BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدىڭ تۋريستىك ايماقتارىنا قاتىنايتىن اۋە باعىتتارىن سۋبسيديالاۋعا كونكۋرس جاريالاندى

استانا، baq.kz. قر ينۆەستيسيالار جانە دامۋ مينيسترلىگى ازاماتتىق اۆياسيا كوميتەتى قازاقستاننىڭ تۋريستىك ايماقتارىنا قاتىنايتىن اۋە باعىتتارىن سۋبسيديالاۋعا كونكۋرس جاريالادى. بۇل تۋرالى كوميتەتتىڭ ٴباسپاسوز قىزمەتى حابارلادى.

اۆياسيا كوميتەتىنىڭ اقپاراتىنا سايكەس، كونكۋرس ەلىمىز ايماقتارىن بايلانىستىراتىن سۋبسيديالانعان 16 اۋە مارشرۋتى بويىنشا وتكىزىلەدى.

«بۇل رەتتە، مەملەكەت باسشىسىنىڭ تاپسىرماسى اياسىندا تۋريستىك ايماقتارعا قاتىنايتىن اۋە مارشرۋتتارىن دامىتۋعا ەرەكشە نازار اۋدارىلعانىن اتاپ وتكەن ٴجون. وسىلايشا، كونكۋرسقا جىبەرىلگەن اۋە باعىتتارىنىڭ 10-ى الاكول، بالقاش، بۇقتىرما سۋ قويماسى جانە بۋراباي كۋرورتىنىڭ تۋريستىك ايماقتارىنىڭ قولجەتىمدىلىگىن ارتتىرۋعا باعىتتالعان»، - دەلىنگەن حابارلامادا.

كونكۋرسقا كەلەسى باعىتتار ۇسىنىلىپ وتىر:

قىزىلوردا - قاراعاندى - قىزىلوردا - 18 000 تەڭگە،

وسكەمەن - قاراعاندى - وسكەمەن - 20 000 تەڭگە،

شىمكەنت - پەتروپاۆل - شىمكەنت - 20 000 تەڭگە،

الماتى - بالقاش - الماتى - 14 مىڭ،

استانا - ٴۇرجار - استانا - 16 000،

استانا - ٴۇشارال - استانا - 16 000،

كوكشەتاۋ - اقتاۋ - كوكشەتاۋ - 20 000،

كوكشەتاۋ - الماتى-كوكشەتاۋ 18 000 تەڭگە،

پەتروپاۆل - استانا - پەتروپاۆل - 10 000 تەڭگە،

پەتروپاۆل - الماتى - پەتروپاۆل - 20 000 تەڭگە،

ٴۇرجار - الماتى - ٴۇرجار - 14 000،

تالدىقورعان - استانا - تالدىقورعان - 24 500 تەڭگە،

ٴۇشارال - الماتى - ٴۇشارال - 10 000،

استانا - بالقاش - استانا - 9 000 تەڭگە،

وسكەمەن-سەمەي-ۇرجار-سەمەي-وسكەمەن (وسكەمەن-سەمەي - 4000، وسكەمەن - ٴۇرجار - 10 000، سەمەي - ۋرجار - 10 000)،

وسكەمەن-زايسان-وسكەمەن باعىتى بويىنشا 8 000 تەڭگە.

سونداي-اق باياناۋىل اۋەجايىن ىسكە قوسقاننان كەيىن استانا-باياناۋىل، الماتى-باياناۋىل جانە پاۆلودار-باياناۋىل اۋە باعىتتارىن سۋبسيديالاۋ باعدارلاماسىنا قوسۋ جوسپارلانىپ وتىر. كونكۋرسقا جولاۋشىلار تاسىمالىن جۇزەگە اسىرۋعا رۇقساتى بار قازاقستاننىڭ كەز كەلگەن اۋە كومپانياسى قاتىسا الادى.

«ۇسىنىلعان قۇجاتتاردىڭ تولىقتىعىن باعالاۋ جانە كونكۋرستىق وتىنىمدەردى اشۋ 2018 جىلدىڭ 11 جەلتوقسانىندا وتەدى»، - دەلىنگەن كوميتەت اقپاراتىندا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي