BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان "راتا-2016" تۋريستىك كورمەسىنە قاتىستى

فوتو: tonkosti.ru

7 – 9 قىركۇيەك ارالىعىندا يندونەزيا رەسپۋبليكاسىنىڭ دجاكارتا قالاسىندا وتكەن «راتا-2016» حالىقارالىق تۋريستىك كورمەسىنە قازاقستان دەلەگاسياسى دا قاتىستى. رەسمي دەلەگاسيانىڭ قۇرامىندا قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ، جامبىل وبلىستىق اكىمدىگىنىڭ، «online travel market» تۋريستىك كومپانياسىنىڭ، قازاقستان تۋريستىك كومپانيالارى قاۋىمداستىعىنىڭ وكىلدەرى جانە پرەزيدەنتتىك وركەستردىڭ ارتىستەرى بار، دەپ حابارلايدى baq.kz ٴتىلشىسى.

«indonesia convention exhibition» (ice) كورمە كەشەنىندەگى 50 مىڭ شارشى مەتر الاڭدا ورنالاسقان كورمە جۇمىسىنا 60 تۋريستىك دەستيناسيانىڭ 1000-نان استام وكىلى قاتىستى.

ماكاو دەلەگاسيانىڭ رەسمي قابىلداۋىن، كورمەنىڭ اشىلۋى مەن جابىلۋى سالتاناتىن ۇيىمداستىرىپ «راتا 2016» سەرىكتەس-ەلى بولدى.

قازاقستاننىڭ ستەندىن يندونەزيا تۋريزم ٴمينيسترى – اريف ياحيا، pata ازيا-تىنىق مۇحيت تۋريستىك قاۋىمداستىعىنىڭ باس ورىنداۋشى ديرەكتورى – ماريو حاردي، pata ازيا-تىنىق مۇحيت تۋريستىك قاۋىمداستىعىنىڭ ٴتوراعاسى – ەندريۋ دجونس تاماشالادى. كەزدەسۋ بارىسىندا تۋريزم سالاسىنداعى ودان ارعى ىنتىماقتاستىق جونىندە جانە ەكسپو-2017 كورمەسىن وتكىزۋ ماسەلەلەرى تالقىلاندى.

حالىقارالىق تۋريستىك كورمە شەڭبەرىندە قازاقستاندىق دەلەگاسيا قىتاي، يندونەزيا، ٴۇندىستان، وڭتۇستىك جانە سولتۇستىك كورەيا، فرانسيا، المانيا تاراپتارىنىڭ وكىلدەرىمەن تۋريزم سالاسىنداعى ىنتىماقتاستىق جونىندەگى ماسەلەلەر بويىنشا كەزدەسۋلەر وتكىزدى.

سونىمەن قاتار، حالىقارالىق تۋريستىك كورمە شەڭبەرىندە اتاك قازاقستان تۋريستىك كومپانيالارىنىڭ قاۋىمداستىعى جانە asita يندونەزيا تۋريستسىك اگەنتتىكتەرىنىڭ قاۋىمداستىعى اراسىندا «تۋريزم سالاسىنداعى ەكىجاقتى قارىمقاتىناس جونىندەگى كەلىسىمگە» قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي