BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يراندا سوعىس جوق، بۇل – باتىستىڭ جالعان جارناماسى

فوتو: Airlife

قازاقستان مەن يران تۋروپەراتورلارى ٴوزارا تۋريستەر الماسىپ، ەكىجاقتى تۋريزم سالاسىن دامىتۋ ماسەلەلەرىن تالقىلادى، دەپ حابارلايدى baq.kz ٴتىلشىسى.

يران يسلام رەسپۋبليكاسى ەلدىڭ سىرتقى بەدەلىن ارتتىرۋعا كۇش سالىپ، شەتەلدىك تۋريستەر ٴۇشىن ٴقاۋىپسىز ٴارى قىزىقتى دەمالدىس ۇسىنۋدى كوزدەيدى. الايدا بازبىرەۋلەردىڭ ىقپالىمەن يران تۋرالى قالىپتاسقان پىكىر الەم جۇرتشىلىعىن ۇركىتىپ، تاريحي-مادەني قازىناسى مول ەلدەن الاستاتىپ وتىر.

«يران – ٴدىني تالابى قاتال، ساياسي جاعدايى تۇراقسىز، الەممەن بايلانىسى جوق، سوعىسقۇمار ەل».

جاسىراتىنى جوق، قازىردە بۇل مەملەكەت تۋرالى كوپتىڭ ويى وسىنداي. جالعان جارنامادان ارىلۋ ٴۇشىن يران بيلىگى باۋىرلاس ەلدەردىڭ بابىن تاۋىپ، دوستىق قارىم-قاتىناس قۇرۋدى قالايدى. وسى ماقساتتاعى العاشقى قادامىن تۋريزم سالاسىنان باستاۋدى ۇيعارىپتى. سوندىقتان قازاقستاننان ٴبىر توپ جۋرناليستەر مەن تۋروپەراتورلاردان قۇرالعان ارنايى دەلەگاسيا شاقىرتىپ، ٴبىر اپتاعا سوزىلعان اقپاراتتىق تۋر اياسىندا مول مادەني مۇراسى مەن ەكونوميكالىق الەۋەتىن، يراندىق قوناقجايلىعىن پاش ەتتى.

تەگەراننان باستالىپ، مەشحەد، يەزد پەن شيراز قالالارىن قامتىعان اقپاراتتىق تۋردا يران مەن قازاقستاننىڭ ٴىرى تۋريستىك كومپانيالارى باس قوسىپ، ٴوزارا تۋريستەر الماسۋدىڭ مۇمكىندىكتەرىن قاراستىردى. كەزدەسۋ بارىسىندا يران تاراپى قازاقستاندى تۋريزم سالاسىنداعى اۋقىمدى تابىس كوزى رەتىندە قاراستىراتىندارىن جاسىرمادى. ساياحاتتاعاندى جاقسى كورەتىن قازاقتاردىڭ نازارىن وزدەرىنە قاراتۋ ٴۇشىن قازاقستاندىق ارىپتەستەرىمەن كەڭەستى.

«رەسەيدە بولسىن، قازاقستاندا بولسىن، يران تۋرالى اقپارات وتە از. وكىنىشكە قاراي، مىندا كەلىپ، ٴوز كوزدەرىمەن كورمەيىنشە، يراندا نە بولىپ جاتقانىن تۇسىنە الماي، اداسىپ جۇرگەن ادامدار كوپ. يران – اراب ەلدەرى سياقتى ەمەس، ٴبىزدىڭ ويىمىزشا، ولارمەن سالىستىرعاندا الدەقايدا ەركىن ٴارى اشىق مەملەكەت. كوپ جاعدايدا يراندى يراكپەن شاتاستىرادى. يران تۋرالى بۇل «انتيجارناما» بۇرىننان بار. ونى بۇزىپ، جاڭا كەلبەتىن قالىپتاستىرۋ جولىندا سەگىز جىل جۇمىس ىستەپ كەلە جاتىرمىز»، - دەيدى يراننىڭ «nadia parvaz» تۋريستىك اگەنتتىگىنىڭ وكىلى ليلي سادري.

فوتو: turkystan.kz

ونىڭ ايتۋىنشا، وسى سەگىز جىل ىشىندە يرانعا كەلگەن بىردە-بىر تۋريست قاندايدا ٴبىر قيىندىققا تاپ بولىپ كورگەن ەمەس.

«بىزدە دە جاعاجاي، وزەن-كولدەرىمىز بار. ٴبىراق ىشكى تارتىپكە بايلانىستى ەرلەر مەن ايەلدەر جاعاجايلارى بولەك بولعاندىقتان، كۇنگە كۇيىپ، شومىلۋدى قالايتىندار ٴۇشىن ٴسال ىڭعايسىزداۋ. ٴبىراق تاريحي مۇراعا تۇنىپ تۇرعان يران – مادەني تۋريستەر ٴۇشىن تاپتىرماس ۇسىنىس. جانە ٴبىزدىڭ كومپانيا ٴبىر دەگەندە بىرنەشە كونە قالانى قامتيتىن (ماسەلەن، تەگەران، يحفاحان، يازد جانە شيراز – اۆت) ىڭعايلى باعدارلامالار ۇسىنادى. يران، ازىرگە، تۋريستەر اراسىندا قىزۋ سۇرانىسقا يە ەمەس. سوندىقتان جەكەلەي كەلگەن تۋريستەر ٴۇشىن قىمباتقا ٴتۇسۋى مۇمكىن. ٴبىراق توپتاسىپ كەلەتىن بولسا، ادام باسىنا ورتا ەسەپپەن 1300-1600 دوللار شاماسىندا. مۇنىڭ ىشىنە جاتاتىن ورىن مەن جول شىعىندارى تەگىس كىرەدى. ارينە، قازاقستاننان دا تۋريستەر تارتقىمىز كەلەدى. ول ٴۇشىن ەگەر ٴسىزدىڭ ەلدىڭ تاراپىنان ۇسىنىس بولسا، قاراستىرىپ، قابىلداۋعا دايىنبىز»، - دەيدى ليلي سادري.

ال وسى ەلدە بىرنەشە جىلدان بەرى تۋراگەنت بولىپ قىزمەت اتقارىپ جۇرگەن ورىس قىزى اناستاسيا پولەۆايا ورامال تاعۋعا باسىڭ ۇيرەنسە، يراندا ٴومىر ٴسۇرۋ وتە وڭاي ٴارى قىزىقتى دەيدى. اسىرەسە جەرگىلىكتى دارىگەرلەردىڭ كاسىبي دەڭگەيىنە كوڭىلى تولى.

«بەس جىلدان اسا يراندا تۇرامىن. حالقى وتە قوناقجاي. ٴبىرقاتار اراب ەلدەرىمەن سالىستىرعاندا ەركىن مەملەكەت. مەديسيناسى جاقسى دامىعان. ٴوز تاجىريبەمنەن ايتا الامىن. ٴتىسىمدى ەمدەتىپ، تريحولوگكا باردىم... جالپى، مۇندا ەمدەلۋ ارزان ٴارى ساپاسى جاقسى. سول سەبەپتى دە يران ٴوز مەديسيناسىن الەمدىك دەڭگەيگە شىعارعىسى كەلىپ، مەديسينالىق ٴتۋريزمدى دامىتۋعا كۇش سالىپ جاتىر»، - دەيدى ول.

يران قىزىقتى ەكسكۋرسيالارىمەن عانا ەمەس، دامىعان مەديسيناسىمەن دە تۋريست تارتۋدى قالايدى. جەرگىلىكتى مامانداردىڭ ايتۋىنشا، ەلدە جۇرەك، بۇيرەك، كوز اۋرۋلارىن ەمدەۋ مەن ورتوپەديا جاقسى دامىعان. سونداي-اق پلاستيكالىق حيرۋرگيا دا مول سۇرانىستا ٴارى قازاقستاندىقتار اراسىندا تانىمال كورەي مەديسيناسىنا باسەكەلەس بولا الادى. ەڭ باستىسى، باعاسى دا ارزان.

«ەلىمىزدە مەديسينا جاقسى دامىعان. اسىرەسە جۇرەك اۋرۋلارىن ەمدەۋ جاعىنان الدىڭعى قاتارداعى ەلدەردىڭ ٴبىرىمىز دەپ ايتا الامىز. ٴتىپتى، الەمگە تانىمال يزرايل مەديسيناسىندا قىزمەت جاساپ جۇرگەندەردىڭ 70 پايىزى يراندىقتار دەسەم، قاتەلەسپەيمىن. سوندىقتان، ەم تابا الماي قينالعان قازاقستاندىقتاردى يرانعا شاقىرامىز»، - دەدى يەزد قالاسىنداعى sayedoshohada hospital مەديسينالىق مەكەمەسىنىڭ وكىلى س.حوسەيني مىرزا.

يراننىڭ مەشحەد قالاسىندا ٴدىني تۋريزم جاقسى دامىعان. الەمنىڭ تۇكپىر-تۇكپىرىنەن جينالعان مۇسىلماندار شاھاردىڭ قاق ورتاسىندا ورنالاسقان رەزا يمام كەسەنەسىنە ٴمىناجات ەتۋ ٴۇشىن ارنايى كەلىپ، بۇل ساپارلارىن كىشى قاجىلىق سانايدى.

فوتو: astana.mfa.ir

«بىزدە ٴدىني تۋريزم جاقسى دامىعان. مەككەگە بارۋعا نيەتتەنگەندەر سانى جىل سايىن ارتىپ كەلەدى. ونىڭ ٴبارىن بىردەي قابىلداۋ ساۋد ارابياسى ٴۇشىن ۇلكەن سالماق. سوندىقتان ول جاققا بارعان ٴدىني ٴتۋريستىڭ قاۋىپسىزدىگىنە كەپىلدىك جوق، بولسا دا از. سول سەبەپتى مەككەگە سىيماي قالعاندار يمام ريزانىڭ كەسەنەسىنە كەلىپ، كىشى قاجىلىق جاساپ كەتەدى»، - دەيدى قازاقستاندىق دەلەگاسيانى كۇتىپ العان گيد باحرام حالافي.

يران ەلى قازاقستانعا دا تۋريست جىبەرۋگە نيەتتى. جاھاندىق ابىرويى جىل سايىن ارتىپ كەلە جاتقان جاس مەملەكەت تابيعاتىمەن، مادەنيەتىمەن، ەكونوميكالىق قارقىنىمەن ٴارى جاس استاناسىمەن قىزىقتىراتىن كورىنەدى يراندىقتاردى. ٴسوزدىڭ ورايى كەلگەندە قازاقستاندىق تاراپ يران تۋريستەرىن بيىل استانادا وتەتىن ەحرو-2017 حالىقارالىق كورمەسىنە شاقىردى.

«بيىل قازاقستان «جاسىل» تەحنولوگيا سالاسىنداعى وزىق ويلاردى الەمگە پاش ەتەتىن ەحرو-2017 كورمەسىنە قىزۋ دايىندىق ۇستىندە. ٴبىز ٴۇشىن وسى جىلدىڭ باستى شاراسى سانالاتىن كورمە ەلىمىزدىڭ جۇرەگى – استانا قالاسىندا وتەدى. سوندىقتان يراندىقتاردىڭ قازاقستاننىڭ كەربەز تابيعاتى مەن ەكونوميكالىق جەتىستىكتەرىن تاماشالاۋدان بولەك، وسىناۋ ٴىرى وقيعانىڭ كۋاسى بولۋلارىنا مول مۇمكىندىك بار. وعان نيەت بىلدىرگەن بارشا يران حالقىن شاقىرامىز. سونداي-اق الداعى ۋاقىتتا يران-قازاقستان قارىم-قاتىناسى نىعايىپ، ٴوزارا تۋريست الماسۋ پروسەسى، ۆيزا راسىمدەۋ جۇيەسى جەڭىلدەي تۇسەدى دەگەن نيەتتەمىز»، - دەدى قازاقستان تۋريستىك قاۋىمداستىعى ەكوتۋريزم اقپاراتتىق رەسۋرستىق ورتالىعى الماتى قالاسى اقپاراتتىق ورتالىعىنىڭ جەتەكشىسى يساعۇلوۆا ايگۇل.

يران تۋريزم سالاسىنىڭ وكىلدەرى ساپار قورىتىندىسى بويىنشا قوس تاراپتىڭ ٴوزارا الماسقان ۇسىنىستارى ەكى ەلدىڭ سىرتقى ساياسات ۆەدومستۆولارى دەڭگەيىندە تالقىلانىپ، ۆيزا راسىمدەۋ ماسەلەسىن وڭتايلاندىرۋ جايى وڭ شەشىمىن تابادى دەگەن سەنىم ٴبىلدىردى. بۇنى قازاقستاندىق تۋروپەراتورلار دا قولداپ وتىر.

سۋرەتتەر اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي