BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۋراگەنتتىكتەر شەتەلگە شىققان ٴار تۋريست ٴۇشىن ارنايى قورعا 1000 تەڭگە اۋدارىپ تۇرادى

قىدىرۋعا باراتىن ەلىمىزدىڭ تۋريستەرى ەندى شەت ەلدە تەنتىرەمەيتىن بولدى. ۇكىمەت تۋروپەراتورلارعا الدانىپ نەمەسە وقىس جاعدايدا جات جەردە قالىپ قويعان وتانداستارىمىزدى ەلگە جىلدام قايتارۋ ٴۇشىن ارنايى قور قۇرىپ جاتىر.

قور كادىمگى ساقتاندىرۋ كومپانياسىنىڭ ٴرولىن اتقارادى. ياعني، بارلىق تۋراگەنتتىكتەر شەتەلگە دەمالۋعا شىققان ٴار كليەنتى ٴۇشىن وسى قورعا مىڭ تەڭگەدەن اقشا اۋدارىپ تۇرادى. سونىمەن قاتار، كەپىلدىك رەتىندە ەكىنشى دەڭگەيلى بانكتەردەن شوت اشىپ، 10 ميلليون تەڭگە سالىپ قويۋعا مىندەتتى. ٴسويتىپ، شەت ەلدە ساياحاتتاپ جۇرگەن وتانداستارىمىز الدا جالدا تۋروپەراتورعا الدانىپ، نەمەسە وقىس جاعداي بولا قالسا وسى قور تۋريستەردى ەلگە قايتارۋمەن اينالىسادى. ٴسويتىپ، ينۆەستيسيالار جانە دامۋ مينيسترلىگى بۇل سالاداعى بىتپەيتىن جانجالداردى بولدىرماۋعا تىرىسپاق. سوندىقتان مينيسترلىك تۋراگەنتتىكتەر مەن وپەراتورلاردى وسى قورمەن كەلىسىمشارتقا وتىرۋعا مىندەتتەپ جاتىر. بۇل شارۋاعا 10 تاۋلىك ۋاقىت بەرىلگەن.

«ازاماتتار قالىپ جاتسا، شەت ەلدە تۇركيادا، مىسالى، ارنايى شوتقا اقشا الىنادى. سول اقشا ارقىلى تۋريستەردى شىعارامىز. ٴبىراق، قور ەڭ الدىمەن ساناپ شىعادى قانشا كەرەك ەكەنىن، سوسىن ينۆەستيسيالار جانە دامۋ مينيسترلىگىنەن كەلىسىم الىنادى. سوسىن تۋريستەردى شىعارامىز»، - دەيدى قر ينۆەستيسيالار جانە دامۋ مينيسترلىگىنىڭ دەپارتامەنت ديرەكتورى مارات يعالي.

كتك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي