BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا-دۋشانبە» رەيسى: تاجىكستان قازاقستاندىق تۋريستەرگە نە ۇسىنا الادى؟ ەكسكليۋزيۆ

استانا، baq.kz ٴتىلشىسى. scat اۋە كومپانياسى «استانا-دۋشانبە» باعاتىندا جاڭا حالىقارالىق رەيس اشتى. قازاقستان مەن تاجىكستان استانالارىن بايلانىستىرعان العاشقى تىكەلەي رەيس ەكى ەلدە دە ٴتۋريزمدى دامىتۋعا ىقپال ەتپەك. سونىمەن، تاجىكستان قازاقستاندىق تۋريستەرگە نە ۇسىنا الادى؟

تاجىكستان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نازيرماد اليزودا تاجىكستان 2018 جىلدى تۋريزم جىلى دەپ جاريالاعانىن ايتتى. وسىعان وراي، كورشى ەلدىڭ تۋريستەرگە ۇسىنارى دا كوبەيگەن ەكەن.

«تاجىكستاندا تاۋ ٴتۋريزمى، ساۋىقتىرۋ ٴتۋريزمى، تاريحي تۋريزم مەن ەكسترەمالدى تۋريزم دامىعان. بىزدە وزەندەر وتە كوپ. تاجىكستاننىڭ ٴبىر ەرەكشىلىگى، ەلىمىزدە ٴبىر ۋاقىتتا قىستى دا، جازدى دا كورۋگە بولادى. ياعني، بىزدە قىستا اۋا رايى - 63 گرادۋسقا دەيىن جەتەتىن ورىندار بار. ولار مۇزدىقتاردا، تاۋ شىڭدارىندا كەزدەسەدى. سونداي-اق، اۋا تەمپەراتۋراسى + 30، + 40 گرادۋسقا دەيىن جەتەتىن جەرلەر بار»، - دەدى ٴباسپاسوز ماجىلىسىندە نازيرماد اليزودا.

ەلشى ەكى ەلدىڭ ساياسي، ساۋدا-ەكونوميكالىق، الەۋمەتتىك-گۋمانيتارلىق قاتىناستارى جايلى دا بايانداپ بەردى.

«2015 جىلعى 14 قىركۇيەكتە قازاقستان پرەزيدەنتى نۇرسۇلتان نازاربايەۆتىڭ تاجىكستانعا رەسمي ساپارى بارىسىندا مەملەكەت باسشىلارى ەكى ەل اراسىنداعى ستراتەگيالىق ارىپتەستىك تۋرالى كەلىسىمگە قول قويدى. بۇگىنگى تاڭدا تاجىكستان اۋماعىندا قازاقستاندىق ينۆەستورلاردىڭ ۇلەسىمەن 80-نەن استام بىرلەسكەن كاسىپورىن جۇمىس ىستەيدى. تاجىكستان ەكونوميكاسىنا قۇيىلعان تىكەلەي قازاقستاندىق ينۆەستيسيا كولەمى 100 ملن دوللاردان اسادى. 2017 جىلى ەكى ەل اراسىنداعى سىرتقى ساۋدا اينالىمىنىڭ كولەمى 24 پايىزعا ارتىپ، 840 ملن دوللاردى قۇرادى. 2018 جىلعى 11 ايدا بۇل كورسەتكىش ۇلعايىپ، 770 ملن دوللارعا جەتتى. قازاقستان تاجىكستاننىڭ نەگىزگى ساۋدا-ەكونوميكالىق ارىپتەستەرى تىزىمىندە ەكىنشى ورىنعا شىقتى. پرەزيدەنتىمىز ەمومالي راحموننىڭ 2018 جىلعى ناۋرىزداعى قازاقستانعا رەسمي ساپارى بارىسىندا ەكى ەلدىڭ باسشىلارى مەملەكەتتەر اراسىندا تاۋار اينالىمىن 2 ملن دوللارعا ارتتىرۋعا كەلىستى. ەكى ەل اراسىندا بارلىعى 100-دەن استام ٴتۇرلى كەلىسىم بار. ولاردىڭ قاتارىندا كولىك سالاسى دا قامتىلعان. ٴقازىر ٴبىز بيىلعى ناۋرىزدا ەكى ەل باسشىلارى بەكىتكەن ۇشۋ گەوگرافياسىن كەڭەيتۋ تۋرالى كەلىسىمىن ورىنداپ وتىرمىز. ٴبىز قازاقستان مەن تاجىكستان اراسىنداعى العاشقى تۇراقتى اۋە رەيسىنىڭ اشىلعانىنا قۋانىشتىمىز»، - دەدى نازيرماد اليزودا.

ال، نۇرسۇلتان نازاربايەۆ حالىقارالىق اۋەجايىنىڭ باسقارما ٴتوراعاسى رادىلبەك ٴاديمولدا ەندى ەكى ەلدىڭ ازاماتتارى بىر-بىرىنە ٴجيى قاتىناپ تۇراتىنىن ايتتى.

«مەن جاڭا جىل قارساڭىندا ەلوردامىزعا تاجىكتىڭ ٴتاتتى جەمىس-جيدەگى، كوكونىسى مەن قۇرماسى اكەلىنەدى دەپ ۇمىتتەنەمىن. بۇنىڭ بارلىعى ٴبىزدىڭ مەرەكەلىك داستارحانىمىزدا تۇرۋى كەرەك قوي. ال تاجىك دوستارىمىز جاڭا جىلدى ناعىز قىستىڭ قارىمەن قارسى الۋ ٴۇشىن بىزگە كەلسىن»، - دەدى رادىلبەك ٴاديمولدا.

scat اۋە كومپانياسىنىڭ كوممەرسيا جونىندەگى ۆيسە-پرەزيدەنتى نيكولاي بۋرياكوۆ بولسا، ەكى ەل جولاۋشىلارى قىس مەزگىلىندە 50 ورىندىق crj-200 اۋە كەمەسىمەن، ال جاز ۋاقىتىندا 120-140 ورىندىق boeing-737 ۇشاعىمەن قاتىنايتىنىن ايتتى.

«كەلەسى جىلعى جازدا سوچيگە دەيىنگى رەيستەر قالپىنا كەلەدى، باتۋميگە جاڭا رەيستەر اشىلادى. بۇعان قوسا، كەلەر جىلدىڭ اقپان-ناۋرىزىندا استانا-ۇلانباتىر باعىتىندا اۋە رەيسىن اشۋ جوسپارلانىپ وتىر. ەۋروپا باعىتىندا بىرنەشە رەيس پەن تۋريستىك باعدارلاردى دا اشۋ كوزدەلۋدە. تاعى ٴبىر ايتا كەتەرىم، قاڭتار ايىنىڭ باسىندا اۋە كومپانيامىزدىڭ ۇشاق بيلەتتەرىنىڭ باعاسىنا ۇلكەن جەڭىلدىكتەر بولادى»، - دەدى نيكولاي بۋرياكوۆ.

بۇعان دەيىن ٴبىز «استانا-دۋشانبە» اۋە رەيسىنىڭ اشىلعانى جونىندە حابارلاعان ەدىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي