BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋماعى 16 مىڭ گەكتار جەردى حالىق دەمالاتىن ورىن جاسايمىز - ج.تۇيمەبايەۆ

وبلىس اكىمى جانسەيىت تۇيمەبايەۆتىڭ قاتىسۋىمەن «شاتقال» باعدارلاماسى اياسىندا قالاداعى سالىنىپ جاتقان ەكىنشى ساياباققا 5 مىڭ ٴتۇپ اعاش كوشەتتەرى وتىرعىزىلدى، دەپ حابارلايدى baq.kz ٴتىلشىسى.

«سامال» شاتقالى دەپ اتاۋ بەرىلگەن ساياباق 38 گەكتار اۋماقتى قۇرايدى. ونىڭ ۇزىندىعى 1750 مەتر بولىپ كەلەدى. قاراۋسىز قالعان ساي-سالالاردى اباتتاندىرىپ، كوگالداندىرۋ ماقساتىندا 15 مىڭنان استام - ۇيەڭكى، ەمەن، شاعان، شىنار، قاراعاش، سەكسەۋىل، قاراعان، جىلاۋىق تال مەن ارشا، قاراعاي كاليفورنيالىق تەرەك ەگىلەتىن بولادى.

ەلىمىزدەگى تۇڭعىش جوبا بولىپ سانالاتىن باعدارلامانىڭ جاي-جاپسارىنا توقتالعان ٴوڭىر باسشىسى يگى ىسكە بارشانى ٴبىر كىسىدەي قاتىسىپ، قالانى جاسىل جەلەككە اينالدىرۋعا ٴوز ۇلەستەرىن قوسۋعا شاقىردى.

«اتالعان باعدارلاما بويىنشا الداعى ۋاقىتتا شىمكەنت شاھارىنىڭ ايماعىنداعى شاتقالداردى كوگالداندىرۋدى جوسپارلاپ وتىرمىز. جالپى اۋماعى 16 مىڭ 800 گەكتاردى حالىق دەمالاتىن ورىندارىنا اينالدىرۋمىز كەرەك. بيىل شىمكەنتتە كولەمى 100 گەكتارعا جۋىق 5 ساي-سالانى دەمالىس كەشەنىنە اينالدىرامىز. تۇرعىندارىنىڭ سانى ميلليونعا جۋىقتاعان وبلىس ورتالىعىنىڭ ەكولوگيالىق احۋالىن جاقسارتىپ، جاسىل قالاعا اينالدىرۋعا ٴتيىسپىز » دەدى جانسەيىت قانسەيىت ۇلى.

ساياباققا كەلۋشىلەر اشىق اسپان استىنداعى امفيتەاترلاردا ٴتۇرلى ۇيىمداستىرىلعان مادەني كەشتەردى تاماشالايدى. ودان بولەك بالالار الاڭشاسى، شاحمات پەن دويبى الاڭى، ۆەلوجولدار مەن سپورتتىق جاتتىعۋعا ارنالعان ورىن مەن پوليسيا بولىمشەسى سالىنىپ ەل يگىلىگىنە بەرىلەدى.

بۇل باعدارلامانىڭ باستى ماقساتى - قاراۋسىز قالعان شاتقالداردى حالىق دەمالاتىن ساياباققا اينالدىرۋ. بۇل ادىسپەن سالىنعان ساياباقتاردى الەمنىڭ وركەنيەتى دامىعان ەلدەرى تابيعي لاندشافتى ساقتالعان دەپ جوعارى باعالاپ، سۇيىكتى دەمالىس ايماقتارىنىڭ بىرىنە اينالدىرعان.

ايتا كەتەيىك، شاھارداعى بوس جاتقان ساي-سالالاردى كوگالداندىرىپ، اباتتاندىرۋ جۇمىستارىنا دەمەۋشىلەر مەن ەرىكتى مەكەمە ۇيىمدارى دا تارتىلىپ جاتقانىن ەسكە سالامىز. ماسەلەن، م.اۋەزوۆ اتىنداعى وقمۋ ۇجىمى جاسىل جەلەك قاتارىن دامىتۋ جۇمىستارىنا ٴوز ۇلەستەرىن قوسۋ ماقساتىندا 5 گەكتار جەردى كوگالداندىرۋعا نيەت ٴبىلدىرىپ وتىر.

ەكولوگ عالىمداردىڭ مالىمدەۋىنشە جەلتوقسان-اقپان ايلارىندا ەگىلگەن جاسىل جەلەكتەر تابيعاتتىڭ ٴتۇرلى جاعدايلارىنا – ىستىق پەن سۋىققا توتەپ بەرىپ، ٴتوزىمدى بولۋعا سەپتىگىن تيگىزەدى.

وتكەن اپتادا بيىلعا جوسپارلانعان 5 شاتقالدىڭ العاشقىسىنا سەنبىلىك ۇيىمداستىرىلىپ، «شىمسايا» اتاۋى بەرىلگەن ساياباقتا ٴبىر كۇندە مىڭنان استام كوشەت ەگىلگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي