى»، - دەدى ول.

سونىمەن قاتار ابىلاي مىرزاحمەتوۆ نارىقتاعى ٴىرى مۇناي كومپانيالارىنىڭ دا تۋريزمگە قىزىعۋشىلىق تانىتىپ وتىرعاندىعىن ايتتى. ونىڭ پىكىرىنشە، اتالمىش كومپانيالار بۇل سالانىڭ تابىستى ەكەندىگىنە كوز جەتكىزگەن.

«ولار تۋريزم سالاسىنا ارنالعان ينۆەستيسيالىق باعدارلاما بولعاندىعىن تالاپ ەتۋدە. ٴبىز جىلدىڭ اياعىنا دەيىن سىزدەرمەن وسى باعدارلامانى دايىنداۋدى جوسپارلاپ وتىرمىز. تۋريزم – مۋلتيپليكاتيۆتى جاعىنان ۇلكەن اسەر بەرەتىن سالالاردىڭ ٴبىرى. ٴبىزدىڭ ويىمىزشا، وسى سالا قازاقستان ەكونوميكاسىنىڭ دامۋىنا مۇمكىندىك بەرەدى. سونداي-اق، شاعىن جانە ورتا بيزنەستى دامىتۋعا جول اشادى»، - تۇيىندەدى ويىن ا. مىرزاحمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي