BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ىلە الاتاۋىندا كۇشىكتەرىن ەرتكەن قار بارىسى فوتوقاقپانعا ٴتۇسىپ قالدى

الماتى، baq.kz. «ىلە الاتاۋى» ۇلتتىق تابيعي پاركى رمك بيولوگ-اڭشىلارى ىلە الاتاۋىندا كۇشىكتەرىن ەرتكەن قار بارىسىنىڭ ۆيدەوسىن جاريالادى.

«ىلە الاتاۋى» ۇلتتىق تابيعي پاركى رمك بيولوگ-اڭشىلارى قار بارىسىنىڭ ميگراسيالىق جولىن كورۋ ٴۇشىن 2018 جىلدىڭ قازانى مەن جەلتوقسانى ارالىعىندا فوتوتۇزاق قويعان بولاتىن. فوتواپپپاراتتار تاۋدىڭ جوعارعى جاعىنداعى شىرشا ورمانى اراسىندا ورناتىلعان ەدى.

جۇرگىزىلگەن جۇمىس بارىسىندا ىلە الاتاۋى ۇلتتىق پاركى ايماعىندا تاريحتا تۇڭعىش رەت بىرەگەي ۆيدەوماتەريال ٴتۇسىرىلدى.

بەينەكادردا 3 جانۋاردىڭ تاۋ بەتكەيىن بويلاي ماڭعاز باسىپ كەتىپ بارا جاتقانى ٴتۇسىپ قالعان.

ۇلتتىق پارك ماماندارىنىڭ باعامداۋىنشا، كامەرانىڭ الدىنان ۇرعاشى بارىس 1،5 جاسار كۇشىكتەرىن ەرتىپ وتكەن.

ايتا كەتۋ كەرەك، الماتى بيلىگى وسىعان دەيىن جويىلۋدىڭ از-اق الدىندا تۇرعان قار بارىسىنا ارنالعان زووباق اشاتىنىن حابارلاعان بولاتىن.

ەرەكشە كۇزەتتى تالاپ ەتەتىن نىسان ادامدار بارا بەرمەيتىن بيىك تاۋدا سالىنادى. ونداعان گەكتاردى الىپ جاتقان تەرريتوريادا تاۋ ەشكىلەرى، بۇعىلار مەكەندەيتىن بولادى. بۇل قار بارىستارىنىڭ قورەكتىك بازاسى بولماق. بيىل زوولوگ عالىمدار مەن زوولوگيا ينستيتۋتىنىڭ وكىلدەرى عىلىمي زەرتتەۋ جۇرگىزىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي