BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ارنايى سەلفي جاسايتىن ساياباقتار بولادى

ەلوردادا سەلفي جاساۋعا ارنالعان ساياباقتار پايدا بولادى. «كرىشا» پورتالىنىڭ اقپاراتى بويىنشا، سەلفي ٴۇشىن ارنايى مۇسىندەر قويىلعان ٴۇش جاڭا ساياباق سالىنادى، دەپ حابارلايدى baq.kz.

ونىڭ العاشقىسى ٴارى ەڭ ۇلكەنى جەڭىس داڭعىلى مەن جانگەلدين كوشەسىنىڭ قيىلىسىندا بولادى. اۋماعى – 3 مىڭ شارشى مەتر.

ٴدال وسىنداي سكۆەر (اۋماعى ٴسال كىشىرەك – 2 مىڭ شارشى مەتر) سارىارقا داڭعىلىنىڭ بويىنان دا ورىن تەبەدى. ۋچاسكەلەردىڭ ۇشتەن ٴبىر بولىگى كوگالداندىرىلادى. قالعان بولىگىنە جول توسەلىپ، ورىندىقتار جانە ٴتۇرلى قوندىرعىلار قويىلادى.

ال ساياباق اۋماعىندا سۋرەتكە ٴتۇسۋ ٴۇشىن بيىكتەۋ ورىندار قاراستىرىلعالى وتىر. جوبانىڭ مازمۇنى بويىنشا، بەزەندىرۋدىڭ تاقىرىبى مۋزىكا بولماق.

استانا قالالىق تابيعي رەسۋرستار باسقارماسىنان جۋىردا عانا ساراپتامادان وتكەن قۇجاتتامادا سەلفي ٴۇشىن كونتراباس، رويال جانە تاعى باسقا دا اسپاپتار قاراستىرىلعان.

ٴۇشىنشى ساياباق مولداعۇلوۆا كوشەسى بويىندا جەڭىس داڭعىلى مەن پوتانين كوشەسى اراسىنداعى ۋچاسكەدە اشىلادى. ول كىشكەنتاي بالالاردىڭ دەمالىسىنا لايىقتالىپ جاسالادى.

دەرەك كوزى: abctv.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي