BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ٴوزىنىڭ تۋريستىك الەۋەتىن تانىستىردى

بيىل قاراشانىڭ 11 مەن 13 ارالىعىندا شانحايدا قىتايدىڭ china international travel market (citm 2016) ٴىرى تۋريستىك كورمەسى ٴوتتى. جالپى اۋدانى 65 كۆ.م. بولاتىن «shanghai new international expo centre» كورمە كەشەنىندە 400-دەن اسا حالىقارالىق قاتىسۋشى، 600 دەلەگاسيا جانە 100-دەن استام كەلۋشى بولدى، دەپ حابارلايدى baq.kz.

كورمەدە قازاقستاننىڭ ايماقتارى مەن ٴىرى تۋروپەراتورلىق كومپانيالاردىڭ وكىلدەرى بىرىككەن ۇلتتىق ستەند اياسىندا ۇسىنىلدى.

قازاقستان رەسپۋبليكاسى ينۆەستيسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ تاپسىرىسى بويىنشا قازاقستان رەسپۋبليكاسىنىڭ «اتامەكەن» ۇلتتىق كاسىپكەرلەر پالاتاسى مەن قازاقستاننىڭ سىرتقى ساۋدا پالاتاسى قازاقستاندىق دەلەگاسيانىڭ اتالمىش كورمەگە قاتىسۋىن ۇيىمداستىردى.

citm كورمەسىنە قاتىسقان قازاقستاندىق تۋريستىك كومپانيالار مەن ايماقتار ٴۇشىن قىتاي نارىعىنا شىعۋدىڭ ٴبىرقاتار مۇمكىندىكتەرى بەرىلدى. جالپى كورمە قالىپتاسۋشى تۋرتوپتار مەن ۇسىنىلعان جاڭا باعىتتاردى اشاتىن قىتايدىڭ جىبەرگەن تۋروپەراتورلارىن تارتادى.

citm كورمەسى اياسىندا قر ينۆەستيسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يگاليەۆ قحر-نىڭ تۋريزم ىستەرى جونىندەگى مەملەكەتتىك باسقارماسىنىڭ وكىلدەرىمەن كەزدەسۋ وتكىزدى.

كەلىسسوزدەر قورىتىندىسى بويىنشا تاراپتار تاجىريبەلىك ىنتىماقتاستىقتى تەرەڭدەتۋگە، تۋريستەر ٴۇشىن جاسالاتىن جاعدايلاردى جاقسارتۋ مەن 2017 جىلى قحر-داعى قازاقستان جىلى مەن قازاقستانداعى قحر-نىڭ جىلىن وتكىزۋ اياسىندا ىنتىماقتاستىق الاڭىن كەڭەيتە تۇسۋگە كەلىستى.

كورمە بارىسىندا قر يدم تۋريزم يندۋسترياسى دەپارتامەنتى قىتايدىڭ جانە باسقا ەلدەردىڭ تۋريزم بويىنشا ۇلتتىق جانە ايماقتىق تۋروپەراتورلارىمەن جانە ۇيىمدارىمەن ەكىجاقتى كەزدەسۋلەر وتكىزدى.

قر يدم ٴباسپاسوز قىزمەتىنىڭ مالىمەتىنشە، كورمە اياسىندا قىتايدىڭ تۋريستىك كومپانيالارى مەن تۋريستەرى ەكسپو-2017 كورمەسىنە ۇلكەن قىزىعۋشىلىق تانىتتى. ماسەلەن، ولاردىڭ تاراپىنان بيلەتتىك وپەراتورلارعا قاتىستى، بيلەت قۇنى جانە بەكىتىلگەن تۋريستىك باعىتتار جايىندا سۇراقتار قويىلدى.

«الەمدە قىتايلىق تۋريستەر ٴۇشىن ايتارلىقتاي كۇرەس ٴجۇرىپ جاتىر. بۇگىنگى تاڭدا الەمدەگى ٴاربىر ونىنشى تۋريست - قىتاي. 2015 جىلى شەكارا اسقان قىتايلاردىڭ سانى 120 ملن. ادامعا ارتقان. ال، شەتەلدەردە قىتايلىق تۋريستەردىڭ جالپى جيىنتىق تۇتىنۋ كولەمى 200 ملرد. دوللارعا ارتقان. سوندىقتان، مۇندا ەڭ باي 25 ملن حالقى بار قىتاي قالاسىنىڭ بارلىق ٴىرى تۋريستىك بيزنەس ويىنشىلارى كەلدى. قازاقستانعا دەگەن قىزىعۋشىلىق وتە ۇلكەن. اۋقاتتى وڭتۇستىك قىتاي ايماعىنىڭ تۋريستەرى ٴبىزدىڭ ەل جايىندا وتە از بىلەدى. سول ٴۇشىن قر ينۆەستيسيالار جانە دامۋ مينيسترلىگى تۋريزم يندۋسترياسى دەپارتامەنتى «اتامەكەن» ۇكپ-نىڭ باسقارۋىمەن تۋروپەراتورلارمەن بىرلەسە رەسپۋبليكانىڭ تۋريستىك الەۋەتىن تانىستىردى. 2017 جىلى قىتايداعى قازاقستان ٴتۋريزمى جىلىن وتكىزۋ اياسىندا قازاقستاندى بۇدان دا تەرەڭىرەك تانىستىرۋ بويىنشا وزگە دە مەملەكەتتىك ورگاندارمەن ٴبىرقاتار شارالار وتكىزۋدى جوسپارلاپ وتىرمىز»، دەپ اتاپ ٴوتتى قر يدم تۋريزم يندۋسترياسى دەپارتامەنتىنىڭ ديرەكتورى مارات يگاليەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي