BAQ.kz - Қазақстан жаңалықтары USD 377.11 BAQ.kz - Қазақстан жаңалықтары EUR 424.21 BAQ.kz - Қазақстан жаңалықтары RUB 5.91
استانا:

الماتىدا تۋريستەرگە ارنالعان جاڭا باعدارلاما شىقتى

الماتى قالاسىنىڭ تۋريستىك اقپاراتتىق ورتالىعى «الماتى 72» دەپ اتالاتىن جاڭا تۋريستىك باعدارلاما جاساپ شىعاردى. بۇل باعدارلاما الماتىعا كەلگەن تۋريستەردىڭ 72 ساعاتقا نەمەسە ودان دا كوپ ۋاقىتقا دەيىن ساياحاتىنا ارنالعان. الماتىعا كەلگەن ٴاربىر ٴتۋريستتىڭ قولىنا امبەباپ ٴتىزىم ۇسىنىلادى، دەپ حابارلايدى baq.kz اقپارات اگەنتتىگى.

ٴتىزىمنىڭ ىشىنە، الماتى قالاسىنىڭ باستى كورىكتى جەرلەرى كىرەدى. ولار: مەدەۋ مۇز ايدىنى، شىمبۇلاق شاڭعى ورتالىعى، كوك بازار، مۇراجايلار جانە ت.ب. تۋريستەرگە قازاقتىڭ ۇلتتىق تاعامدارىمەن قاتار الەمگە ايگىلى الماتى اپورتىنان ٴدام تاتۋعا بولادى. بارلىق شەتەلدىك تۋريستەردىڭ 100% اقپاراتتاندىرۋ ٴۇشىن شەكارالىق جانە كەدەندىك باقىلاۋدى ٴوتۋ كەزىندە تۋريستەرگە ارنالعان ٴتىزىم كورسەتىلگەن پاسپورتقا سالىنادى. «الماتى 72» باعدارلاماسى ٴۇش تىلدە جارىق كورىپ، اۋەجايدا، تەمىرجول ستانسيالارىندا، visit almaty اقپاراتتىق ستەندتەرىندە جانە ورتالىقتىڭ سەرىكتەستەرىنىڭ 40-تان استام نۇكتەلەرىندە تەگىن تاراتىلادى.

قۇرىلۋ ۋاقىتىنىڭ ٴبىر جىلعا جەتپەگەنىنە قاراماستان تۋريستىك اقپارات ورتالىعى تۋريستەردى تارتۋ نۇكتەسى بولۋىمەن قاتار، الماتى قالاسىنداعى قىزمەت كورسەتۋ ورتالىقتارى مەن قالا كولەمىندەگى ٴىس-شارالار تۋرالى ماڭىزدى اقپارات تاراتۋشى بولۋدا.

الماتى قالاسىنىڭ تۋريزم باسقارماسى نەگىزىندە dmo (destination management organization) ستاندارتتارعا سايكەس ۇيىمداستىرىلعان. تۋريستىك اقپاراتتىق ورتالىعى الماتى وبلىسىنداعى جالعىز باسقارۋشى كەڭسەسى بولىپ تابىلادى.

ونىڭ مىندەتى - قالانىڭ تۋريستىك الەۋەتىن دامىتۋ جانە تۋريستەردى تارتۋ. سونىمەن قاتار، visit almaty ٴوز الدىنا زەرتتەۋ ورتالىعى بولىپ ەسەپتەلىنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي