BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا جانە الەمدە بولعان سوڭعى وقيعالار تۋريزم سالاسىنىڭ دامۋىنا اسەر ەتكەن

دامىعان ەلدەردە تۋريزم ٴجىو-نىڭ 10%-ىن قۇرايدى. ال قازاقستاندا جىو-دەگى ۇلەسى 1%-عا جەتپەيدى. مىسالى، بۇگىندە بۇل كورسەتكىش 0،9% قۇرايدى. سەبەبى، ەلىمىزدىڭ وسى سالانى دامىتۋعا مۇمكىندىگى بار. بۇل تۋرالى ورتالىق كوممۋنيكاسيالار قىزمەتىندە «قازاقستانداعى ىشكى ٴتۋريزمدى دامىتۋ» تاقىرىبىندا وتكەن دوڭگەلەك ۇستەلدە قر يدم تۋريزم يندۋسترياسى دەپارتامەنتىنىڭ ديرەكتورى مارات يگاليەۆ مالىمدەدى، دەپ حابارلايدى baq.kz ٴتىلشىسى.

«دامىعان ەلدەردە تۋريزم جالپى ىشكى ٴونىمنىڭ 10%-ىن الىپ كەلەدى. سەبەبى، 1 تۋريست 10 جۇمىس ورنىن الىپ كەلەدى. تۋريزمدا 1 ورىن وندىرىستەگى جۇمىس ورنىمەن سالىستىرعاندا 10 ەسە ارزان. ال قازاقستاندا بۇل كورسەتكىش 1%-عادا جەتپەيدى. مىسالى، رەسپۋبليكانىڭ جىو-دەگى ٴتۋريزمنىڭ ۇلەسى 0،9 پايىزدى قۇرايدى. بىزدە وسى سالانى كوتەرۋگە الەۋەتىمىز جەتەدى. سوندىقتان وسى كورسەتكىشكە 9%-دى قوسۋىمىز كەرەك»، - دەدى باسشى.

مارات يگاليەۆ بۇل ماقساتقا جەتۋدە «ەكسپو» حالىقارالىق كورمەسىنىڭ ٴرولى زور ەكەندىگىن اتاپ ٴوتتى.

«2017 جىلى ەلىمىزدە ماڭىزدى «ەكسپو» حالىقارالىق جوباسى وتەدى. بۇل وتە جاقسى مۇمكىندىك. وسى جوبا اياسىندا ٴبىزدىڭ مينيسترلىك ارنايى جوسپار قۇردى. وسىنىڭ نەگىزىندە استانادا سonvention بيۋروسىن جوسپارلانىر وتىر. بۇل ۇيىم كاسىبي تۇردە ٴتۋريزمدى دامىتاتىن بولادى. قازاقستان تاريحىندا العاش رەت. ماماندار ٴتيىستى جۇمىستار جۇرگىزىدە. جوبانىڭ بولاشاعى بار. ٴبىز وسى مۇمكىندىكتى بۇگىن پايدالانۋىمىز كەرەك. «ەكسپو» كورمەسى 3 ايدا وتەدى. وسى بەلگىلى ٴبىر دەڭگەيدە ۇلەس پايدامىزدى (ديۆيدەندى) الۋىمىز كەرەك. بۇل ەلىمىزدە ٴتۋريزمدى دامىتۋعا جول اشادى»، - دەدى ول.

سونداي-اق، تۋريزم يندۋسترياسى دەپارتامەنتىنىڭ ديرەكتورىنىڭ ايتۋىنشا ەلىمىزدە جانە الەمدە بولعان سوڭعى وقيعالار ەلىمىزدە تۋريزم سالاسىنىڭ دامۋىنا اسەر ەتكەن.


«2016 جىلى العاش رەت سىرتقى جانە ىشكى تۋريزم كورسەتكىشتەرى جاقساردى. ياعني 1 ملن ادام شەتەلگە شىقپاي ەلىمىزدە دەمالعان. مۇنىڭ سەبەبى، بارلىعىنا بەلگىلى. ناقتىراق ايتساق، بۇل قارجى سەكتورىنداعى قيىندىقتار جانە الەمدە بولىپ سوڭعى وقيعالار. بۇگىندە ەۋروپا مەملەكەتتەرىندە قاۋىپسىزدىككە، ميگراسيالىق سۇراقتارعا قاتىستى شەشىمىن تاپپاعان ماسەلەلەر بار. ساراپشىلار، بۇگىنگى تاڭدا تۋريستەردىڭ وڭتۇستىك-ازيا ەلدەرىنە ٴجيى ساياحاتقا شىعاتىندىعىن انىقتاعان. ٴبىز تۋرا وسى جولدا تۇرمىز. سوندىقتان قازاقستاننىڭ تۋريستەردى وزىنە تارتۋعا ايقىن مۇمكىندىگى بار»، - دەپ تۇيىندەدى ٴسوزىن م. يگاليەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي