BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇدان بىلاي قازاقستاندىق تۋريستەردىڭ شەتەلدە قالىپ قويۋىنا جول بەرمەيمىز  – ي.رەي

7 قاراشادا ۇكىمەت قاۋلىسىمەن قابىلدانعان سىرتقى تۋريزم سالاسىندا قر ازاماتتارىنىڭ قۇقىعىن كەپىلدەندىرۋ جۇيەسى زاڭدى كۇشىنە ەنگەن بولاتىن. ەندى شەتەلدە قالىپ قويعان قازاقستاندىق تۋريستەردى «تۋريستىك قامقور» كورپاراتيۆتىك قورى ەلگە قايتارۋ بويىنشا شارا قولداناتىن بولادى. بۇل تۋرالى قر ينۆەستيسيالار جانە دامۋ مينيسترلىگىندە وتكەن ٴباسپاسوز ٴماسليحاتىندا اتالمىش قوردىڭ ديرەكتورى يننا رەي مالىمدەدى، دەپ حابارلايدى baq.kz ٴتىلشىسى.

«تۋريستەر توتەنشە جاعداي بولعان ۋاقىتتا ەلگە قايتا الماي قالىپ جاتادى. ال تۋروپەراتورلار ٴوز مىندەتتەرىن ورىنداي المايدى. سوندىقتان، مۇنداي جاعدايدى بولدىرماس ٴۇشىن وسى قوردى قۇرىپ وتىرمىز. وسى باعىتتا ەكى قۇرالدى جۇزەگە اسىرامىز. بىرىنشىدەن، تۋروپەراتورلار بانككە بىرنەشە كەپىلدىك ٴتۇرىن تولەيدى. ەگەر تاۋەكەل جوعارى بولسا، ولار (تۋروپەراتورلار – رەد.) 30 ملن تەڭگەگە دەيىن كەپىلدىك ۇسىنادى. ال ەگەر قاراپايىم قىزمەت ٴتۇرى بولسا، كەپىلدىك قۇنى 10 ملن تەڭگەنى قۇرايدى. ەكىنشىدەن، تۋردان تۇسكەن قارجىنىڭ ٴبىر بولىگى قورعا («تۋريستىك قامقور» - رەد.) اۋدارىلادى. ول اقشا شۇعىل جاعداي بولعان كەزدە قاجەتكە جاراتىلادى»، - دەدى ديرەكتور.

سونىمەن قاتار، يننا رەي قازاقستان ازاماتتارىنىڭ قۇقىعىن كەپىلدەندىرۋ جۇيەسىنىڭ نەگىزگى قاعيدالارىن ٴتۇسىندىردى.

«ٴبىز وسى جۇيەنى ىسكە قوسۋ ٴۇشىن ٴتيىستى شارانى قولعا الدىق. ەڭ باستى ماقسات تۋريستەردىڭ ماسەلەسىن شەشۋ. وسى ۋاقىتتان باستاپ اكىمشىلىك جۇيە ٴوز جۇمىسىن باستايدى. اكىمشىلىك جۇيە قورداعى اقشانى پايدالانا الادى. ياعني، قازاقستاندىق تۋريستەردى ەلگە قايتارۋ ٴۇشىن ارنايى ەسەپشوت اشىلادى. ول تۋروپەراتورمەن نەمەسە اۋە كەمەسىن جالداۋشى-وپەراتورمەن ازىرلەنگەن جانە قر ازاماتىنا تۋراگەنت ارقىلى ساتىلاتىن ٴاربىر تۋريستىك ونىمنەن اۋدارىلعان – 0،5 اەك-تان (1061 تەڭگە) قۇرالادى. قارجى شەتەلدە قالىپ قويعان ٴتۋريستىڭ مۇددەسى ٴۇشىن جۇمسالادى. وعان قوناق ۇيدە تۇرۋ، تاماق اقىسى كىرەدى. مۇنىڭ بارلىعى جۇيەنىڭ قىزمەتىنە ەنگىزىلگەن. بۇل جەردە بانكتەگى كەپىلدىك – ساقتاندىرۋ قىزمەتىن اتقارادى. ەگەر تۋروپەراتور جۇيەنىڭ قاتىسۋشىسى بولسا، ونىڭ كەسىرىنەن تۋريستەر قيىن جاعدايدا قالسا، اكىمشى بانككە حابارلاسادى. بانكتە كەپىلدە تۇرعان قارجى قورعا بەرىلەدى»، - دەدى باسشى.

سونىمەن قاتار، ديرەكتور ازاماتتار تۋروپەراتوردان ارنايى تۋركودتى سۇراۋعا مىندەتتى ەكەنىن اتاپ ٴوتتى.

«نارىقتاعى كومپانيالار بۇل مۇمكىندىككە سابىرلىقپەن قارايدى دەگەن ۇمىتتەمىز. الداعى ۋاقىتتا تۋريستەر شەتەلدە ەش نارسەگە الاڭداماي، ٴوز ۋاقىتىن جاقسى وتكىزەدى دەپ ويلايمىن. ەندى قازاقستاندىق تۋريستەر شەتەلدە قالىپ قويمايدى. تۋريست تۋركومپانياعا بارعان كەزدە تۋركودتى تالاپ ەتۋى كەرەك. تۋركود قور سايتىنداعى ساندىق نومىردەن تۇرادى. ٴاربىر ازامات ٴتۋرونىمدى ساتىپ العاننان كەيىن، ٴبىزدىڭ قوردا ساقتاندىرىلعاندىعى تۋرالى سايتتان بىلە الادى. ەگەر ول ٴوزىن رەەستردان تاپسا، شەتەلگە ەش ۋايىمسىز شىعا الادى. قور ونى قيىن جاعدايدا قالدىرمايدى. اتالعان جۇيە ەۋروپادا، رەسەي مەن اقش-تا بار»، - دەدى ديرەكتور.

سونداي-اق، قر ازاماتتارىنىڭ قۇقىعىنا كەپىلدىك بەرۋ جۇيەسىنىڭ اكىمشىسى اسىلحان ەسىلوۆ ەلىمىزدە 1200 تۋريستىك كومپانيانىڭ ٴ12-سى اتالعان جۇيەگە قوسىلىپ وتىرعانىن اتاپ ٴوتتى.

قر يدم تۋريزم دەپارتامەنتىنىڭ دەرەگى بويىنشا، 2014-2015 جىلدارى جاۋاپسىز تۋريستىك وپەراتورلاردىڭ كەسىرىنەن تۋريستەردىڭ شەت ەلدەردەگى ورىندارىنىڭ اقىسى مەن كەرى قايتاتىن بيلەتتەرى تولەنبەي قالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي